WikiHausa

Tag: wikihausa

  • Yadda Ake Moi-Moi Na Musamman

    Yadda Ake Moi-Moi Na Musamman

    Moi moi wadda muka fi sani da alala a Hausance ana yinta ne daga wake, alala ta kasance ɗaya daga cikin abincin gargajiya na bahaushe.

    Abubuwan da ake buƙata

    1. Wake
    2. Taruhu da tattasai
    3. Albasa
    4. Maggi
    5. Tafarnuwa
    6. Manja
    7. Sausage
    8. Ƙwai
    9. Karas

    Yadda ake haɗawa

    1. Da farko za ki wanke wake a surfa, sai a zuba taruhu da tattasai da albasa a niƙa shi ya yi laushi sosai.
    2. Sannan a zuba wannan haɗin a cikin bowl a sa manja, maggi, tafarnuwa, da curry, za a iya saka cray fish ma, a juya shi sosai komai ya haɗe.
    3. A saka mai kaɗan a kan kaskon, a sa sausage da karas a yi stir frying nasu, sai a sauke. A dafa ƙwai a ɓare shi a yanka slices. Shi ma a aje a gefe.
    4. Za a kunna oven 180° sai a ɗauko parchment paper a shimfiɗa ta a kan faranti na gashi, a zuba ƙullun a saka a oven.
    5. Bayan mintina 10 in ya fara yi, sai a sauko da shi a zuba fillings ko’ina, a mayar ya gama gasuwa.
    6. Idan ya yi, za a ji ƙamshin ya haɗe ko’ina a sa toothpick a duba.
    7. Don a tabbatar ya dahu, a sauke a naɗe kaman naɗin tabarma.

    A ɗan bari ya huce sai ki yanka. A ci lafiya.

    Domin sanin Yadda Ake Zobo Na Cucumba dannan nan.

  • Yadda Ake Zoɓo Mai Cucumber

    Yadda Ake Zoɓo Mai Cucumber

    Zobo na ɗaya daga cikin abin sha wanda ke taimakawa wajen narkar da abinci, sauko da hawan jini musamman ma idan aka haɗa shi da cucumber.

    Kayan da ake buƙata

    • Zoɓo
    • Cucumber
    • Bakin flavour
    • Kanunfari
    • Citta
    • Kimba
    • Sugar

     Yadda ake haɗawa

    1. A wanke zoɓon, sai a zuba ruwa a ɗora a wuta
    2. A zuba su cittar a gurza cucumber a zuba a ciki sai sun dahu sosai
    3. Sai ki sauke a tace, a zuba flavour masu daɗi da daɗin ƙamshi, in an ji zaƙin ya yi, to ba  sai an zuba suga ba.
    4. In kuma akwai bukatar a zuba, sai a zuba, sai a juya sosai, sai a ɗan ƙara ruwa daidai yadda ake so,
    5. A saka ƙanƙara a frige, sai a samu kofi mai ƙayatarwa a zuba.

    A sha lafiya.

    Domin karanta Yadda Ake Haɗa Lemon Tsamiya danna koren rubutu

  • Ladubban Addu’a A Musulunci

    Ladubban Addu’a A Musulunci

    WAƊANDA ALLAH KE GAGGAUTA AMSA ADDU’ARSU

    1. Addu’ar Annabawan Allah.
    2. Addu’ar mala’ikun Allah
    3. Addu’ar wanda aka zalunta.
    4. Addu’ar mai Ƙarfin imani da tsoron Allah.
    5. Addu’ar da mai biyayya ga iyayensa.
    6. Addu’ar mai Azumi.
    7. Addu’ar shugaba adali.
    8. Addu’ar iyaye (nagartattu) ga ‘ya’yansu.
    9. Addu’a ga ɗan uwa avbayan idonsa.
    10. Addu’ar mai jihadi.
    11. Addu’ar mai hajji ko umrah.
    12. Addu’ar mai dauwama cikin zikirin Allah.
    13. Addu’a ga mai karatun AlQur’ani.
    14. Addu’ar matafiyi (tafiya ta halal).
    15. Addu’ar mai taka tsantsan wajen haram;abincinsa,abin shansa,tufafinsa da mazauninsa.

