Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Grapes - A turance tana nufin inibi.
Misali; Inibi yana da tsada sosai don kawo shi ake daga ƙasashen ƙetare.
HAU; Inibi (Tana nufin ɗaya daga cikin kayan marmari)
Grasp With Hand - A turance tana nufin danƙa.
Misali; Ya sha danƙa a gurin 'yan sanda kuma jikinsa zai gaya masa.
HAU; Danƙa(Tana nufin kamo mutum da hannu)
Grass - A turance tana nufin ciyawa.
Misali; Na samo hakin da zan yi amfani da shi don yin maganin.
HAU; Haki (Tana nufin ciyawa)
Grass - A turance tana nufin ciyawa.
Misali;Ciyawa ta fito a gonar sosai, dole sai an cire ta kafin yi shuka.
HAU; Ciyawa (Tana nufin tsiron da yake fitowa ba tare an shuka shi ba, tana da siraran ganye koraye)
Grass with prickly burrs - A turance tana nufin ƙarangiya.
Misali; Yara sun guji shiga cikin ƙarangiya saboda suna tsoron kar ta manne musu.
HAU; Ƙarangiya (Tana nufin wata irin ciyawa mai ƙaya da ke manne wa tufafi ko fata)
Grave - A turance tana nufin kushewa.
Misali; An kai ta kushewa tun safe da aka yi jana'izarta.
HAU; Kushewa (Tana nufin kabari)
Grave - A turance tana nufin kabari.
Misali; Ya daɗe yana sana'ar haƙar kabari.
HAU; Kabari (Tana nufin ramin da ake binne mamaci)
Greed -
A turance tana nufin ƙawa-zuci.
Misali: Ƙawa-zucin ɗan kasuwar ya sa ya ci gaba da tara dukiya ba tare da taimakon wasu ba.
HAU: Ƙawa-zuci (Tana nufin son mallakar abu fiye da kima ko buƙata, musamman dukiya ko abinci)
Greed - A turance tana nufin haɗama.
Misali; Saboda haɗama ya kwashe abincin mutum uku shi kaɗai.
HAU; Haɗama (Tana nufi wawashe abu da yawa musamman idan ana haɗawa da rabon wasu)
Green - A turance tana nufin kore.
Misali; Kayan makarantarsu kore ne.
HAU; Kore (Tana nufin launi)