Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Bukka - Tana nufin ƙaramin ɗakin da ake ginawa da busasshiyar ciyawar da ake kira da zana.
Misali; Fulani na gina bukka a rugagensu domin su zauna.
ENG; Hut (A turance tana nufin bukka)
Bulala - Tana nufin busasshiya kuma nannaɗaɗɗiyar fata da ake amfani da ita wajen duka.
Misali; Malam ya zane ɗaliban da suka makara da bulala.
ENG; Whip (A turance tana nufin bulala)
Bulo - Tana nufin abin da ake amfani da shi don yin gini.
Misali; Gidan da aka gina da bulon siminti ya fi ƙarko.
ENG; Cement Block (A turance tana nufin bulo)
Bulus - Tana nufin samun abu a arha ba tare da an sha wahala ba.
Misali; Ya siyi gidan a bulus saboda mai gidan kuɗi yake buƙata.
ENG;Something gotten cheaply (A turance tana nufin bulus)
Bundle of Grain - A turance tana nufin dami.
Misali; Kaka ya ba mu dami guda na gero ɗazu.
HAU; Dami (Tana nufin ƙunshi ko ɗaurin hatsi)
Bunsuru - Tana nufin namijin akuya.
Misali; Malam Rabi'u ya siyo bunsuru shekaran jiya.
Kishiyarta; Akuya
ENG; He-goat (A turance tana nufin bunsuru)
Bunƙasa - Tana nufin samun gagarimin cigaba.
Misali; Kantin ya bunƙasa yanzu suna shigo da kaya daga ƙasashen ƙetare.
ENG; Develop into fullness (A turance tana nufin bunƙasa)
Burbuɗi - Tana nufin abin da ya marmashe ya zama gari.
Misali; Ta yi amfani da burbuɗin biredi wajen suyar dankalin.
ENG; Crumbs (A turance tana nufin burbuɗi)
Bureau of public Enterprises (BPE) - Hukumar Gwanjon kadarorin Gwamnati
Bureau of Public Enterprises (BPE) - Hukumar Gwanjon kadarorin Gwamnati