Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Camera - A turance tana nufin kyamara.
Misali: Umar ya sayi sabuwar kyamara domin ɗaukar hoto.
HAU: Kyamara (Tana nufin na’urar da ake amfani da ita wajen ɗaukar hoto ko bidiyo).
Camfi - Tana nufin yadda da maganganu marasa tushe.
Misali; Mutanen da sun yadda da camfi sosai.
ENG; Superstition (A turance tana nufin camfi)
Can - Tana nufin nesa da inda ake.
Misali; Na ajiye butar a can.
ENG; Over there (A turance tana nufin can)
Canary - A turance tana nufin kanari.
Misali; Tun asuba nake jin kukan kanari a kan bishiyar gidan nan.
HAU; Kanari (Tana nufin wani nau'in tsuntsu ma'abocin rera waƙa)
Cancak - Tana nufin ɗungurungum, wato a ɗauke abu gaba ɗayansa.
Misali; Ta ɗauke jakar cancak daga kan teburin.
ENG; Completely Gone (A turance tana nufin cancak)
Cancanta - Tana nufin dacewa.
Misali; Malamin ya cancanta a ba shi lambar yabo, saboda ƙokarinsa.
ENG; Deserve (A turance tana nufin cancanta)
Candle - A turance tana nufin kyandir.
Misali: Mun kunna kyandir saboda wutar lantarki ta ɗauke.
HAU: Kyandir (Tana nufin abin da ake kunna wa domin samar da haske, musamman idan babu wuta).
Canine Tooth - A turance tana nufin fiƙa.
Misali; Yaron ya fara fiƙa.
HAU; Fiƙa (Tana nufin haƙoran gaba)
Canja - Tana nufin sake wani abu da wani.
Misali; An canja lokacin jarrabawar daga ƙarfe ɗaya zuwa ƙarfe biyu na rana.
ENG; Change (A turance tana nufin canja)
Cankacakare - Tana nufin ƙarewar abu ƙarƙaf.
Misali; Kayan marmarin sun zama cankacakare.
ENG; Running short of something (A turance tana nufin cankacakare)