Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Kintsa - Tana nufin tattara kaya guri ɗaya.
Misali; Kar ki fita sai kin kintsa ɗakin tunda kin bari yara sun hargitsa shi.
ENG; Tidy Up (A turance tana nufin kintsa)
Kintsattse - Tana nufin mutum mai kamala da nutsuwa.
Misali; Ai da ganinsa an ga kintsattse, don kamanninsa sun nuna haka.
ENG; Polite (A turance tana nufin kintsattse)
Kirari - Tana nufin maganganun da ake yi wa mutum ko mutane don kwarzantawa ko kambamawa.
Misali; A kodayaushe akan yi wa mafarauta kirari kafin su tafi farauta.
ENG; Praise (A turance tana nufin kirari)
Kirci - Tana nufin wasu ƙuraje masu matuƙar ƙaiƙayi da ke fitowa a fata sakamakon rashin tsabta.
Misali; Abin da yasa almajirai ke yin kirci shi ne rashin wanka.
ENG; Eczema (A turance tana nufin kirci)
Kirista - Tana nufin mabiya addinin kiristanci wato ahalil kitabi.
Misali; Makociyata kirista ce, kuma muna zaman lafiya sosai.
ENG; Christian (A turance tana nufin kirista)
Kirki - Tana nufin kyautatawa ko hali mai kyau.
Misali; Yin tarayya da mutanen kirki na sa mutum ya zama mai nagarta.
ENG; Kindness (A turance tana nufin kirki)
Kirsimeti - Tana nufin bikin zagayowar ranar haihuwar Yesu Almasihu.
Misali; Kiristoci na bikin kirsimeti a duk ranar 25 ga watan Disamba.
ENG; Christmas (A turance tana nufin kirsimeti)
Kirɓa - Tana nufin daka abu sosai a cikin turmi.
Misali; Za mu kirɓa sakwara a ranar bikin da yardar Allah.
ENG; Pound (A turance tana nufin kirɓa)
Kisa - Tana nufin ɗaukar rai.
Misali; 'Yan ta'adda sun mayar da kisa ba komai ba a Najeriya.
ENG; Killing (A turance tana nufin kisa)
Kishi - Tana nufin sosuwar zuciya da ɓacin ran da suke jawo fushi, a dalilin tarayyar da wani ya yi da wani, a kan abin da wanin ya keɓanta da son sa koma mallakarsa.
Misali; Matan wannan zamani na da matuƙar kishi wanda ya saɓawa shari'a.
ENG; Jealousy (A turance tana nufin kishi)