Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Jayayya - Tana nufin faɗi in faɗa.
Misali; Tun safe suke jayayya a kan kuɗi.
ENG; Controversy (A turance tana nufin jayayya)
Jaɓa - Tana nufin dabba mai kamar ɓera amma ta fi shi girma tana da dogon baki kuma tana wari.
Misali; Akwai jaɓa a ɗakin nan don na ji warinta da na shigo.
ENG; Stinking Shrew- Mouse (A turance tana nufin jaɓa)
Jealousy - A turance tana nufin kishi.
Misali; Matan wannan zamani na da matuƙar kishi wanda ya saɓawa shari'a.
HAU; Kishi (Tana nufin sosuwar zuciya da ɓacin ran da suke jawo fushi, a dalilin tarayyar da wani ya yi da wani, a kan abin da wanin ya keɓanta da son sa koma mallakarsa)
Jefi-jefi - Tana nufin ba kodayaushe ba.
Misali; Yana zuwa gaishe da kakarsa jefi-jefi.
ENG; Often (A turance tana nufin jefi-jefi)
Kishiyarta; A kai-a kai
Jego - Tana nufin shayar da jariri.
Misali; Indo jego take shi yasa ba za ta bi mu ba.
ENG; Suckling of Infant (A turance tana nufin jego)
Jela - Tana nufin bindi.
Misali; Jakin yana da doguwar jela.
ENG; Tail (A turance tana nufin jela)
Jemage - Tana nufin dabba mai tashi sama wadda ba ta taɓa ƙasa.
Misali; Akwai jemage a kan bishiyar ƙofar gida.
ENG; Bat (A turance tana nufin jemage)
Jewa - Tana nufin je-ka-ka-dawo.
Misali; Na gan shi yana ta jewa saboda tashin hankali.
ENG; Going to and fro (A turance tana nufin jewa)
Jibga - Tana nufin ɗora kaya da yawa.
Misali; Na ga Habu ya jibga kaya a jikinsa wai sanyi yake ji.
ENG; Pile loads on top of one another (A turance tana nufin jibga)
Jibi - Tana nufin ranar da ke bin gobe.
Misali; Jibi za a fara bikin kuma sai an jera sati ana yi.
ENG; Day After Tomorrow (A turance tana nufin jibi)