Ƙamusu

Ƙwallo - Tana nufin abu mai zagayayyiyar siffa da ake amfani da shi wajen wasanni, musamman ƙwallon ƙafa, ƙwallon kwando, da makamantansu. Misali: Yara suna buga ƙwallo a filin wasa bayan makaranta. ENG: Ball (A turance tana nufin ƙwallo)

Ƙwambo - Tana nufin taƙama, nuna isa, ko yawaita yabon kai da abin da mutum yake da shi ko ya aikata. Misali: Ya fito yana ƙwambo saboda ya saka sababbin kaya. ENG: Boastfulness (A turance tana nufin ƙwambo)

Ƙwanso - Tana nufin ƙwarya ko ɓawon da ke rufe iri ko ‘ya’yan wasu tsirrai, kamar wake, gyaɗa, ko makamantansu. Misali: Yara suna cire wake daga cikin ƙwansonsa kafin a dafa shi. ENG: Pod / Shell (A turance tana nufin ƙwanso)

Ƙwanƙwamai - Tana nufin mugayen aljanu ko iskokai. Misali: A tatsuniyar da kakarsu ta ba su, ta ambaci wasu ƙwanƙwamai da ke zaune a cikin daji. ENG: Evil Spirit (A turance tana nufin ƙwanƙwamai)

Ƙwanƙwasa - Tana nufin bugun ƙofa, bango, ko wani abu da hannu. Misali: Ya ƙwanƙwasa ƙofar gidan kafin ya shiga. ENG: Knock (A turance tana nufin ƙwanƙwasa)

Ƙwara - Tana nufin yaudara, cuta, ko samun wani abu ta hanyar rashin gaskiya ko dabara mara kyau. Misali: Idan aka ba ni dubu biyu a cikin kuɗinan ni aka ƙwara saboda na fi kowa yin aikin. ENG: Cheat (A turance tana nufin ƙwara)

Ƙwarai - Tana nufin sosai, ana amfani da ita wajen ƙarfafa ma’ana. Misali: Na gode ƙwarai da taimakon da ka ba ni. ENG: Very Much (A turance tana nufin ƙwarai)

Ƙwarangwal - Tana nufin ƙasusuwan jiki gaba ɗaya da suke ba jiki tsari, ƙarfi, da kariya ga gabobin ciki. Misali: Masana kimiyya sun gano ƙwarangwal ɗin wata tsohuwar dabba a ƙarƙashin ƙasa. ENG: Skeleton (A turance tana nufin ƙwarangwal)

Ƙwarbai - Tana nufin wahala, tsanani, ko yanayi mai wuya da ke kawo cikas wajen yin wani abu. Misali: Ya fuskanci ƙwarbai sosai kafin ya kammala karatunsa. ENG: Difficulty (A turance tana nufin ƙwarbai)

Ƙware - Tana nufin samun cikakkiyar gogewa a wani fanni sakamakon koyo, horo, ko yawan aiki a kansa. Misali: Bayan shekaru da dama yana aikin kafinta, ya ƙware sosai a sana’ar. ENG: Become Expert (A turance tana nufin ƙware)