Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Mix Something - A turance tana nufin kwaɓa.
Misali; Farida ta kwaɓa miki fanken mana, za ki samu sauƙin aikin.
HAU; Kwaɓa (Tana nufin haɗa abu da ruwa a jujjuya)
Mix Thoroughly - A turance tana nufin cakuɗa.
Misali; Amina tana cakuɗa kwaɗon zogale.
HAU; Cakuɗa (Tana nufin a yi ta jujjuya abu)
Mix Together - A turance tana nufin gauraya.
Misali; Ado ya gauraya garin dawar da rogo.
HAU; Gauraya (Tana nufin cakuɗa abubuwa su zama ɗaya)
Mixture of flour and water - A turance tana nufin ƙullu.
Misali: Mahaifiyata ta haɗa ƙullu za ta yi mana waina.
HAU: Ƙullu (Tana nufin cakuɗa gari da ruwa da ake haɗawa domin yin wani abinci)
Mockery - A turance yana nufin ba'a.
Misali; Lado ya yi wa Kande ba'a, ya ce mata mai ƙaton hanci.
HAU; Ba'a (Tana nufin aibata mutum ko wata gaɓa ko wani sashe na halittarsa)
Modeling Agencies Association of Nigeria (MAAN) - Kadaurar Ƙungiyoyin Taurari Ta Najeriya
Modesty - A turance tana nufin kunya.
Misali; Yarinyar tana da kunya da ɗa'a.
HAU; Kunya (Tana nufin kawaici ko jin nauyin aikata lefi ko haɗa ido da mutane)
Monday - Rana ce ta farko daga cikin ranakun mako.
Misali; Ranar Litinin zan fara zuwa makaranta.
HAU: Litinin
Money - A turance tana nufin kuɗi.
Misali; Duk abin da za ka siya sai ka biya kuɗi tukunna.
HAU; Kuɗi (Tana nufin abin da ake amfani da shi don yin cinikayya)
Monkey - A turance tana nufin biri.
Misali; Da muka je gidan ajiye namun daji mun ga biri da kura.
HAU; Biri (Tana nufin dabba mai yanayin siffar mutum)