Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Complain - A turance tana nufin ƙara.
Misali; Ya je ofishin shugaban makaranta domin ya kai ƙara kan rashin adalcin da aka yi masa.
HAU; Ƙara (Tana nufin yin koke ko bayyana rashin jin daɗi game da wani abu don neman ɗaukan mataki)
Complaining - A turance tana nufin gunaguni.
Misali; Habu yana ta gunaguni saboda Shamsu ya dake shi.
HAU; Gunaguni (Tana nufin yin ƙorafi ko magana ƙasa-ƙasa ba tare wanda ake yi don shi ya fahimci abinda ake faɗa ba)
Complete - A turance tana nufin kammala.
Misali; Idan kun kammala aikin da na ba ku sai ku tafi gida.
HAU; Kammala (Tana nufin gamawa)
Kishiyarta; Fara/Farawa
Complete - A turance tana nufin ƙare.
Misali; Ta ƙare karatun littafin cikin kwana biyu.
HAU; Ƙare (Tana nufin kammala wani abu gaba ɗaya ko gamawa da shi)
Completely -
A turance tana nufin kwata-kwata.
Misali: Ruwan sama ya tsaya kwata-kwata kafin mutane su fara fita waje.
HAU; Kwata-kwata (Tana nufin gaba ɗaya ko baki ɗaya ba tare da saura ba)
Completely - A turance tana nufin kaf.
Misali; Ta kwashe kayanta kaf daga gidan, kun ga kenan ba ta niyyar dawowa.
HAU; Kaf (Tana nufi duka ko gaba ɗaya)
Completely Gone - A turance tana nufin cancak.
Misali; Ta ɗauke jakar cancak daga kan teburin.
HAU; Cancak (Tana nufin ɗungurungum, wato a ɗauke abu gaba ɗayansa)
Computer Professionals Registration Council of Nigeria (CPRCN) - Hukumar ayyukan masana kwamfuta ta Najeriya
Confederation - Kadaura, Ƙungiya
Confederation of African Football (CAF) - Hukumar ƙwallon ƙafa ta Afirka