WikiHausa

Tag: yadda ake

  • Ciwon Idon Jarirai

    Ciwon Idon Jarirai

    A matsayinka/ki na jami’in lafiya sanna aka kawo ma jariri sabon haihuwa da sunan yana fama da ciwon ido kafin komi abinda ya kamata ka/ki tambayi mahaifiyar shi ne, ko gab da haihuwar sa ta yi fama da ciwon sanyi ko kurajen gaba?
    Ko kuwa ma har yanzun da ta haihun shin akwai matsalar?

    Dalili shi ne wannan matsalar ita ce kan gaba a sanadiyyar ciwon idon jariri sabuwar haihuwa kashi 95%, inda sauran ka iya zamtowa sanadiyyar matsi, ko shafe shafe a gaba, ko haihuwar ta zo ba a waje mai tsafta ba.

    Saboda haka ki/ka ɗora iyayen kan maganin wannan matsala ta vaginal infection, sannan yaron ki/ka ba da shawarar a dinga wanke masa fuska sau 3 a rana da ruwan ɗumi da kuma gishiri kaɗan cikin ruwan. Sannan  a dinga amfani da towel mai tsafta. Sannan za a iya ƙara masa da maganin ɗigawa a idon na ruwa ko kwantsa, probably (tetracycline eye ointment).

    Kada jami’in ko jami’ar lafiya kurum ta/ya tsaya ga treatment ɗin jaririn ita ma uwar a bincike ta a magance infection ɗin. Kar ki manta in infection ne har mijin shi ma sai kin ɗora shi kan magani, haka ma in ba ita kaɗai ba ce wajen mijin har abokiyar zaman ita ma sai an ɗora ta a kan irin maganin in ba haka ba matsalar ba za ta bar su ba, sai de ta yi sauƙi ta kuma dawo wa.

    Danna nan don karanta Haifo Jarirai Cikin Rigar Sac

    Edita; RMK

  • Ƙullutun Mama (Breast Fibroadenoma)

    Ƙullutun Mama (Breast Fibroadenoma)

    Ƙullutun da mace take ji a cikin nononta shi ne ake kira “fibroadenoma” a likitance. Ƙullutun ne yake bai wa nonon siffarsa ta tsayuwa ƙyam. Ma’ana shi ne ƙullutun da kowace mace take ji a cikin tsakiyar nononta idan ta taɓa. Fibroadenoma ba matsala ba ne a asalin zance.

    Amma idan ya kasance yana ƙara girma sosai, ko kuma yana yin ciwo sosai, ko ya damfare da jikin tsokar nono, wato ba ya yin yawo ko motsi idan aka taɓa shi, to, alamar ya sami matsala kenan, don haka akwai buƙatar mace ta je asibiti domin likita ya duba ta.

    A tabbatar da cewa barinsa zai iya zamowa wata babbar matsala, to, zai bayar da shawarar cewa a yi tiyatar cire shi, wacce ake kira “lumpectomy” ko “excisional biopsy”. Idan kuwa ƙaramar matsala ce, to, za a iya ɗora mace akan maganin da zai warkar da shi. Wani lokacin kuma zai warkar da kansa.

    Mai yiwuwa ne ko da nono ya zube (sagging) mace ta riƙa jin ƙullutun fibroadenoma a cikin nononta. Sa’annan ana samun kullum nono na fibroadenoma a nono ɗaya kawai, kuma shi ne ake kira “unilateral fibroadenoma” a likitance.

    Don haka, cire shi ko kuma barin shi, ya danganta ne da yanayinsa. A ganina, idan ba ya nuna alamun wata matsala kamar yadda na faɗa a sama, to, ba sai an cire shi ba.

    Domin karanta Ciccikowar Maman Mace danna nan

    Edita; RMK

     

  • Yadda Ake Addu’ar Shiga Wata Karkara Ko Wani Gari

    Yadda Ake Addu’ar Shiga Wata Karkara Ko Wani Gari

    “Allaahumma Rabbas samaawaatis sab’i wamaa izlalna, wa Rabbal shayaaɗiini wamaa aƙlal na, Rabbas shayaaɗiini wamaa adhlalna, wa Rabbar riyaahi wamaa zaraina, as’aluka khaira hazihil ƙaryati wa khaira ahlihaa wa khaira maa fiihaa, wa a’uza bika min sharrihaa wa sharri ahlihaa wa sharri maa fiihaa”.

