Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Buɗa-baki - Tana nufin cin abinci bayan an kai azumi.
Misali; Ana fara buɗa-baki da zarar an kira sallar magariba.
ENG; Taking the fisrt meal of the day during Ramadan (A turance tana nufin buɗa-baki)
Buɗi - Tana nufin samun damammaki ko cigaba a kasuwanci ko karatu ko wasu al'amura.
Misali; Allah ya ƙara buɗi ga duk masu sauƙaƙawa talakawa.
ENG; New opportunities/ Progress (A turance tana nufin buɗi)
Buƙata - Tana nufin abinda ake muradi ko ake so.
Misali; Ina buƙatar kwanaki masu yawa kafin na kammala wannan aikin.
ENG; Need (A turance tana nufin buƙata)
Cabbage - A turance tana nufin kabeji.
Misali; A cikin dambun akwai wadataccen kabeji.
HAU; Kabeji (Tana nufin ɗaya daga cikin kayan lambu wanda ake sarrrafa shi ta hanyoyi daban-daban)
Caca - Tana nufin wasan kati ne da ake sa kuɗi ko wani abu da zimmar wanda ya yi nasara ya ci wannan kuɗin ko abinda aka sa.
Misali; A hanyar akwai dandalin da 'yan caca suke zama.
ENG; Gambling (A turance tana nufin caca)
Cackling of hen before laying egg -
A turance tana nufin kyarkyara.
Misali: Na ji kyarkyarar kaza a bayan gida.
HAU: Kyarkyara (Tana nufin ƙarar da kaza ke yi kafin ta yi ƙwai)
Cafe - Tana nufin kama abu da sauri.
Misali; Mai tsaron ragar ya cafe ƙwallon da aka bugo masa.
ENG; Catch Something (A turance tana nufin cafe)
Caftan - A turance tana nufin kaftani.
Misali; Yayin kaftani ake yi yanzu.
HAU; Kaftani (Tana nufin taguwa mai faffaɗan hannu)
Cage - A turance tana nufin keji.
Misali; An zuba kajin a keji za a ba su abinci.
HAU; Keji (Tana nufin (akurki) wani abu da ake haɗa shi da rodi ko wayoyi, ana amfani da shi wajen killace dabbobi)
Caje - Tana nufin duba ko ina.
Misali; Na caje yaran duka ban ga wanda ya ɗauki littafin ba.
ENG; Search (A turance tana nufin caje)