Yadda Ake Madarar Youghurt

Yadda Ake Madarar Youghurt

Abubawan da ake bukata

• Madara kofi huɗu
• Ruwa kofi huɗu
• Sukari kofi
• Flavor mai ƙamshin madara cikin cokali.
• Corn starch kofi ɗaya
• Culture rabin cokali

Yadda ake hadawa:

1. Da farko za a kwaɓa madarar (ta gari) da sukari da corn starch sai a zuba ruwan sanyi a kai.

2. Daga nan sai a tafasa ruwan zafi a zuba a kai, idan an ɗan daɗe sai a juya shi, har sai an tabbatar babu ƙulalai ko kaɗan a ciki.

3. A murje haɗin ya zama ruwa, sannan a bar shi ya huce ya zama da ɗumi.

4. Kafin ya yi sanyi sosai, sai a zuba culture a ciki.

5. Bayan an sa culture, sai a rufe a bari ya yi awa takwas zuwa 12, ko ma ya kwana.

6. Idan aka buɗe shi, sai a zuba sukari da flavor sai a motsa.

7. Idan yogurt din ya haɗu sai a sa a fridge a bar shi ya yi sanyi.

8. Daga nan sai a sha shi yadda ake so.

Karin haske:

Za a iya amfanin da madarar gari ko ta ruwa wajen haɗa yogurt na gida.

Idan da madarar gari za a yi amfani, to yadda na yi bayani haka za a yi.

Idan kuma da madarar ruwa ce, to a dafa madarar sannan a ɗiga mata culture, a rufe na tsawon awa takwas koh sha biyu.

Wannan shi ne yadda ake yin yogurt a gida daki-daki.

Za ku kuma iya sha da fura ko a kankare kwakwa a ciki yogurt din a sha