Ƙamusu

Gatse - Tana nufin a faɗi abu saɓanin abinda ake nufi. Misali; Ta yi musu gatse tace su faɗa wuta. ENG; Sarcasm (A turance tana nufin gatse)

Gauraka - Tana nufin tsuntsu wanda yake rayuwa kusa da fadamu. Misali; Ana samun tsuntsun gauraka a kudu maso yammacin Afirika. ENG; Crownbird (A turance tana nufin gauraka)

Gauraya - Tana nufin cakuɗa abubuwa su zama ɗaya. Misali; Ado ya gauraya garin dawar da rogo. ENG; Mix Together (A turance tana nufin gauraya)

Gauta - Tana nufin busasshiyar ɗata. Misali; A cikin maganin sanyin har da gauta. ENG; Dried form of garden egg (A turance tana nufin gauta)

Gawa - Tana nufi mataccen abu ko abinda ba shi da rai. Misali; Duk wanda ya shiga yankin da ake yaƙi ya zama gawa. ENG; Corpse (A turance tana nufin gawa)

Gawurta - Tana nufin shahara ko bunƙasa ko kai wa ƙololuwar matsayi. Misali; Kamfanin sun gawurta, yanzu sukan fitar da kayayyakinsu zuwa ƙasashen ƙetare. ENG; Become Great (A turance tana nufin gawurta)

Gaya - Tana nufin ƙololuwa ko ƙarshe. Misali; Yaran sun yi ƙoƙari matuƙa gaya. ENG; Extreme End (A turance tana nufin gaya)

Gaya - Tana nufin tsura ko tsirara. Misali; Ta dama min fura gaya, ba nono bare suga. ENG; Naked State (A turance tana nufin gaya)

Gayauna - Tana nufin wani sashi na gona da ake ba wa matasa don su noma. Misali; An ba wa Ɗahiru gayauna saboda ya samu kuɗin hidimar bikin kalankuwa. ENG; Small patch or plot of land given to a young boy to farm on (A turance tana nufin gayauna)

Gaye - Tana nufin matashi wanda yake shiga irin ta turawa. Misali; Ai yanzu ya zama gaye, kullum za ka gan shi da shigar nasara. ENG; Cocky young person who wears western dress (A turance tana nufin gaye)