Ƙamusu

Bed Bugs - A turance tana nufin kuɗin cizo. Misali; Ɗakin Musa akwai kuɗin cizo da yawa, idan ka shiga sai ka kwaso. HAU; Kuɗin Cizo (Tana nufin wani ƙwaro mai shan jini)

Bees-wax - A turance tana nufin kaki. Misali; Zumar mai kyau ce don a cikin kaki take. HAU; Kaki (Tana nufin saƙar zuma)

Begging - A turance tana nufin bara. Misali; Masu bara sun yawaita a duniya yanzu. HAU; Bara (Tana nufin roƙo ko bin mutane kana tambayar su baka abin hannunsu)

Behaving or talking indecisively - A turance tana nufin inda-inda. Misali; Tun ɗazu yake ta inda-inda saboda ba shi hujja a kan abinda ake tuhumarsa a kai. HAU; Inda-inda (Tana nufin rashin ƙwaƙƙwaran ra'ayi ko kokwanto)

Behaviour - A turance tana nufin ɗabi'a. Misali: Yaran gidan suna da kyakkyawar ɗabi'a. HAU; Ɗabi'a (Tana nufin hali)

Being over-fastidious -

A turance tana nufin ƙaƙale.

Misali; Yana ƙaƙale sosai wajen zaɓen abinci.

HAU; Ƙaƙale (Tana nufin mutum ya zama mai tsananin tsantseni ko zaɓi fiye da kima, har yana wahalar da kansa ko wasu wajen yin komai)

Being Presumptuous - A turance tana nufin izgili. Misali; Bayan ya yi wa iyayensa izgili rayuwarsa rugujewa ta yi. HAU; Izgili (Tana nufin wulaƙanci ko ƙasƙantarwa musamman ga abu mai daraja)

Being Weak-Willed - A turance tana nufin karaya. Misali; Tun da majinyacin ya dena magana na karaya. HAU; Karaya (Tana nufin sakankacewa ko sallamawa)

Being wide eyed - A turance tana nufin ƙiri. Misali: Musa ya yi ƙiri da ido lokacin da ya ga abin mamaki. HAU: Ƙiri (Tana nufin buɗe ido sosai saboda mamaki, tsoro, ko kulawa)

Belching - A turance tana nufin gyatsa. Misali; Na yi gyatsa amma yunwa nake ji ba ta ƙoshi ba ce. HAU; Gyatsa (Tana nufin wata iska mai ƙara da ke fitowa daga maƙogwaro musamman idan an ƙoshi ko ana jin yunwa)