Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Guinea Corn - A turance tana nufin dawa.
Misali; Tuwon dawa na ƙara lafiya saboda tana ƙunshe da sinadarai masu inganta lafiya.
HAU: Dawa (Tana nufin ɗaya daga cikin nau'in hatsi)
Guinea-worm - A turance tana nufin kurkunu.
Misali; An yi nasarar kawar da cutar kurkunu a Najeriya.
HAU; Kurkunu (Tana nufin cutar fata mai sanya ƙuraje)
Gujjiya - Tana nufin nau'in abin ci mai kama da wake amma ta fi wake girma, kuma a cikin kwanso take, sai an ɓare.
Misali; Ina son gujjiya sosai, na ji an ce har tuwonta ake yi.
ENG; Bambara Groundnut (A turance tana nufin gujjiya)
Gulbi - Tana nufin kwari da ruwa yake taruwa.
Misali; Indo da ƙawayenta sun tafi gulbi yin wanki.
ENG; River (A turance tana nufin gulbi)
Gulma - Tana nan nufin ɗaukar zancen wani a kai wa wani da zimmar haɗa su faɗa.
Misali; Musulunci ya haramta gulma.
ENG; Setting one person against another through gossip (A turance tana nufin gulma)
Gulp, Drink Quickly -
A turance tana nufin kwankwaɗa.
Misali; Ado ya samu ruwan sanyi ya kwankwaɗa bayan sun gama wasan kwallon kafa.
HAU; Kwankwaɗa (Tana nufin shan ruwa ko abin sha cikin sauri)
Gum - A turance tana nufin danƙo.
Misali; Hannayensa danƙo suke saboda ya sha alawa.
HAU; Danƙo (Tana nufin abu mai mannewa)
Gum - A turance tana nufin ƙaro.
Misali: Ana amfani da ƙaro wajen yin tawadar da ake rubutu.
HAU: Ƙaro (Tana nufin wani abu mai ɗanko da ke fitowa a jikin bishiya).
Gumba - Tana nufi dakakken garin gero da sikari da ruwa.
Misali; An raba gumba a gidan mutuwar.
ENG; Sweet pounded millet mixed with water (A turance tana nufin gumba)
Gumi - Tana nufin ruwan da yake tsattsafowa a jikin mutum ta saman fata musamman idan yana jin zafi ko ya yi gudu.
Misali; Yau ana zafi kowa ka gani gumi yake.
ENG; Sweat (A turance tana nufin gumi)