    ABUBUWAN DA SUKE KAWO JINKIRIN AMSA ADDU’A

    1. Shirka ƙarama da babba.
    2. Ta’amuli da haram ci, sha ko tufafi.
    3. Nauyin zunubai da ƙeƙashewar zuciya.
    4. Barin umarni da kyakkyawa da hani ga mummuna.
    5. Tafseel (Dalla-dalla) a cikin addu’a
    6. Wasa da wargi a cikin addu’a.
    7. Addu’a da zuciya gafalalliya mai shagala.
    8. Rashin ladabi a gaban Allah Jalla Wa’ala.
    9. Ta’allaƙa addu’a ga mashi’ah (In ka so)
    10. Gaggawa a cikin addu’a.
    11. Al-Istihsaar( Shi ne mutum ya bar addu’a saboda gajiya da kosawa)
    12. Rokon abin da hukuncin Allah ya gama da shi.
    13.Saja’i a cikin addu’a (shi ne mutum ya tilasta wa kansa daidaita harafin ƙarshen jumlolin addu’a )
    14. Bidi’o’i a cikin addu’a.
    15. Roƙon wani abu da ya shafi saɓon Allah ko yanke zumunta.

    Duba:
    1. TAS’HIHUD DU’A na Dr.BAKR
    2 ARRIYADUN NAZIRAH na Shk.Abdur Rahman Nasir Sa’adiy

    Domin karanta nasbar Manzo allah danna nan

  • Yadda Ake Pizza

    Yadda Ake Pizza

    Pizza abin maƙwalashe ne da ake yin sa da fulawa da wasu abubuwa na amfanin yau da kullum. Ana cin shi da shayi ko da lemo.

    Abubuwan Da Ake Buƙata

    · Fulawa
    · Gishiri
    · Yis
    · Olive oil (man zaitun)
    · Cheese Man shanun kanti
    · Mayonnaise
    · Kayan ƙamshi
    · Tumatir, albasa, koren tattasai
    · Tsokar kaza

    Yadda Ake Haɗawa

    1. Da farko za a jika yis da ruwan ɗumi, kamar tsawon minti 10, sai ki zuba gishiri da man zaitun.
    2. Sannan sai ki ƙara fulawa a cikin wannan ruwan yis ɗin, ki kwaɓa har sai ya yi tauri.
    3. Idan ma kika ji shi ya yi ruwa ko laushi sosai, sai ki ƙara fulawa don ya yi tauri.
    4. Daga nan sai ki rufe ki bar shi ya hau zuwa mintina 30.
    5. Idan ya hau (kumbura), sai ki sami farantin gashi, ki juye fulawar a ciki, sannan ki sanya a cikin oven, ki gasa ki bar shi tsawon mintuna biyar.
    6. daga nan, sai ki yanka tumatir da farar albasa da koren tattasai ƙanana. Sai ki koma wurin fulawarki, ki duba idan ta gasu, sai ki fito da ita.
    7. Ki ɗauko kayan tumatir ɗin da kika yanka, sai ki zuzzuba a kai da ɗan garin kayan ƙamshi, ki barbaɓa.
    8. A sami tsokar naman kazarki, da kika yanka ƙanana, tare ki zuzzuba a kai. Sannan sai ki kawo mayonnaise ki yaryaɗa a kai.
    9. Sai ki zo ki rufe samansa da manshanun kanti (chease).
    10.  ki Mayar cikin abin gashin (oben) don ya kara gasuwa.
    11. Za ki ji yana ƙamshi sosai, sai ki fito da shi daga ciki, shi ke nan Pizza ta yi sai ci.

    Domin karanta Yadda Ake Mini Pizza ko Yadda Ake Dafaffiyar Gyaɗa dannan nan.

  • Yadda Ake Mini Pizza

    Yadda Ake Mini Pizza

    Barkan mu da sake kasancewa a cikin shirinmu na GIRKE-GIRKEN WikiHausa, wanda muke koyar da ƙayatattun abincinmu na gida Nijeriya da kuma na ƙetare, tare da bayani a kan lafiyarsu cikin harshen Hausa a sauƙaƙe. Tare da ni Hafsat Shettimah.

    A yau za mu koyar da yadda ake Mini Pizza; ku biyo ni a sannu domin mu koya tare.

    Abubuwan Buƙata:

    1. Biredi
    2. Tomato sauce
    3. Yankakkiyar albasa
    4. Yankakken Tumatur
    5. Koren tattasai yankakke

    Yadda Ake Haɗawa

    1. A ɗauko biredi sai a yanka zuwa ƙawanya (round shape).
    2. Sai a shafa “tomato sauce”, a yaryaɗa albasa, tumatir da koren tattasai.
    3. A goga mozzarella cheese a saman haɗin biredi.
    4. Cikin oven mai zafi, sai a saka haɗin biredin har sai mozarella cheese ya fara narkewa.
    5. A ci lafiya.

