Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Measles - A turance tana nufin ƙyanda.
Misali; Cutar baƙon dauro ta yi sanadiyyar mutuwar yara da yawa a karkararmu.
HAU; Ƙyanda (Tana nufin cutar ƙyanda, wadda ƙananan ƙuraje ke fitowa a jiki gaba ɗaya. Idan ta yi tsamari tana haddasa kurumta, makanta da sauransu)
Meat coated with spices and dried in the sun - A turance tana nufin kilishi.
Misali; A Unguwar Agadasawa ana siyar da kilishi da dambun nama.
HAU; Kilishi (Tana nufin nama wanda aka sarrafa shi da kayan ƙamshi kuma aka busar da shi a rana)
Meat Fat - A turance tana nufin kakide.
Misali; Ina son babbar sallah ta zo don in samu kakide bayan an soya nama.
HAU; Kakide (Tana nufin kitsen da ake samu a jikin nama musamman bayan an soya)
Medical & Dentail Consultants Association of Nigeria (MDCAN) - Ƙungiyar Ƙwararrun Likitoci da Likitocin Hakori Ta Najeriya
Medical & Health Workers Union of Nigeria (MHWUN) - Ƙungiyar Likitoci da Malaman Lafiya Ta Najeriya
Meeting Suddenly - A turance tana nufin kaciɓis.
Misali; Mun yi kaciɓis da Gwaggo a kasuwa ɗazu.
HAU; Kaciɓis (Tana nufin haɗuwa ba zato ba tsammani)
Memorization - A turance tana nufin hadda.
Misali; Usman yana ajin hadda, za su sauke Ƙur'ani cikin shekara ɗaya.
HAU; Hadda (Tana nufin riƙe abu da ka)
Menstruation - A turance tana nufin haila.
Misali; Matan da ke haila ba sa shiga masallaci.
HAU; Haila (Tana nufin jinin da mata ke fitarwa a kowanne wata)
Mere - A turance tana nufin kacal.
Misali; Naira biyar kacal za ka biya ka ɗauki kayanka.
HAU; Kacal (Tana nufin kaɗai ko kaɗan)
Messy or disorderly - A turance tana nufin kaca-kaca.
Misali; Sun yi kaca-kaca da madara a ɗakin.
HAU; Kaca-kaca (Tana nufin a hargitse)