    {Ya Allah! Ubangijin sammai bakwai da abin da suka rufe; kuma Ubangijin ƙassai bakwai da abin da suke ɗauke da shi; kuma Ubangijin shaiɗanu da waɗanda suka ɓatar; sannan Ubangijin iska da abin da ta yayyaɗa! Ina roƙon ka alherin wannan alƙarya; da alherin mutane da ke cikinta, da alherin abin da ke cikinta. Kuma ina neman tsari da kai daga sharrinta; da sharrin mutanenta; da sharrin abin da ke cikinta}.

    Domin karanta cikakken bayani akan Yadda Ake Addu’ar Shiga Kasuwa danna nan.

    Domin karanta cikakken bayani akan Mutane Biyar Da Suka Yi kama Da Manzon Allah (S.A.W) danna nan.

    Edita; RMK

  • Addu’ar Komowa Daga Tafiya

    Addu’ar Komowa Daga Tafiya

    Abdullahi ibn Umar, Allah ya yarda da shi, ya ce; Manzon Allah (Sallallahu Alaihi Wasalam) ya kasance idan ya kama hanyar dawowa daga tafiya wani yaƙi; ko aikin hajji ko umara, idan ya hau tudu sai ya yi kabbara sau uku; sannan ya ce:

    “Laa ilaaha illallaahu wahdahu laa shariika lahu, lahul mulku walahul hamdu, wahuwa alaa kulli shai’in ƙadiirun, aayibuuna taa’ibbuna, aabiduuna li rabbinaa haamiduuna, sadaƙal laahu wa’adahu, wa nasara abdahu wa hazamal ahzaaba wahdahu”.

    {Babu abin bautawa da gaskiya sai Allah, shi kaɗai; babu abokin tarayya a gare shi. Mulki nasa ne (shi kaɗai); kuma shi mai iko ne a kan komai. Mu masu komawa ne, masu tuba, kuma masu godiya ne ga Ubangijinmu. Allah Ya gaskata alƙawarinsa, Ya taimaki bawansa, Ya ruguza rundunonin kafirai shi kaɗai}.

    Domin karanta cikakken bayani akan Yin Kabbara Da Tasbihi Yayin Da Ake Tafiya danna nan.

    Domin karanta cikakken bayani akan Yadda Ake Tafiya Sujudah danna nan.

    Edita; RMK

  • Addu’ar Mazaunin Gida Ga Matafiyi

    Addu’ar Mazaunin Gida Ga Matafiyi

    “Astaudi’ul laaha diinaka wa amaanataka, wa khawaatima amalika”. {Ina ba wa Allah ajiyar addininka, da amanarka, da ayyukan da ka ke cikawa a kan su}.

    “Zawwadakal laahut taƙ’waa, wa gafara zanbaka wa yassara lakal khaira haisu kunta”.

    {Allah ya yi maka guzurin taƙawa, ya gafarta maka zunubanka, ya sauƙaƙe alheri gare ka a duk inda kake}.

    Domin karanta cikakken bayani akan Yin Kabbara Da Tasbihi Yayin Da Ake Tafiya danna nan.

    Domin karanta cikakken bayani akan Yadda Ake Yin Salatut Tasbihi danna nan.

  • Addu’a Idan Aka Ji Haushin Karnuka Da Daddare

    Addu’a Idan Aka Ji Haushin Karnuka Da Daddare

    Annabi (Sallallahu Alaihi Wasalam) ya ce; ‘Idan kuka ji haushin karnuka, da kukan jaki da daddare, to ku nemi tsarin Allah daga gare su; don kuwa su suna ganin abin da ba kwa gani’.

    Domin karanta cikakken bayani akan Falalar Yaɗa Sallama A Cikin Al’umma danna nan.

    Domin karanta cikakken bayani akan Munafuntar Al’umma Da Rashin Fayyace Alƙibla danna nan.

    Don karanta Yadda Ake Addu’ar Nema Wa Yara Samun Karatu Da Raba Su Da Abokanan Banza danna nan

  • Yadda Ake Addu’ar Shiga Da Fita Daga Banɗaki

    Yadda Ake Addu’ar Shiga Da Fita Daga Banɗaki

    “(Bismillahi) Allahumma inni a uzu bika minal khubusi wal khabaa’isi”.

    {(Da sunan Allah) Ya Allah ina neman tsarinka daga shaiɗanu maza da shaiɗanu mata}.

    Addu’ar Fita

    “Gufraanaka”

    {Ya Allah gafararka (nake nema)).

