Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Ajami - Rubutun Hausa ne amma da harufan larabci.
Misali; Na karanta darasin Ajami a jami'a.
ENG; Arabic script (A turance yana nufin ajami)
Akaifa - Yana nufin farce, na yatsun hannu ko ƙafa.
Misali; Na kira mai yankan akaifa zai yanke min yanzu.
ENG;Fingernail (A turance yana nufin farce)
Akushi - Mazubin abinci wanda ake yi da katako.
Misali; Binta ta zuba abincin a cikin akushi.
ENG;Bowl (A turance yana nufin mazubin abinci na katako)
Akuya - Akuya wata dabba ce wadda take rayuwa cikin mutane a cikin gari,mutane na kiwata ta domin aci a matsayin abinci ko kuma a sayar ayi amfani da kudin.
Jam'i : Akuyoyi.
Al’umma - Tana nufin mutane ko jama'ar wani yanki.
Misali; Al'ummar Hausawa na da ɗimbin tarihi.
ENG; Nation (A turance tana nufin al'umma)
Alayyahu - Ganye ne mai ɗauke da sinadarai masu inganta lafiya.
Misali; Zan yi miyar alayyahu da yamma.
ENG; Spinach (A turance yana nufin ganyen alayyahu)
Albarkatun Fetur - Abubuwan amfani da ake samu daga gurbatacce ko danyen mai
Albashi - Kuɗi ne da ake biyan mutum sakamakon wani aiki da ya yi a sati ko a wata.
Misali; An biya ma'aikata albashi a yau da safe.
ENG; Salary (A turance yana nufin albashi)
Alcohol - A turance tana nufin barasa.
Misali; Masu shan barasa kan aikata abubuwa ba tare da sun sani ba.
HAU; Barasa (Tana nufin abin sha mai gusar da hankali)
Alfahari - Jin isa ko fifiko akan wasu.
Misali; Mata suna da yawan alfahari.
ENG; Pride (A turance yana nufin alfahari)