Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Janye - Tana nufin jan abu daga muhallinsa.
Misali; An janye motar da ta lalace ta tare hanyar wucewa.
ENG; Drag Away (A turance tana nufin janye)
Jaraba - Tana nufin jin so mai tsanani.
Misali; Shan giya ya zama jaraba gare shi, sai ya sha yake jin daɗi.
ENG; Excessive Desire (A turance tana nufin jaraba)
Jarfa - Tana nufin tsagun fuska.
Misali; Jarfa, gadon gidansu ne.
ENG; Facial Markings (A turance tana nufin jarfa)
Jarida - Tana nufi takarda mai ƙunshe da rubutun labarai.
Misali; Dattijai na son karanta jarida don jin halin da duniya take ciki.
ENG; Newspaper (A turance tana nufin jarida)
Jarirai - Tana nufin jam'in jariri.
Misali; Kayan da gwamnati ta kawo na tallafin jarirai ne.
ENG; Infants (A turance tana nufin jarirai)
Jariri - Tana nufin wanda ba a daɗe da haifa ba.
Misali; An tsinci jariri a unguwarmu.
ENG; Infant (A turance tana nufin jariri)
Jarrabawa - Tana nufin gwaji.
Misali; Suna gama jarrabawa za a ba su hutu.
ENG; Examination (A turance tana nufin jarrabawa)
Jarumi - Tana nufin ƙaƙƙarfa ko jajirtacce.
Misali; Shi kaɗai ne jarumi a cikin gidan.
ENG; Brave (A turance tana nufin jarumi)
Jauje - Tana nufin abin kiɗa mai kama da kalangu.
Misali; A cikin kayan da suke kaɗawa har da jauje.
ENG; Drum similar to but larger than kalangu (A turance tana nufin jauje)
Jawabi - Tana nufin bayani a kan wani maudu'i.
Misali; A halin yanzu mai girma gwamna ne yake jawabi a ɗakin taron.
ENG; Speech (A turance tana nufin jawabi)