Ƙamusu

Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi

Ɗa - Tana nufin matsayin yaro namiji a gurin iyayensa. Misali; Audu ɗa ne ga Malam Habu. ENG; Son (A turance tana nufin ɗa)
Ɗabi’a - Tana nufin hali. Misali: Yaran gidan suna da kyakkyawar ɗabi'a. ENG; Behaviour (A turance tana nufin ɗabi'a)
Ɗaci - Tana nufin wani yanayi mara daɗi da ake ji a maƙogwaro idan an ɗanɗana abubuwa kamar magani da sauransu. Misali; Maganin yana da ɗaci sosai. ENG; Bitterness (A turance tana nufin ɗaci)
Ɗaukaci - Dukkani, Gabadaya, Kafatani
Ɗauraye - Tana nufin sa ruwa a sake wanke abu. Misali; Na ɗauraye kwanon kafin in zuba abinci. ENG; Rinse (A turance tana nufin ɗauraye)
Ɗawafi - Tana nufin zagaye Ka'aba da zimmar ibada. Misali; Duk wanda ya je Umara sai ya yi ɗawafi. ENG; Circle the Ka'aba at Macca (A turance tana nufin ɗawafi)
Ɗazu - Tana nufin lokacin da be daɗe da wucewa ba. Misali; Ɗazu na dawo daga gidan bikin. ENG; A moment ago (A turance tana nufin ɗazu) Kishiyarsa; Yanzu
Ɗaɗɗoya - Tana nufin wani ganye mai ƙamshi wanda ake magani da shi. Misali; An yi amfani da ganyen ɗaɗɗoya wajen haɗa maganin. ENG; A fragrant herb (A turance tana nufin ɗaɗɗoya)
Ɗigil - Tana nufin ɗan gajere ko ƙanƙani. Misali; Na ga wani ɗan ɗigil a kasuwa yau. ENG; Very Short (A turance tana nufin ɗigil)
Ɗimbi - Tana nufin da yawa. Misali; Muna miƙa godiya mai ɗimbin yawa ga waɗanda suka samu damar zuwa taron buɗe kamfaninmu. ENG; Superabundance (A turance tana nufin ɗimbi)
1 2