Ƙamusu

Gulma - Tana nan nufin ɗaukar zancen wani a kai wa wani da zimmar haɗa su faɗa. Misali; Musulunci ya haramta gulma. ENG; Setting one person against another through gossip (A turance tana nufin gulma)

Gum - A turance tana nufin danƙo. Misali; Hannayensa danƙo suke saboda ya sha alawa. HAU; Danƙo (Tana nufin abu mai mannewa)

Gumba - Tana nufi dakakken garin gero da sikari da ruwa. Misali; An raba gumba a gidan mutuwar. ENG; Sweet pounded millet mixed with water (A turance tana nufin gumba)

Gumi - Tana nufin ruwan da yake tsattsafowa a jikin mutum ta saman fata musamman idan yana jin zafi ko ya yi gudu. Misali; Yau ana zafi kowa ka gani gumi yake. ENG; Sweat (A turance tana nufin gumi)

Gun - A turance tana nufin bindiga. Misali; Sojoji sun kama wani matafiyi da bindiga a hanyar Sokoto. HAU; Bindiga (Tana nufin na'aurar harbi musamman ga mayaƙa ko maharba ko jami'an tsaro)

Gunaguni - Tana nufin yin ƙorafi ko magana ƙasa-ƙasa ba tare wanda ake yi don shi ya fahimci abinda ake faɗa ba. Misali; Habu yana ta gunaguni saboda Shamsu ya dake shi. ENG; Complaining (A turance tana nufin gunaguni)  

Gunduma - Tana nufin ɗibgawa ko yi wa mutum gagarumin laifi. Misali; An gunduma wa 'yan kasuwar sata. ENG; Do much of evil act (A turance tana nufin gunduma)

Gundura - Tana nufin jin abu ya fita daga rai. Misali; Kallon wasan ƙwallon ƙafa ya gundure ni. ENG; Lose Interest (A turance tana nufin gundura)

Gunki - Tana nufin sassaƙaƙƙen abu musamman wanda ake bautawa, zai iya kasancewa mai siffar mutum ko dabba da sauransu. Misali; Indiyawa na da gunki a gidajensu, don sun yarda shi ne abin bautarsu. ENG; Idol (A turance tana nufin gunki)

Guntu - Tana nufin mara tsayi. Misali; Da wani guntun itace na ƙarasa girkin. ENG; Short (A turance tana nufin guntu) Kishiyarta; Dogo/ Mai tsayi