Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Kuzari - Tana nufin ƙarfi da lafiya.
Misali; Jaririn yana da cikakken kuzari masha Allah.
ENG; Showing Energy (A turance tana nufin kuzari)
Kuɓewa - Tana nufin ɗaya daga cikin tsirrai da ake shukawa a lambu, ana amfani da ita don yin miya da magani da sauransu.
Misali; Tuwon Shinkafa da miyar kuɓewa muka ci yau da safe.
ENG; Okra (A turance tana nufin kuɓewa)
Kuɗi - Tana nufin abin da ake amfani da shi don yin cinikayya.
Misali; Duk abin da za ka siya sai ka biya kuɗi tukunna.
ENG; Money (A turance tana nufin kuɗi)
Kuɗin Cizo - Tana nufin wani ƙwaro mai shan jini.
Misali; Ɗakin Musa akwai kuɗin cizo da yawa, idan ka shiga sai ka kwaso.
ENG; Bed Bugs (A turance tana nufin kuɗin cizo)
Kwabo - Tana nufin ɗaya daga cikin nau'in kuɗin Najeriya da ake amfani da shi a da.
Misali; Kwabo ɗaya ake ba wa su Baba idan za su je makaranta da suna yara.
ENG; Penny (A turance tana nufin kwabo)
Kwaf - Tana nufin kofi ko moɗa.
Misali; Inna ta siyo sabon kwaf mai launin shuɗi da fari.
ENG; Cup (A turance tana nufin kwaf)
Kwagiri - Tana nufin sandan da dattijai da attajirai suke amfani da shi idan suna tafiya.
Misali; Alhaji Lado yana amfani da kwagiri sama da shekara goma da na san shi.
ENG; Walking Stick (A turance tana nufin kwagiri)
Kwaikwaya - Tana nufin yin abu kamar yanda na asali yake.
Misali; Habu kukan doki yake kwaikwaya da na mage.
ENG; Imitate (A turance tana nufin kwaikwaya)
Kwaki - Tana nufin garin rogo.
Misali; Ɗaliban makarantun kwana suna son kwaki sosai
ENG; Cassava Flour (A turance tana nufin kwaki)
Kwakwa - Tana nufin ɗaya daga cikin kayan marmari mai mutuƙar amfani ga ɗan Adam.
Misali; Kunun kwakwa na da matuƙar daɗi da ƙara lafiya.
ENG; Coconut (A turance tana nufin kwakwa)