    Domin koyon Yadda Ake Grilled Cheese And Corn Sandwich danna wannan koren rubutun.

  • Yadda Ake Grilled Cheese And Corn Sandwich

    Yadda Ake Grilled Cheese And Corn Sandwich

    Barkan mu da sake kasancewa a cikin shirinmu na GIRKE-GIRKEN WikiHausa, wanda muke koyar da ƙayatattun abinci namu na gida Nijeriya da kuma na ƙetare, tare da bayani a kan lafiyarsu cikin harshen Hausa a sauƙaƙe. Tare da ni Hafsat Shettimah.

    A yau za mu koyar da yadda ake yin Grilled Cheese And Corn Sandwich. Ku biyo ni a sannu domin mu koya tare.

    Abubuwan Da Ake Buƙata:

    1. Sweet corn (masarar gwangwani) ½ kofi
    2. Albasa ƙarama yankakkiya guda ɗaya
    3. Tafarnuwa babba 1
    4. Fenugreek bushasshe 1 ƙaramin chokali
    5. Attaruhu manya guda ɗaya jajjagagge
    6. Mai ƙaramin cokali 1 ɗaya
    7. Yankakken coriander leaves (ganyen coriander)
    8. Biredi yanka 4
    9. Cheese slice biyu
    10. Ƙwai 1 ɗaya

    Yadda Ake Haɗawa

    1. A zuba mai a cikin tukunya mai ɗan zurfi, sannan a saka albasa da tafarnuwa a soya, sai a saka attaruhu da sinadarin ɗanɗano da fenugreek sai a fasa ƙwai shi ma, a haɗu a soya, a soya shi ya soyu, sai a sauke a bar shi ya huce.
    2. A cikin ƙaramin mazubi, a zuba butter da coriander a juya sosai shi ma, a ajiye a gefe.
    3. A ɗauki ko wani yankan biredi a shafa, wannan haɗin botar sai a ɗauko haɗin ƙwai a zuba a tsakiyar biredin, sannan a rufe da wani biredin.
    4. Sai a gasa a kan kaskon suya.

    Domin koyan Yadda Ake Hada Grilled Apple Peanut butter Sandwich danna wannan koren rubutun.

  • Yadda Ake Dafaffiyar Gyaɗa

    Yadda Ake Dafaffiyar Gyaɗa

    Barkan mu da sake kasancewa a cikin shirinmu na GIRKE-GIRKEN WikiHausa, wanda muke koyar da ƙayatattun abincinmu na gida Nijeriya da kuma na ƙetare, tare da bayani a kan lafiyarsu cikin harshen Hausa a sauƙaƙe. Tare da ni Hafsat Shettimah.

    A yau za mu koyar da yadda ake yin dafaffiyar gyaɗa. Ku biyo ni a sannu domin mu koya tare.

    Ko kun san dafaffiyar gyaɗa tana da sinadarai masu gina jiki, sannan kuma tana da ƙarancin calories wato kitse fiye da soyayyiyar gyada.

    Abubuwan Da Ake Buƙata:

    1. Gyaɗa mai ɓawo
    2. Ruwa

    Yadda Ake Haɗawa

    1. A tsince gyaɗa, a gyara ta tsaf.
    2. Sai a zuba ruwa da gyaɗa cikin tukunya mai zurfi a rufe.
    3. A dafa shi na kimanin awa uku (3) sai a tace.

    Domin karanta Yadda Ake Gyaɗa Marau-marau ko Yadda Ake Soyayyiyar Gyaɗa Mai Gishiri danna koren rubutun nan.

  • Yadda Ake Gyaɗa Marau-marau

    Yadda Ake Gyaɗa Marau-marau

    Barkan mu da sake kasancewa a cikin shirinmu na GIRKE-GIRKEN WikiHausa, wanda muke koyar da ƙayatattun abinci namu na gida Nijeriya da kuma na ƙetare, tare da bayani a kan lafiyarsu cikin harshen Hausa a sauƙaƙe. Tare da ni Hafsat Shettimah.

    A yau za mu koyar da yadda ake yin gyaɗa marau-marau. Ku biyo ni a sannu domin mu koya tare.

    Ko kun san gyaɗa mai ɓawo ta fi bayar da kariya daga sinadarin (Aflotoxin), mai sanya cutar daji wato (cancer) a jikin ɗan Adam.

