Yadda Ake Kunun Kwakwa Ga Masu Ciwon Siga

0
1493

Kunun kwakwa yana ɗaya daga cikin abin sha mai riƙe ciki, wanda ba shi da wahalar narkewa a ciki, yana rage hawan suga ga masu ciwon suga, yana kuma wanke ƙoda da samun fitar fitsari cikin sauri da inganta aikin ta wajen tace abubuwa.

Abubuwan da ake buƙata:

  1. Kofi ɗaya na Farar shinkafa (ba ta gwamnati ba)
  2. Ƙwallo biyu na Kwakwa (bayan an yayyanka ta da abin da ake yanka kuɓewa)
  3. Gwangwani ɗaya na Gyada
  4. Gwangwani ɗaya na Madara (ta waken suya)
  5. Ruwan kwakwa ko zuma gwargwadan yadda ake buƙata ko sikarin masu ciwon siga

Yadda ake haɗa kunun kwakwa

1. Da farko za a wanke shinka fara, sai a jiƙa ta da ruwan zafi tsawon minti talatin (30)
2. Sai a jiƙa gyadar, a  surfa ta, a wanke ta (kamar yadda ake wanke wake).
3. Sai a  juye su ( Shinkafa, gyaɗa, kwakwa) a abin da za a markaɗa (blender) a zuba ruwan kwakwar a yi blending sosai (za a iya ƙara ruwa idan ruwan kwakwar bai isa ba)
4. Sai a tace a ɗaura a tukunya a yi ta juyawa har sai an ga ya yi kauri.
5. Sai a zuba zuma ko sikarin masu ciwon siga (gwargwadon yadda ake buƙata) da madara kofi ɗayan nan a motsa. Sai a kashe wutar, a bar shi ya kama jikinsa kamar na minti biyar

wannan abin shan, yana da kyau ga masu ciwon siga da ‘yan sama da shekara arba’in (40), su mayar da shi abincin darensu, domin ƙarin lafiyarsu.

Domin sanin yadda ake Buredin Kwakwa danna koren rubutun nan

labarin da ya wuceYadda ake kunun kwakwa ga masu ciwon siga
Labarin na GabaYadda Ake Burabusko
Babbar Dalibar addini, wacce ta karanci abin cei da lafiyar sa (food and nutrition) da kuma kwararriyar mai hada abin ci da kuma koyar da aikin hannu

YI SHARHI

Yi haƙuri ka yi sharhinka kai ma.
Yi haƙuri ka rubuta sunanka a nan