    Domin karanta cikakken bayani akan Zikiri Kafin (Gabanin) Da Bayan An Gama Alwala danna nan.

    Domin karanta cikakken bayani akan Sallar Alwala Da Falalarta danna nan.

    Wannan bayanin anciro shi ne daga littafin Garkuwar Musulmi Ta Addu’o’i Daga Alƙur’ani Da Sunna; wanda Sheikh Sa’id Ibn Ali Ibn Wahf Al-Kahdani ya wallafa shi; Domin karanta cikakken littafin danna nan.

  • Dalilan Da Ke Haddasa Tsawaitar Kwanakin Al’ada

    Dalilan Da Ke Haddasa Tsawaitar Kwanakin Al’ada

    A likitance, matsakaicin jinin al’ada yana yin tsakanin kwana 3 zuwa 7 ne yake ɗaukewa. Amma akan samu matan da suke yin har kwana 8, kuma duk ana ɗaukarsa normal ne. Idan kuwa ya wuce kwanaki 8 ɗin, to, ya zamo na ciwo wanda ake kira “menorrhagia”.

    Abubuwan da suke haddasa menorrhagia su ne:

    • Rashin daidaiton zubar ruwan sinadarai (hormonal imbalance),
    • Ƙarin mahaifa (uterine fibroids),
    • Cututtukan sanyin mara na mata (pelvic inflammatory diseases),
    • Zazzagowar farji (polyps),
    • Kumburin bangon mahaifa (endometriosis),
    • Hujewar bangon mahaifa (adenomyosis),
    • Laulayin magunguna (medication side effects),
    • Yin amfani da magungunan tazarar haihuwa (hormonal contraceptives).

    Haka nan a cikin fiƙihun addinin musulunci, jinin al’ada yakan yi kwanaki 3 ne zuwa 7, kamar dai mahangar likitancin zamani. Idan ya wuce haka, to, mace za ta ƙara kwanaki 3 a kai. Kenan zai zamo kwanaki 10. Idan har yanzu bai ɗauke ba, sai ta yi wanka ta cigaba da yin ibadah, kuma mijinta zai iya saduwar aure da ita. Wannan shi ne jinin istihadah, kuma mahangar yawancin malaman Hanafiyya, Hambaliyya, da Shafi’iyya kenan.

    Su kuma malaman Malikiyya abinda suka ce shi ne mace za ta yi la’akari ne da kwanakin da ta saba yin al’adarta. Idan suka wuce, kuma jinin bai tsaya ba, to, sai ta ƙara kwanaki 3 kawai a kai. Idan har yanzu bai tsaya ba, to, sai ta yi wankan tsarki ta cigaba da yin ibadah kuma mijinta zai iya saduwar aure da ita. Wannan shi ne bayani a taiƙaice.

    Danna nan don karanta Kwanakin Da Mahaifa Ke Yi Ta Rufe Bayan Gama Al’ada

    Edita; Rumasa’u M. Kallamu 

       

  • Abubuwan Da Ke Sa Mace Ta Riƙa Jin Alamun  Juna Biyu

    Abubuwan Da Ke Sa Mace Ta Riƙa Jin Alamun  Juna Biyu

    Haƙiƙa mata da yawa suna ƙorafi akan jin alamun juna biyu amma idan sun yi awo ko gwaji sakamakon ya nuna babu cikin. Abubuwa masu yawa suna iya haifar da wannan yanayin. Amma bisa nazarin da na yi, muhimman abubuwan da suke kawo shi su ne:

    1. Dalili na farko shi ne hasashen samun juna biyu wanda ake kira “phantom pregnancy” ko kuma “pseudocyesis”. Shi yanayi ne wanda yake sanya mace ta riƙa ji ko ganin dukkan alamomin samuwar juna biyu, kamar rashin zuwan jinin al’ada a lokacin da ya saba zuwa mata (missed period), ko zazzaɓin safe (morning sickness), ko ciwon nono (breast tenderness), ko tashin zuciya (nausea), ko yawan gajiya (fatigue), ko motsi irin na jariri a ciki (fetal-like movement), da sauransu.

     Duk da waɗannan alamomin, idan mace ta yi awon ciki sakamakon zai nuna cewa babu cikin. Babban abinda yake haddasa shi shi ne tsananin kwaɗayi da zaƙuwar samun juna biyu. Ma’ana, idan mace ta ƙosa ta samu juna biyu, to, ƙosawar za ta sanya jikinta ya fara zubo da sinadarai daban-daban irin waɗanda suke zuba a jikin mai juna biyu, daga nan sai dukkan alamun juna biyun su tabbata a gareta.

