Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Kunama - Tana nufin ƙwaro mai cizo kuma mai dafi.
Misali; Kunama ce ta harbi Lado a ƙafa.
ENG; Scorpion (A turance tana nufin kunama)
Kunci - Tana nufin gefen fuska na hagu ko na dama.
Misali; Ya sha mari a gefen kuncinsa na hagu.
ENG; Cheek (A turance tana nufin kunci)
Kunkuru - Tana nufin wata dabba mai rayuwa a ruwa ko a doron ƙasa ko kuma guri mai danshi, tana tafiya a hankali kuma yana rayuwa mai tsayi.
Misali; Kunkuru yana iya rayuwa sama da shekaru tamanin ba doron ƙasa.
ENG; Tortoise (A turance tana nufin kunkuru)
Kunne - Tana nufin gaɓar da ake ji da ita.
Misali; Yara na yawan yin ciwon kunne musamman lokacin sanyi.
ENG; Ear (A turance tana nufin kunne)
Kuntigi - Tana nufin ɗaya daga cikin kayan kiɗan Hausawa.
Misali; Na jiyo kiɗan kuntigi a ƙofar gidan maigari.
ENG; Small one-stringed plucked musical instrument (A turance tana nufin kuntigi)
Kuntu - Tana nufin bargo launin ruwan ƙasa wanda sojoji suke amfani da shi.
Misali; An raba musu kuntu a ranar da suka shiga daji don yaƙi da 'yan ta'adda.
ENG; Brown blanket used by army personnel (A turance tana nufin kuntu)
Kuntukuru - Tana nufin ɗaya daga cikin kayan kiɗan Hausawa.
Misali; Na jiyo sautin kuntukuru, da alama an fara wasan.
ENG; Small bowl-shaped drum which is hung from the neck and beaten with small flexible sticks (A turance tana nufin kuntukuru)
Kunu - Tana nufin abin sha wanda ake yi da gari ko markaɗaɗɗen gero mai ƙunshe da kayan ƙamshi da tsamiya ko kanwa.
Misali; An dama wa mai jego kunu.
ENG; Gruel made of guinea-corn or millet flour (A turance tana nufin kunu)
Kunya - Tana nufin kawaici ko jin nauyin aikata lefi ko haɗa ido da mutane.
Misali; Yarinyar tana da kunya da ɗa'a.
ENG; Modesty (A turance tana nufin kunya)
Kunya - Tana nufin dogwayen tudu-tudun da ke gona.
Misali; Iro ya noma kunya bakwai yau a gona.
ENG; Ridge-row on farm (A turance tana nufin kunya)