Ƙamusu

Tana nufin ƙasan baya wato tsakanin bayan mutum da ɗuwawunsa.

Misali; Likitan ya duba mara lafiyan mai ciwon kwankwaso.

ENG; Area of back above buttocks (A turance tana nufin kwankwaso)

Tana nufin shan ruwa ko abin sha cikin sauri.

Misali; Ado ya samu ruwan sanyi ya kwankwaɗa bayan sun gama wasan kwallon kafa.

ENG; Gulp, Drink Quickly (A turance tana nufin kwankwaɗa)

Tana nufin mazubin da aka yi da ƙarfe wanda ake amfani da shi wajen zuba abinci ko abin ciye-ciye ko ma dafa abinci.

Misali; Ta cika kwano da shinkafa domin cin abinci.

ENG; Metal or enamel bowl (A turance tana nufin kwano)

Tana nufin shimfiɗa jiki a ƙasa ko kan gado don hutawa ko yin bacci. 

Misali; Bayan ya wuni yana aiki, ya kwanta a gado don ya  huta.

ENG; Lie down (A turance tana nufin kwanta)

Tana nufin abinci ko kayan da suka lalace ko suka ragu a kasuwa waɗanda ba a sayar ba.

Misali; A'isha takan siyar da abincinta a kullum amma yau ta yi kwantai.

ENG; Perishable foodstuffs left unsold (A turance tana nufin kwantai)

Tana nufin ɓoye kai ko ɓoye jiki domin kai hari.

Misali; Maharbi ya yi kwanto zai harbi gada.

ENG; Hiding oneself for ambush (A turance tana nufin kwanto)

Tana nufin ƙashi na kai wanda ke rufe ƙwaƙwalwa.

Misali; Likita ya yi bayani game da raunukan kwanya da kuma dalilan da ke haddasa su.

ENG; Skull (A turance tana nufin kwanya)

Tana nufin matakala da ake hawa daga ƙasa zuwa sama, musamman a gida ko itace.

Misali; Ya hau kwaranga domin ya kai kayan bene na biyu.

ENG; Ladder (A turance tana nufin kwaranga)