Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Dariya - Tana nufin canja yanayin fuska tare da bayyana haƙora sakamakon wani abin farin ciki ko nishaɗi.
Misali; Jama'a na ta dariya sakamakon ganin ɗan wasan barkwancin da suka yi.
ENG; Laugh (A turance tana nufin dariya)
Darkness - A turance tana nufin duhu.
Misali; Gari ya yi duhu sakamakon hadarin da ya haɗo.
HAU; Duhu (Tana nufin rashin haske)
Datti - Tana nufin dauɗa ko ƙazanta.
Misali; Kayansa sun yi datti da yawa.
ENG; Dirt (A turance tana nufin datti)
Dattijo - Tana nufin babban mutum mai kima wanda shekarunsa suka ja.
Misali; Mahaifinta dattijo ne saboda yana da dattako.
ENG; An elder (A turance tana nufin dattijo)
Daula - Tana nufin dukiya ko kayan alatu da ƙawa na duniya.
Misali; Lami tana cikin daula saboda mijinta yana da kuɗi.
ENG; Wealth (A turance tana nufin daula)
Dauriya - Tana nufin juriya.
Misali; Tanko yana da dauriya.
ENG: Ability to endure hardship or pain (A turance tana nufin dauriya)
Daushe - Tana nufin tsohon goro.
Misali; Gwaggo ta fi son goro daushe.
ENG; Last year's kolanuts (A turance tana nufin daushe)
Dawa - Tana nufin ɗaya daga cikin nau'in hatsi.
Misali; Tuwon dawa na ƙara lafiya saboda tana ƙunshe da sinadarai masu inganta lafiya.
ENG: Guinea Corn (A turance tana nufin dawa)
Dawo - Tana nufin fura ba tare da nono ba.
Misali; Sakkwatawa na son dawo, sukan sha shi kodayaushe.
ENG; Ball of fura without milk (A turance tana nufin dawo)
Day After Tomorrow - A turance tana nufin jibi.
Misali; Jibi za a fara bikin kuma sai an jera sati ana yi.
HAU; Jibi (Tana nufin ranar da ke bin gobe)