Ƙamusu

Jambaɗe - Tana nufin ƙurajen da ke fitowa a hammata masu zafi sosai. Misali; Jambaɗe ne ya fito mata kuma ya zuba mata zazzaɓi mai zafi. ENG; Abscess under armpit (A turance tana nufin jambaɗe)

Jamfa - Tana nufin rigar da ake sa wa a ƙasa kafin a ɗora babbar riga. Misali; Ya sa jamfa mai gajeren hannu kalar makuba. ENG; Long sleeve worn as inner garment (A turance tana nufin jamfa)

Jamhuriya - Tana nufin ƙasar da ke da tsarin mulki na musamman. Misali; Jamhuriyar Niger ta ayyana Hausa a matsayin harshen da za a yi amfani da shi a ƙasar. ENG; Republic (A turance tana nufin jamhuriya)

Jami’a - Tana nufin makarantar gaba da sakandire. Misali; Gambo ya shiga jami'a ne a shekarar da ta gabata. ENG; University (A turance tana nufin jami'a)

Jami’i - Ma'aikaci, musamman na  gwamnati ko wata masana'anta da ya samu  horo

Jan-baki - Tana nufin abin shafawa a leɓe mai canja masa launi wanda mata ke amfani da shi. Misali; Amaryar ta sha ado da jan-baki. ENG; Lipstick (A turance tana nufin jan-baki)

Jan-gwada - Tana nufin namijin ƙadangare. Misali; Jan-gwada ne ya hana sauran ƙadangarun cin abinci. ENG; Orange-headed male lizard (A turance tana nufin jan-gwada)

Jana’iza - Tana nufin sallar da ake yi wa mamaci kafin a kai shi kabari. Misali; Za a yi jana'iza a babban masallacin Juma'a yau. ENG; Funeral (A turance tana nufin jana'iza)

Janaba - Tana nufin rashin tsarki a addinin musulunci sakamakon biƙi, haila, kusantar iyali da sauransu. Misali; idan mutum na da janaba, ba zai yi sallah ba dole sai ya yi tsarki. ENG; Religious Impurity (A turance tana nufin janaba) Kishiyarta; Tsarki

Janairu - Watan farko ne a shekara. Misali; Bikin sabuwar shekara na kasancewa a ranar ɗaya ga watan Janairu. ENG; January (A turance yana nufin watan farko a shekara)