Ƙamusu

Body - A turance tana nufin jiki. Misali; Ya sha maganin ciwon jiki ya kwanta. HAU; Jiki (Tana nufin sassa gaba ɗaya daga kai zuwa ƙafa)

Boil Continuously - A turance tana nufin ɓararraka. Misali; Waken yana ta ɓararraka tun ɗazu. HAU; Ɓararraka (Tana nufin dahuwa ba ƙaƙƙautawa)

Boka - Tana nufin jakadan shaiɗanun aljanu, wanda yake bauta musu da yin abinda suka umarce shi. Misali; Zuwa gurin boka kan sa mutum ya rasa imanin sa. Kishiyarsa; Malam ENG; Native Doctor (A turance tana nufin boka)

Bokiti - Tana nufin likidiri, wato maɗebin ruwa ko abin ɗiban ruwa. Misali; Garin ɗiban ruwa suka fasa bokitin, amma ba a yi musu komai ba saboda tsautsayi ne. ENG; Bucket (A turance tana nufin bokiti/likidiri)  

Bola - Tana nufin shara ko kayan da aka gama amfani da su waɗanda za a zubar. Misali; Motar ɗiban shara ta kwashe bolar bakin kasuwa. ENG; Refuse (A turance tana nufin bola)

Bone -

A turance tana nufin ƙashi.

Misali: Likitan ya gano cewa yaron ya karye a ƙashin hannunsa.

HAU: Ƙashi (Tana nufin wani ɓangare na jikin dabbobi ko mutum wanda ke ba da tsari da ƙarfi ga jiki)

Bone marrow - A turance tana nufin ɓargo. Misali; Girkin ya yi daɗi musamman ma ƙashin miyar saboda akwai ɓargo a ciki. HAU; Ɓargo (Tana nufin abin da yake cikin ƙashi ko laka)

Booty - A turance tana nufin ganima. Misali; An samu ganima mai yawa a yaƙin. HAU; Ganima (Tana nufin kayayyakin da ake samu bayan kammala yaƙi, kamar bayi, kuɗi da sauransu)

Bora - Tana nufin matar da ba ta da cikakken gata a gurin mijinta. Misali; Lami bora ce a gidan Alhaji Mato. ENG; A less favoured wife (A turance tana nufin bora)

Bori - Tana nufin addinin maguzanci na bautawa aljanu kafin zuwan addini musulunci. Misali; 'Yan bori na gudanar da biki a duk ranar kasuwar garinmu. ENG; The cult of spirit possession (A turance tana nufin bori)