Ƙamusu

Ƙara - Tana nufin maimaita wani abu ko yin sa sau biyu ko fiye. Misali; Malam ya ce a ƙara karanta darasin domin a fahimce shi sosai. ENG; Repeat (A turance tana nufin ƙara)

Ƙaraji - Tana nufin ihu ko kuka mai ƙarfi saboda ciwo ko wahala. Misali; Yaron ya yi ƙaraji lokacin da ya faɗi ya ji rauni. ENG; Crying out in pain (A turance tana nufin ƙaraji)

Ƙarambau - Tana nufin cutar fata da ke sa ƙuraje ƙanana masu ruwa su fito a jiki, musamman ga yara. Misali; Yaron ya kamu da ƙarambau, don haka ba ya zuwa makaranta har sai ya warke. ENG; Chickenpox (A turance tana nufin ƙarambau)

Ƙaranci - Tana nufin rashin isa ko rashin wadata ko rashin kai wa wani adadi. Misali; Akwai ƙarancin abinci a kasuwa saboda ana fama da fari. ENG; Shortage (A turance tana nufin ƙaranci)

Ƙarangiya - Tana nufin wata irin ciyawa mai ƙaya da ke manne wa tufafi ko fata. Misali; Yara sun guji shiga cikin ƙarangiya saboda suna tsoron kar ta manne musu. ENG; Grass with prickly burrs (A turance tana nufin ƙarangiya.)

Ƙararrawa -

Tana nufin wani abu na ƙarfe da ake bugawa mai ƙara, wanda ake amfani da shi wajen sanarwa ko faɗakarwa.

Misali; An buga ƙararrawa domin ɗalibai su shiga aji.

ENG; Bell (A turance tana nufin ƙararrawa)

Ƙarasa -

Tana nufin kammala wani abu ko kaiwa ƙarshe.

Misali; Na ƙarasa aikin gida kafin dare ya yi.

ENG; Finish (A turance tana nufin ƙarasa)

Ƙare - Tana nufin kammala wani abu gaba ɗaya ko gamawa da shi. Misali; Ta ƙare karatun littafin cikin kwana biyu. ENG; Complete (A turance tana nufin ƙare)

Ƙarfafa - Tana nufin maganganun da ke ba da ƙwarin gwuiwa ga wanda ake yi wa su. Misali; Malamin yana ƙarfafa wa ɗalibai gwiwa don su riƙa yin karatu sosai. ENG; Strengthen (A turance tana nufin ƙarfafa)

Ƙarfamfana - Tana nufin datti ko ƙura da ke taruwa a cikin aljihu. Misali: Ya wanke ƙarfamfana da ke cikin aljihunsa kafin ya sa rigar. ENG: Dirt inside pocket (A turance tana nufin ƙarfamfana)