Ƙamus ɗin Hausa wanda yake bada ma’ana da bayanin kalma cikin harshen Hausa ayanar gizo-gizo cikin sauƙi
Gap from loss of tooth - A turance tana nufin giɓi.
Misali; Ta samu giɓi sakamakon haƙorinta ɗaya da ya fita.
HAU; Giɓi (Tana nufin gurbin mai faɗi da ke tsakanin haƙora)
Gara - Tana nufin ƙwaron da yake cinye katako.
Misali; Gara ta cinye kujerun duk sun lalace.
ENG; Termites (A turance tana nufin gara)
Gara - Tana nufin kayan masarufi da iyayen mace ke haɗota da su bayan aure.
Misali; An yi wa amaryar gara ta ban mamaki.
ENG; Presents of foodstuffs given by parents of bride to parent of groom (A turance tana nufin gara)
Garaje - Tana nufin hanzari ko sauri ko zafin nama.
Misali; Indo tana da garaje, shi yasa ta zubar da niƙan.
ENG; Quick Action/ Haste (A turance tana nufin garaje)
Garaya - Tana nufin ɗaya daga cikin kayan kiɗan Hausawa na gargajiya.
Misali; Gurin ya cika da masu kiɗan garaya don bikin na 'yan bori ne.
ENG; Two stringed, plucked musical instrument (A turance tana nufin garaya)
Gare - Tana nufin rigar Hausawa mara ado.
Misali;Malam Audu ya sa gare.
ENG; Type of cloth without embroidery (A turance tana nufin gare)
Gargajiya - Tana nufin abubuwan da ake yi tun asali ko tun iyaye da kakanni.
Misali; Sarakunan gargajiya na da karamci.
ENG; Olden Times (A turance tana nufin gargajiya)
Kishiyarta; Zamani (Yanzu)
Gargaɗi - Tana nufin jan kunne ko yin hani.
Misali; Shugaban ɗalibai ya yi wa ɗalibai gargaɗi akan zuwa makaranta a makare.
ENG; Warning (A turance yana nufin gargaɗi)
Gari - Tana nufi inda mutane suka fi yawa musamman inda ba ƙauye ba (birni).
Misali; Abin mamaki, guri ya zama gari.
ENG; Town (A turance tana nufin Gari (Birni).
Kishiyarta; Ƙauye
Gari - Tana nufin niƙaƙken abu.
Misali; Mun siyo niƙaƙƙiyar masara za mu yi tuwo.
ENG; Flour (A turance tana nufin gari)