Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Shaving - A turance yana nufin kwashe gashi.
Misali; Wanzami yana yi wa Maigari Aski a fadarsa.
HAU; Aski (Yana nufin kwashe gashi ta hanyar amfani da aska ko reza ko wani abu daban)
Shea Tree - A turance tana nufin kaɗanya.
Misali; Man kaɗanya na gyara fata musamman a lokacin sanyi.
HAU; Kaɗanya (Tana nufin 'ya'yan bishiyar kaɗe)
Shivering - A turance tana nufin ɓari.
Misali; Gambo sai ɓari yake saboda zafin zazzaɓi.
HAU; Ɓari (Tana nufin karkarwa saboda jin sanyi)
Shivering -
A turance tana nufin kyarma.
Misali: Yaron yana kyarma saboda tsananin sanyi.
HAU; Kyarma (Tana nufin rawar jiki saboda sanyi, tsoro ko rashin lafiya)
Shivering - A turance tana nufin karkarwa.
Misali; Idan ba ka sa rigar sanyi ba za ka yi karkarwa saboda yau akwai matuƙar sanyi.
HAU; Karkarwa (Tana nufin rawar da jiki yake yi sakamakon zazzaɓi ko jin sanyi)
Shop - A turance tana nufin kanti.
Misali; An buɗe sabon kanti a unguwarmu.
HAU; Kanti (Tana nufin gurin siyar da kayayyaki)
Short - A turance tana nufin gajere.
Misali; Na rubuta gajeren labari a shafin jaridar.
HAU: Gajere (Tana nufin mara tsayi)
Short - A turance tana nufin guntu.
Misali; Da wani guntun itace na ƙarasa girkin.
HAU; Guntu (Tana nufin mara tsayi)
Kishiyarta; Dogo/ Mai tsayi
Shortage - A turance tana nufin ƙaranci.
Misali; Akwai ƙarancin abinci a kasuwa saboda ana fama da fari.
HAU; Ƙaranci (Tana nufin rashin isa ko rashin wadata ko rashin kai wa wani adadi)
Shoulder - A turance tana nufin kafaɗa.
Misali; 'Yan mata na rawar girgiza kafaɗa a dandali.
HAU; Kafaɗa (Tana nufin sashen jiki da ke saman hannu)