Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Kalanda - Tana nufin jadawalin da ke ƙunshe da watanni goma sha biyu na shekara.
Misali; Sabuwar kalandar muslunci ta fito.
ENG; Calendar (A turance tana nufin kalanda)
Kalangu - Tana nufin ɗaya daga cikin kayan kaɗe-kaɗe na gargajiya.
Misali; 'Yan mata na son kiɗan kalangu matuƙa.
ENG; Variable-tone Drum (A turance tana nufin kalangu)
Kallabi - Tana nufin ɗan kwali ko fatala.
Misali; Ƙanwata ta iya ɗaura kallabi.
ENG; Woman's Head-tie (A turance tana nufin kallabi)
Kallo - Tana nufin duba izuwa wani abu.
Misali; Yana shigowa ɗakin taron kowa ya bi shi da kallo.
ENG; Watch (A turance tana nufin kallo)
Kama - Tana nufin shige.
Misali; Yaran gidan suna kama da juna duka.
ENG; Similarity (A turance tana nufin kama)
Kama - Tana nufin riƙe abu da hannu.
Misali; Jami'an tsaro sun kama masu lefi da yawa a wannan makon.
ENG; Catch (A turance tana nufin kama)
Kamanta - Tana nufin kwantantawa.
Misali; Alƙalin yana kamanta adalci a shari'o'insa.
ENG;Compare (A turance tana nufin kamanta)
Kamasho - Tana nufin wani kaso na kuɗi da ake samu bayan an yi ciniki.
Misali; Mukan samu kamasho a kowanne kaya da aka siyar a shago.
ENG; Comission on things sold (A turance tana nufin kamasho)
Kambi - Tana nufin wani abu mai kamar hula da sarakuna da 'ya'yansu ke sa wa.
Misali; Sarkin yana sanye da kambi a lokacin da aka yi taron.
ENG; Crown (A turance tana nufin kambi)
Kambu - Tana nufin wani nau'in surkulle da maza ke ɗaurawa a hannu musamman mafarauta da 'yan dambe.
Misali; Gaba ɗaya mafarautan suna ɗauke da kambu a hannunsu.
ENG; Man's charm worn around the arm (A turance tana nufin kambu)