Ƙamusu

Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi

Ƙage -

Tana nufin jiki ko wani sashen jiki ya yi tauri ko ya daskare na ɗan lokaci, yawanci saboda tsoro, sanyi ko jin zafi.

Misali; Wuyansa ya ƙage bayan ya yi tsalle ya faɗo daga sama.

ENG: Become temporarily stiff (A turance tana nufin ƙage).

Ƙage -

Tana nufin zargin mutum da wani abu da be aikata ba ko ba tare da hujja ba.

Misali: An yi masa ƙagen ya saci kuɗi.

ENG: False accusation (A turance tana nufin ƙage)

Ƙaho -

Tana nufin wani abu mai ƙarfi da ke fitowa a kan dabba kamar shanu, awaki ko tumaki.

Misali: Shanu suna da ƙaho a kansu.

ENG: Horn (A turance tana nufin ƙaho)

Ƙaimi -

Tana nufin wani abu mai kaifi da ke fitowa a ƙafar dabba (musamman zakara ko wasu tsuntsaye) da suke amfani da shi wajen kare kai ko faɗa.

Misali; Zakara yana amfani da ƙaiminsa wajen faɗa.

ENG; Spur (A turance tana nufin ƙaimi)

Ƙaiƙayi -

Tana nufin jin son sosa wani guri ko sashen jiki.

Misali: Yana jin ƙaiƙayi a hannunsa bayan sauro ya cije shi.

ENG: Itching (A turance tana nufin ƙaiƙayi)

Ƙalau - Tana nufin sosai ko matuƙa. Misali; Shanyin ya yi sanyi ƙalau sai an sake dafa shi. ENG; Very (A turance tana nufin ƙalau.)
Ƙam-ƙam - Tana nufin riƙe abu da ƙarfi. Misali; Ya kamata mu riƙe addini ƙam-ƙam domin inganta rayuwarmu. ENG; Tightly (A turance tana nufin ƙam-ƙam)
Ƙamfa - Tana nufin rashin wani abu ko ƙarancinsa. Misali; An samu ƙamfar ruwa a ƙauyen saboda rashin zuwan ruwan sama. ENG; Lack/Shortage (A turance tana nufin ƙamfa)
Ƙamshi - Tana nufin shaƙar daddaɗar iska. Misali; Furen nan yana da ƙamshi mai daɗi. ENG; Fragrant (A turance tana nufin ƙamshi)
Ƙamusu - Tana nufin littafin da ke ƙunshe da rubutattun kalmomi da ma'anarsu. Misali; Dalibi ya duba ƙamus domin ya fahimci ma’anar kalmar. ENG; Dictionary (A turance tana nufin ƙamusu)
1 … 320 321 322 323 324 … 331