Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Dutse - Tana nufin dunƙulallun halittun Allah da ke doron ƙasa.
Misali; Akwai gungumemen dutse a garin mu.
ENG; Stone (A turance tana nufin dutse)
Dye-pit - A turance tana nufin karofi.
Misali; Na taɓa ganin karofi a marinar da ke unguwar Ƙofar Mata.
HAU; Karofi (Tana nufin rami mai ɗauke da ruwan da ake rina tufafi)
Dysentary - A turance yana nufin atini.
Misali; Yara kan yi atini sakamakon shan zaƙi da suke yi.
HAU; Atini (Yana nufin ba-haya mai danƙo kuma mai wahalar fita wanda shan zaƙi ke haddasawa)
Ear - A turance tana nufin kunne.
Misali; Yara na yawan yin ciwon kunne musamman lokacin sanyi.
HAU; Kunne (Tana nufin gaɓar da ake ji da ita)
Earth - A turance tana nufin ƙasa.
Misali; Allah ya yi halittu masu yawa a doron ƙasa.
HAU; Ƙasa (Tana nufin duniyar da muke rayuwa a kanta)
Economic Financial Crime Commission (EFCC) - Hukumar hana ta'adin tattalin arziki
Eczema - A turance tana nufin kirci.
Misali; Abin da yasa almajirai suke yin kirci shi ne rashin wanka.
HAU; Kirci (Tana nufin wasu ƙuraje masu matuƙar ƙaiƙayi da ke fitowa a fata sakamakon rashin tsabta)
Education Trust Funds (ETF) - Asusun Tallafawa llimi
Effort - A turance tana nufin ƙoƙari.
Misali: Ƙoƙarinsa wajen karatu ya sa ya yi nasara a jarabawa.
HAU: Ƙoƙari (Tana nufin ƙwazo ko amfani da ƙarfi da himma domin cimma wani buri ko nasara)
Egg Shell - A turance tana nufin kamɓori.
Misali; Ana haɗa hoda wacce mata ke shafawa da kamɓori.
HAU; Kamɓori (Tana nufin ɓawo ko kwanson ƙwai)