Ƙamusu

Gwarzo - Tana nufin mai ƙwazo. Misali; Abdulhamid shi ne gwarzon wannan shekarar. ENG; Person of great energy (A turance tana nufin gwarzo)

Gwauro - Tana nufin wanda a halin yanzu ba shi da aure amma ya taɓa aure. Misali; Gwauro ne shi yanzu, ya saki matarsa a watan da ya gabata. ENG; Unmaried person who was formally married (A turance tana nufin gwauro) Kishiyarta; Mai Aure

Gwaza - Tana nufin makani. Misali; Na gamu da mai siyar da gwaza da fita kasuwa. ENG; Coco-yam (A turance tana nufin gwaza)

Gwiwa - Tana nufin sashen jiki da ke tsakanin ƙafa da cinya. Misali; Ciwon gwiwa yake yi tunda shekarunsa suka ja. ENG; Knee (A turance tana nufin gwiwa)

Gyale - Tana nufin mayafi ko abin rufe jiki na mata. Misali; Kande ta yafa sabon gyale. ENG; Woman's Shawl (A turance tana nufin gyale)

Gyambo - Tana nufin ciwon da ba ya warkewa ko kuma ya daɗe bai warke ba. Misali; Ai gyambon da ke ƙafarsa ya daɗe sosai. ENG; Ulcerated Wound (A turance tana nufin gyambo)

Gyara - Tana nufin daidaita abu ko mayar da abu yanda ya kamata. Misali; An gyara mana titin garinmu. ENG; Repair (A turance tana nufin gyara) Kishiyarta; Ɓatawa

Gyare - Tana nufin tsanya. Wani ƙwaro mai ƙara da daddare. Misali; Ƙarar gyare na damuna idan dare ya yi. ENG; Cricket (A turance tana nufin gyare)

Gyartai - Tana nufin mai gyaran ƙwarya. Misali; Babansa gyartai ne tun shekarun baya. ENG; Calabash Mender (A turance tana nufin gyartai)

Gyatsa - Tana nufin wata iska mai ƙara da ke fitowa daga maƙogwaro musamman idan an ƙoshi ko ana jin yunwa. Misali; Na yi gyatsa amma yunwa nake ji ba ta ƙoshi ba ce. ENG; Belching (A turance tana nufin gyatsa)