Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Kafaɗa - Tana nufin sashen jiki da ke saman hannu.
Misali; 'Yan mata na rawar girgiza kafaɗa a dandali.
ENG; Shoulder (A turance tana nufin kafaɗa)
Kaffara - Tana nufin abin da mutum zai yi don karya rantsuwa ko sakamakon kisa da sauransu. Akan yi kaffara da azumi ko ciyarwa da sauransu.
Misali; Azumi uku ake yi a kaffarar rantsuwa.
ENG; Penalty to atone for breaking certain islamic law (A turance tana nufin kaffara)
Kafi - Tana nufin surkulle ko abin da ake sa wa a gida domin kariya daga ɓarayi ko rashin sa'a.
Misali; Akwai kafi a saman soron gidan.
ENG; Charm buried in front of door way or inside house for protection against misfortune (A turance tana nufin kafi)
Kafiri - Tana nufin wanda ba musulmi ba.
Misali; Duk wanda ya yi sallah ba tare da alwala ba kafiri ne.
ENG; Non-Muslim (A turance tana nufin kafiri)
Kaftani - Tana nufin taguwa mai faffaɗan hannu.
Misali; Yayin kaftani ake yi yanzu.
ENG; Caftan (A turance tana nufin kaftani)
Kai-dauki - Taimakawa ko kai agaji domin ceto.
Kaifi - Tana nufin ƙarfin da zai iya yanka.
Misali; Wuƙar tana da kaifi sosai don ta yanke ni.
ENG; Sharpness (A turance tana nufin kaifi)
Kaigama - Tana nufin ɗaya daga cikin sarautun gargajiya.
Misali; An naɗa shi sarautar kaigama yau da safe.
ENG; A traditional title (A turance tana nufin kaigama)
Kaji - Tana nufin jam'in kaza.
Misali; An soya kaji za a yi mana miya da su.
ENG; Chicken/Hen (A turance tana nufin kaji)
Kakabi - Tana nufin mamaki ko al'ajabi.
Misali; Tun jiya muke ta kakabi saboda abin ya girmama.
ENG; Suprise/Wonder (A turance tana nufin kakabi)