Ƙamusu

Izga - Tana nufin jela musamman ta doki da ake amfani da ita wajen korar ƙuda. Misali; Da izga yake amfani don kore ƙuda daga kan kayan sana'arsa. ENG; Tail used as fly-switch (A turance tana nufin izga)

Izgili - Tana nufin wulaƙanci ko ƙasƙantarwa musamman ga abu mai daraja. Misali; Bayan ya yi wa iyayensa izgili rayuwarsa rugujewa ta yi. ENG; Being Presumptuous (A turance tana nufin izgili)

Izifi - Tana nufin ɗaya daga cikin kaso sittin na Ƙur'ani. Misali; Abdallah ya haddace izifi biyu a watan da ya gabata. ENG; One of the sixty sections into which the Qur'an is divided (A turance tana nufin izifi)

Izini - Tana nufin dama ko yarda ko amincewa. Misali; An ba shi izini ya fito neman auren Binta. ENG; Permission (A turance tana nufin izini)

Izza - Tana nufin jin isa da faɗin rai. Misali; Sarautar da aka naɗa shi ta sa shi jin izza. ENG; Haughtiness (A turance tana nufin izza)

Ja - Tana nufin launin ja. Misali; Akwai launin ja a jikin kayan da ya saka. ENG; Red (A turance tana nufin ja)

Ja - Tana nufin janyowa. Misali; Ya ja igiyar da ƙarfi shi yasa ta tsinke. ENG; Pull/Drag (A turance tana nufin ja)

Ja’iba - Tana nufin masifa ko rashin sa'a ko ibtila'i. Misali; Ya ga ja'iba, bayan ya rasa ɗansa shagonsa ya kama da wuta. ENG; Misfortune/Calamity (A turance tana nufin ja'iba)

Ja’iri - Tana nufin mara kunya. Misali; Babu mai yin rawar Gala sai ja'iri. ENG; Shameless/Disrespectful Person (A turance tana nufin ja'iri)

Ja-gaba - Tana nufin shugaba ko jagora. Misali; Annabi SAW shi ne ja-gaban dukkan halitta. ENG; Leader/Guide (A turance tana nufin ja-gaba)