Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Side - A turance tana nufin gefe.
Misali; Na ajiye kayan a gefen rijiya.
HAU; Gefe (Tana nufin wani sashe)
Sign/Indication - A turance tana nufin ishara.
Misali; Duk wanda ya yi mugunta sai ya ga ishara kafin ya mutu.
HAU; Ishara (Tana nufin nuni ko alama)
Similarity - A turance tana nufin kama.
Misali; Yaran gidan suna kama da juna duka.
HAU; Kama (Tana nufin shige)
Siren - A turance tana nufin jiniya.
Misali; Na jiyo jiniya, da alama 'yan kwana-kwana sun zo gurin gobarar.
HAU: Jiniya (Tana nufin ƙarar da motar asibiti ko ta 'yan kwana-kwana ko 'yan siyasa ke ɗauke da ita. Ƙarar na nuni da cewa abu ne na gaggawa ya faru, ko gobara, ko an ɗauko mara lafiya da sauransu)
Skilled - A turance tana nufin gogagge.
Misali; Ai malamin gogagge ne a fannin kimiyya da fasaha.
HAU; Gogagge (Tana nufin ƙwarewa a wani abu ko wani fanni)
Skin - A turance tana nufin fata.
Misali; Ana amfani da fata don yin jakunkuna da takalma.
HAU; Fata (Tana nufin abin da ya lulluɓe jikin mutum ko dabba)
Skink Lizard - A turance tana nufin kulɓa.
Misali; Na ga kulɓa a filin da muke wasa a makaranta.
HAU; Kulɓa (Tana nufin dabba mai kama da ƙadangare amma jikinta yana da santsi kuma tana da launuka daban-daban, tana rayuwa a cikin ciyayi)
Slave - A turance tana nufin bawa
Misali; Ya siyo bawa kuma yana ta azabtar da shi.
HAU; Bawa (Tana nufin Hadimi, ko mai yin hidima ga wani. Wanda kuma galibi siyansa ake yi)
Sleep - A turance tana nufin barci.
Misali; Da na je gidan na tarar yana barci, sai na koma.
HAU; Barci (Tana nufin rufe ido don hutawa ba tare da sanin abinda yake faruwa ba)
Slovenly Person - A turance tana nufin kucaki.
Misali; Wani kucaki ne a bakin kasuwa yake siyar da gwangwanaye.
HAU; Kucaki (Tana nufin mutum mara tsafta)