Ƙamusu

Grind Coarsely - A turance tana nufin ɓarza. Misali; Na kai wa Inna ɓarza, za ta yi dambu da yamma. HAU; Ɓarza (Tana nufin niƙa tishi ɗaya ko biyu, ma'ana ba mai laushi ba)

Ground Squirrel - A turance tana nufin kurege. Misali; Ado ya bi kurege har cikin raminsa ya kamo shi. HAU; Kurege (Tana nufin wata dabba mai kama da zomo)

Groundnut - A turance tana nufin gyaɗa. Misali; Ina son dafaffiyar gyaɗa. HAU; Gyaɗa (Tana nufin ɗaya daga cikin nau'in abin ci mai ɗauke da sinadaren gina jiki, ana sarrafa ta ta hanyoyi daban-daban)

Growling - A turance tana nufin gurnani. Misali; Ba zan iya shiga gidan ba, na jiyo kare yana gurnani. HAU; Gurnani (Tana nufin gunji da dabbobi ke yi musamman kare da zaki)

Gruel made of guinea-corn or millet flour - A turance tana nufin kunu. Misali; An dama wa mai jego kunu. HAU; Kunu (Tana nufin abin sha wanda ake yi da gari ko markaɗaɗɗen gero mai ƙunshe da kayan ƙamshi da tsamiya ko kanwa)

Guava - A turance tana nufin goba. Misali; Goba tana da sinadarai masu inganta lafiya a cikinta. HAU; Goba (Tana nufin ɗaya daga cikin kayan marmari tana da ƙananan ƙwallaye a cikinta)

Guba - Tana nufin duk wani abin da zai iya kisa. Misali; Na sa wa ɓeraye guba jiya da yamma. ENG; Poison (A turance tana nufin guba)

Guda - Tana nufin ɗaya. Misali; Gida guda za mu zauna da ƙani na. ENG; One (A turance tana nufin guda)

Gudanar - Tana nufin aiwatarwa. Misali; An gudanar da taron a gidan adana ababen tarihi. ENG; Administer (A turance tana nufin gudanar)

Gudanarwa - Yadda ake tafiyar da aiki ko wani al'amari bisa wani tsari da dokoki na musamman.