Republic - A turance tana nufin jamhuriya.
Misali; Jamhuriyar Niger ta ayyana Hausa a matsayin harshen da za a yi amfani da shi a ƙasar.
HAU; Jamhuriya (Tana nufin ƙasar da ke da tsarin mulki na musamman)
Rest/Holiday - A turance tana nufin hutu.
Misali; Yara ba sa zuwa makaranta saboda an ba su hutu.
HAU; Hutu (Tana nufin zama guri ɗaya ba tare da aikin komai ba ko rashin zuwa gurin aiki ko makaranta ko gyurin sana'a na wani lokaci don a tsahirta kafin a ɗora)
Reticence - A turance tana nufin kawaici.
Misali; Laure tana da kawaici shi yasa suke mata abinda suka ga dama.
HAU; Kawaici (Tana nufin ɗauke kai ko yin shiru a kan abinda ya kama mutum ya yi magana amma sai ya yi shiru)
Revenue Mobilization, Allocation & Fiscal Commission (RMAFC) - HukumarTattarowa da Kasafta Haraji Ta Ƙasa
Rhinoceros - A turance tana nufin karkanda.
Misali; Ba a ganin karkanda sai a ƙungurmin daji.
HAU; Karkanda (Tana nufin ɗaya daga cikin dabbobin daji mai matuƙar ƙarfi)
Rib - A turance tana nufin haƙarƙari.
Misali; Sanyi ya sa min ciwon haƙarƙari.
HAU; Haƙarƙari (Tana nufin ɗaya daga cikin sassan jikin ɗan Adam, gefen hagu da daman ƙirji)
Ridge-row on farm - A turance tana nufin kunya.
Misali; Iro ya noma kunya bakwai yau a gona.
HAU; Kunya (Tana nufin dogwayen tudu-tudun da ke gona)
Rinse - A turance tana nufin ɗauraye.
Misali; Na ɗauraye kwanon kafin in zuba abinci.
HAU; Ɗauraye (Tana nufin sa ruwa a sake wanke abu)
Rinse (Mouth) - A turance tana nufin kurkure.
Misali; Idan za a yi alwala ana kurkure baki sau uku ne.
HAU; Kurkure (Tana nufin zuba ruwa a jujjuya shi a cikin baki da zimmar ɗurayewa)
Risk - A turance tana nufin kasada.
Misali; Bin hanyar nan kasada ne saboda akwai 'yan ta'adda a wajen.
HAU; Kasada (Tana nufin yin abu mai hatsari ko ganganci)