Ƙamusu

Kada - Tana nufin wata dabbamai kaushin baya kuma mai siffar ƙadangare da ke rayuwa a ruwa, amma tana da girma ainun. Misali; Ruwan sama mai yawa ya sa kada ta fito daga gidan ajiyar namun daji. ENG; Crocodile (A turance tana nufin kada)

Kadara - Tana nufin kaya masu daraja ko kayan kuɗi. Misali; Sun buƙaci ya kawo takardun wata kadara kafin su ba shi rancen kuɗi. ENG; Property (A turance tana nufin kadara)

Kadarko - Tana nufin ƙaramar gada da ake yi da katako musamman don kwararar ruwa. Misali; A hanyar gidan maigari akwai kadarko. ENG; Small Bridge (A turance tana nufin kadarko)

Kadaura - Babbar kungiya ko  cibiya wadda ta hado mahimman bangarori masu  zaman kansu ko kwararrun ma'aikata ko mutane.

Kaf - Tana nufi duka ko gaba ɗaya. Misali; Ta kwashe kayanta kaf daga gidan, kun ga kenan ba ta niyyar dawowa. ENG; Completely (A turance tana nufin kaf)

Kafa - Tana nufin ƙaramar hanya. Misali; Ko yaya ɓeran ya samu kafa guduwa zai yi. ENG; Small Hole (A turance tana nufin kafa)

Kafafen Intanet - Matattara ko inda ake samun bayanan da aka nema daga rumbon sadarwa.

Kafaɗa - Tana nufin sashen jiki da ke saman hannu. Misali; 'Yan mata na rawar girgiza kafaɗa a dandali. ENG; Shoulder (A turance tana nufin kafaɗa)

Kaffara - Tana nufin abin da mutum zai yi don karya rantsuwa ko sakamakon kisa da sauransu. Akan yi kaffara da azumi ko ciyarwa da sauransu. Misali; Azumi uku ake yi a kaffarar rantsuwa. ENG; Penalty to atone for breaking certain islamic law (A turance tana nufin kaffara)

Kafi - Tana nufin surkulle ko abin da ake sa wa a gida domin kariya daga ɓarayi ko rashin sa'a. Misali; Akwai kafi a saman soron gidan. ENG; Charm buried in front of door way or inside house for protection against misfortune (A turance tana nufin kafi)