Iska - Tana nufin abin da ke kaɗawa kuma ababen halitta ke shaƙa don su rayu.
Misali; Tun safe iska mai sanyi take kaɗawa yau.
ENG; Air (A turance tana nufin iska)
ISlamic Medical Association of Nigeria (IMAN) - Ƙungiyar Likitoci Musulmai Ta Najeriya
Istihara - Tana nufin neman zaɓin Allah.
Misali; Ya kamata ki yi istihara a tsakanin masu neman auren ki.
ENG; Seeking Devine Counsel (A turance tana nufin istihara)
Itace - Tana nufin bishiya.
Misali; Wannan itacen ɗorawa ne.
ENG; Tree (A turance tana nufin bishiya)
Iyaka - Tana nufin ƙarshe.
Misali; Komai na Allah yana da iyaka kuma iyakokin Allah su ne abin kiyayewa.
ENG; Boundary (A turance tana nufin iyaka)
Iyali - Tana nufin ahali ko kuma uwa da uba da yaransu.
Misali; Yana kula da iyali yanda ya kamata.
ENG; Family (A turance tana nufin iyali)
Iyawa - Tana nufin ikon yin abu.
Misali; Duk abin da aka sa shi yana iyawa don yana da cikakkiyar lafiya.
ENG; Ability (A turance tana nufin iyawa)
Iyaye - Tana nufin mahaifi da mahaifiya.
Misali; Wajibi ne biyayya ga iyaye idan mutum yana son gamawa lafiya.
ENG; Parents (A turance tana nufin iyaye)
Izga - Tana nufin jela musamman ta doki da ake amfani da ita wajen korar ƙuda.
Misali; Da izga yake amfani don kore ƙuda daga kan kayan sana'arsa.
ENG; Tail used as fly-switch (A turance tana nufin izga)
Izgili - Tana nufin wulaƙanci ko ƙasƙantarwa musamman ga abu mai daraja.
Misali; Bayan ya yi wa iyayensa izgili rayuwarsa rugujewa ta yi.
ENG; Being Presumptuous (A turance tana nufin izgili)