    Abubuwan Da Ake Buƙata

    1. Gyaɗa mai ɓawo
    2. Gishiri
    3. Toka
    4. Ruwa
    5. Ƙasar yashi ko toka

    Yadda Ake Haɗawa

    1. A tsince dattin da gyaɗa ko mara kyau sannan a wanke ta fita.
    2. A zuba gyaɗa da gishiri cikin ruwa a dafa, kamar na munti 5-6. Sai a tace.
    3. A ɗora tukunya mai zurfi, idan toka ta ɗau zafi sai a saka wannan dafaffiyar gyaɗar a yi ta juyawa har sai ta yi.
    4. Idan ta yi, sai a juye domin shan iska.

    Domin koyar Yadda Ake Soyayyiyar Gyaɗa Mai Gishiri danna koren rubutun nan.

  • Yadda Ake Soyayyiyar Gyaɗa Mai Gishiri

    Yadda Ake Soyayyiyar Gyaɗa Mai Gishiri

    Barkan mu da sake kasancewa a cikin shirinmu na GIRKE-GIRKEN WikiHausa, wanda muke koyar da ƙayatattun abinci namu na gida Nijeriya da kuma na ƙetare, tare da bayani a kan lafiyarsu cikin harshen Hausa a sauƙaƙe. Tare da ni Hafsat Shettimah.

    A yau za mu koyar da yadda ake yin soyayyiyar gyaɗa mai gishiri. Ku biyo ni a sannu domin mu koya tare.

    Ko kun san soyayyiyar gyaɗa na saurin narkewa a jikin ɗan Adam.

    Abubuwan Da Ake Buƙata:

    1. Gyaɗa rabin mudu (ɓararriyar gyaɗa/mara ɓawo).
    2. Ƙasa (kamar kofi biyu). Yashi ko toka.
    3. Gishiri chokali uku

     Yadda Ake Haɗawa.

    1. A tsince gyaɗa mara kyau, ko a bakace gyaɗar, domin fitar da marasa kyau. Sannan a wanke gyaɗar ta fita fes.
    2. A cikin roba mai zurfi a zuba ruwa, ɗan gishiri da kuma gyaɗar, sai a bar ta kamar na awa 3-4 bayan awannin, sai a tace a busar da shi a inuwa ko rana.
    3. A zuba ƙasa a cikin tukunya mai zurfi idan ƙasar ta yi zafi sai a zuba gyaɗar cikin ƙasar a yi ta juyawa, har sai gyaɗar ta gasu da kyau.
    4. Sai a sauke a raba gyaɗar da ƙasa, sannan a bar ta ta sha iska.

    Domin sanin Yadda Ake Soyayyiyar Taliya danna koren rubutun nan.

  • Yadda Ake Soyayyiyar Taliya

    Yadda Ake Soyayyiyar Taliya

    Soyayyiyar taliya samfarin abinci ne, da ake yi da taliya a maimakon a ci da miya ko dafa-duka. To wannan samfarin ma akwai shi da sauƙi wurin haɗawa kuma da daɗi wurin ci.

    Abubuwan Da Ake Buƙata:

    1. Taliya
    2. Tumatur
    3. Nama
    4. Kaza
    5. Karas
    6. Koren wake
    7. Peas
    8. Magi
    9. Curry
    10. Tafarnuwa
    11. Citta
    12. Albasa

    Yadda Ake Haɗawa

    A ɗora ruwa a wuta, bayan ya tafasa sannan a zuba taliya da gishiri kaɗan. Idan ta yi tafasa ɗaya, sai a tsame. A ɗora man gƴaɗa a wuta, sannan a zuba yankakkiyar albasa da yankakken tumatir da jajjagaggen attaruhu. A tafasa nama, sannan a yayyanka shi ƙanana sannan a zuba.

    A zuba magi, kori da garin tafarnuwa da citta, sannan a ɗauko wannan taliyar a zuba ta a ciki a gauraya. A zuba ruwa kaɗan, sannan a rufe bayan mintuna biyar a sauke.

    A tafasa kaza, ta yi laushi haɗe da magi da kayan ƙamshi, sannan a soya da man gyaɗa. A soya tumatir da attaruhu da albasa. A zuba magi da citta da tafarnuwa. Bayan sun soyu, sannan a ɗauko kazar a cakuɗa shi a ciki, sannan a ɗora a kan wannan soyayyiyar taliyar.

    Domin karanta Yadda Ake Macaroni 2 danna koren rubutu.