Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Tana nufin kusurwa ko gefen wani wuri, musamman inda ɓangarori biyu suka haɗu.
Misali; Shagon Alhaji Manu na da kwana guda uku.
ENG; Corner (A turance tana nufin kwana)
Tana nufin yin dare ko kwashe dare a wani wuri har zuwa wayewar gari.
Misali: Matafiyan sun kwana a Kano kafin su ci gaba da tafiyarsu.
ENG: Spend the night (A turance tana nufin kwana).
Tana nufin shimfiɗa jiki ko hutawa a kan gado, tabarma ko wani wuri.
Misali; Bayan ya gama aiki ya samu gurin kwanciya domin ya huta.
ENG; Lying down (A turance tana nufin kwanciya)
Tana nufin akwati ko mazubin da ake saƙawa, wanda ake amfani da shi wajen ɗaukar kaya ko adana abubuwa.
Misali; Ta je kasuwa da kwando don ɗaukar kayan miya.
ENG; Basket (A turance tana nufin kwando)
Tana nufin yarjejeniya tsakanin ɓangarori biyu ko fiye domin gudanar da wani aiki ko ciniki.
Misali; Kamfanin ya samu kwangila domin gina sabon asibiti.
ENG; Contract (A turance tana nufin kwangila)
Tana nufin kwano mai faɗi da ake amfani da shi wajen ɗaukar yashi, siminti ko kaya a wurin aiki musamman aikin gini.
Misali; Magini ya ɗauki yashi a kwangiri zuwa saman bene.
ENG; Head pan for carrying sand (A turance tana nufin kwangiri)
Tana nufin doguwar sanda da ake amfani da ita wajen tuƙa jirgin ruwa ko kuma a matsayin sandar da ake rufi a gidajen gargajiya.
Misali; An sa kwangwala a kan rufin gidan Alaramma kafin a sa siminti.
ENG; Long pole used for canoeing or as roof pole of house (A turance tana nufin kwangwala)