Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Long metal horn blown in honour of an Emir - A turance tana nufin kakaki.
Misali; Da ka ji kakaki to sarki ya fito daga fada.
HAU; Kakaki (Tana nufin abin busa na ƙarfe wanda sarki kaɗai ake busawa)
Long pole used for canoeing or as roof pole of house -
A turance tana nufin kwangwala.
Misali; An sa kwangwala a kan rufin gidan Alaramma kafin a sa siminti.
HAU; Kwangwala (Tana nufin doguwar sanda da ake amfani da ita wajen tuƙa jirgin ruwa ko kuma a matsayin sandar da ake rufi a gidajen gargajiya)
Long sleeve worn as inner garment - A turance tana nufin jamfa.
Misali; Ya sa jamfa mai gajeren hannu kalar makuba.
HAU; Jamfa (Tana nufin rigar da ake sa wa a ƙasa kafin a ɗora babbar riga)
Looting in a noisy manner - A turance tana nufin ɓuruntu.
Misali; Ɓera yana ta ɓuruntu a ɗakin Kaka.
HAU; Ɓuruntu (Tana nufin ɓare-ɓare da hayaniya)
Lose Interest - A turance tana nufin gundura.
Misali; Kallon wasan ƙwallon ƙafa ya gundure ni.
HAU; Gundura (Tana nufin jin abu ya fita daga rai)
Losing Baby Teeth - A turance tana nufin famfara.
Misali; Muntari yana famfara.
HAU; Famfara (Tana nufin cirewar da haƙoran yara ke yi kafin na girma ya fito)
Lost - A turance tana nufin ɓata.
Misali; Ina tunanin takalmin ya ɓata, don na duba ko ina ban ganshi ba.
HAU; Ɓata (Tana nufin a nemi abu a rasa)
Loud Argument - A turance tana nufin hatsaniya.
Misali; Mata da mijin sun yi hatsaniya har ta kai matar ta yi yaji.
HAU; Hatsaniya (Tana nufin cacar baki ko cece-kuce)
Loud Fuss - A turance tana nufin kwakwazo.
Misali; Tun safe Lami take kwakwazo don an ɗauke mata kuɗi a gidan suna.
HAU; Kwakwazo (Tana nufin hayaniya da hayagaga)
Louse / Lice -
A turance tana nufin kwarkwata.
Misali: Indo ta shafa wa yaranta maganin kashe kwarkwata a kansu.
HAU; Kwarkwata (Tana nufin ƙananan ƙwari da ke rayuwa a gashin kai ko jiki suna tsotsar jini)