Ƙamusu

Kishiya - Tana nufin abokiyar zama wadda aure ya haɗa, ma'ana idan mutum yana da mata biyu, ɗaya kishiyar ɗaya ce. Misali; An yi wa Lantana kishiya satin da ya wuce. ENG; Co-wife (A turance tana nufin kishiya)

Kissa - Tana nufin yin amafani da wayo da dabara da hilata don cimma manufa. Misali; Ba asiri ta yi wajen fitar da abokiyar zamanta ba, kissa ce da kisisina. ENG; Using clever or deceitful means for some purpose (A turance tana nufin kissa)

Kitchen - A turance tana nufin kicin. Misali; Hamida tana taya Umma girki a kicin. HAU; Kicin (Tana nufin ɗakin girki)

Kitse - Tana nufin maiƙon da ke jikin nama. Misali; Ragon yana da kitse ainun, maiƙon jikinsa ya isa a soya shi. ENG; Fat On Meat (A turance tana nufin kitse)

Kitso - Tana nufin salon tufke gashi don ado da kwalliya. Misali; Mata su ne ke yin ado da kitso da ƙunshi. ENG; Plaiting Of Hair (A turance tana nufin kitso)

Kiwata - Tana nufin ciyarwa ta tsahon lokaci. Misali; Zan kiwata Saniyar da aka ba ni har ta hayayyafa. ENG; Feed Animal (A turance tana nufin kiwata)

Kiwo - Tana nufin ciyar da dabbobi kamar awaki da shanu da kaji da sauransu. Misali; Sana'ar kiwo ta karɓi Malam Iro, garkensa sai haɓaka yake kullum. ENG; Tending animal at pasture (A turance tana nufin kiwo)

Kiyama - Tana nufin ranar tsayuwa, wato ranar da za a tashi ababen halitta a yi musu hisabi. Misali; Allah SWT shi ya san ranar da kiyama za ta tashi. ENG; Day Of Resurrection (A turance tana nufin kiyama)

Kiyashi - Tana nufin ɗan ƙaramin ƙwaro mara cizo. Misali; Kiyashi ya lulluɓe naman da na ɓoye a cikin ƙwarya. ENG; Small Ant (A turance tana nufin kiyashi)

Kiɗa - Tana nufin rauji ko sauti mai daɗi. Misali; Matasan sun kunna kiɗa suna cashewa don murnar bikin abokinsu. ENG; Music (A turance tana nufin kiɗa)