Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Dropping Something - A turance tana nufin ɓari.
Misali; Kande ta yi ɓari ɗazu, duka garin tuwon ta zubar.
HAU; Ɓari (Tana nufin zubar da abu ba da gangan ba)
Drum similar to but larger than kalangu - A turance tana nufin jauje.
Misali; A cikin kayan da suke kaɗawa har da jauje.
HAU; Jauje (Tana nufin abin kiɗa mai kama da kalangu)
Drum similar to jauje - A turance tana nufin kolo.
Misali; Malam Habu makaɗin kolo ne sama da shekaru ashirin da suka wuce.
HAU; Kolo (Tana nufin nau'in abin kiɗa mai kama da jauje)
Dry -
A turance tana nufin ƙafe.
Misali: Kogin ya ƙafe tun bayan da damina ta wuce.
HAU; Ƙafe (Tana nufin abu ya bushe, babu ruwa ko danshi a ciki)
Dubu - Tana nufin lambar da ke bin bayan ɗari tara da casa'in da tara.
Misali; Ya ba ni Naira dubu da ya zo duba ni a asibiti.
ENG: One Thousand (A turance tana nufin dubu)
Dubura - Tana nufin gaɓar da ake bayan gari da ita (kashi).
Misali; Dubura ɗaya ce daga cikin gaɓɓan jiki.
ENG; Anus (A turance tana nufin dubura)
Duhu - Tana nufin rashin haske.
Misali; Gari ya yi duhu sakamakon hadarin da ya haɗo.
ENG; Darkness (A turance tana nufin duhu)
Dull - A turance tana nufin daƙiƙi.
Misali; Sun ce masa daƙiƙi saboda ya faɗi jarrabawa.
HAU; Daƙiƙi (Tana nufin wanda ba ya gane karatu)
Dung beetle - A turance tana nufin buzuzu.
Misali; Buzuzu ya fito a ƙofar gidan shi yasa ba zan iya shiga ba.
HAU; Buzuzu (Tana nufin wani nau'in ƙwaro mai tashi)
Durability - A turance tana nufin ƙarko.
Misali; Wannan kujera tana da ƙarko sosai saboda an yi ta da katako mai kyau.
HAU; Ƙarko (Tana nufin ƙarfin ko juriya ko daɗewa).