    1. Dalili na biyu shi ne idan halittun jikin mace masu alaƙa da haihuwa (reproductive organs) suka kamu da rashin lafiya, to, za ta riƙa jin alamun juna biyu. Misali, idan tana da matsalolin mahaifa (uterine disorders), ko rashin daidaiton zubar ruwan sinadarai (hormonal imbalance), ko matsalolin nono (breast disorders), ko matsalolin jakunkunan ruwan sinadarai (hormonal gland disorders), da sauransu.
    1. Dalili na uku shi ne juna biyun sinadarai (chemical pregnancy). Wannan yana faruwa ne idan mace ta yi ɓarin ƙaramin ciki (early pregnancy miscarriage). To, mai yiwuwa ne ta riƙa jin alamun juna biyu bayan ta yi ɓarin, domin jikinta ya fara samar da ruwan sinadarin human chorionic gonadotropin (hCG). Tasirin sinadarin zai ci gaba da haifar mata da alamun juna biyu bayan ta yi ɓarin, sai a hankali zai daina.
    1. Dalili na huɗu shi ne samuwar cikin bayan mahaifa (ectopic pregnancy). Idan ƙyanƙyasasshen ƙwan haihuwa ya maƙale a jikin bututun fallopian tube, maimakon a cikin mahaifa, to, mace za ta riƙa jin alamun juna biyu, amma ko da ta yi awon ciki sakamakon zai nuna cewa babu cikin, saboda yawan sinadarin hCG da jikinta yake samarwa ba shi da yawan da zai nuna cewa akwai cikin.
    1. Dalili na biyar shi ne yawan amfani da magungunan gargajiya da na bature ba bisa ka’ida ba. Yin hakan zai rikirkita jikin mace, har ta riƙa jin alamun juna biyu alhalin kuma ba ta da shi, domin ko an yi awon ciki sakamakon zai nuna cewa babu.

    A taƙaice, idan mace tana ji ko ganin alamun juna biyu amma awon ciki ya nuna babu, to, a binciki waɗannan abubuwan da na lissafa a sama.

    Waɗannan ƙari ne akan abubuwan da ‘yan-uwa suka faɗa na amfani da magungunan tazarar haihuwa, molar pregnancy, da sauransu. Allah SWT ya kawo ciki da goyo mai amfani, amin.

    Domin Karanata Amfanin Aya Wajen Samar Da Lafiya A Jiki danna nan

    Edita; Rumasa’u M. Kallamu

       

  • Mu Koyi Addini Kashi Na Biyu

    Mu Koyi Addini Kashi Na Biyu

    KAN FASALIN ALWALA

    • Wanda ya manta da wata farilla daga gaɓoɓinsa, idan ya tuno sai ya aikata ta da abinda ke bayanta, idan kuma ya yi nisa sai ya aikata ta ita kaɗai, ya kuma sake abinda ya sallata bayan faruwar abin.

    • Idan kuma ya bar sunna, to sai ya aikata ta ita kaɗai ba zai sake sallah ba.

    • Wanda kuma ya mance lam’a sai ya wanke ta ita kaɗai da niyya, in kuma har ya yi sallah bayan faruwar hakan toh sai ya sake ta.

    • Wanda ya tuna da kurkurar baki ko shaƙa ruwa bayan ya riga ya ya fara wanke fuska, to ba zai dawo gare su ba har sai ya gama alwalarsa, sannan sai ya yi su.

    • Tsettsefe ‘yan yatsun hannuwa yana wajaba, an so a tsettsefe ‘yan yatsun ƙafafuwa, tsefe gemu mara duhu yana wajaba a cikin alwala, tsefe gemu yana wajaba a cikin wanka koh da mai duhu ne.

    AKAN FASALIN ALWALA (2)

    • Ba ya halatta ga wanda ba shi da alwala ya yi sallah, koh ɗawafi, ko ya taɓa Alqur’ani ko da a cikin gafakarsa ne, ba da hannunsa ba sai dai idan juzu’i ne ga mai neman ilimi a cikinsa.

    • Yaro a wajen taɓa Alqur’ani kamar babba yake, amma laifin yana wuyan wanda ya ba shi Alqur’anin ya taɓa.

    • Wanda ya yi sallah da gangan ba tare da alwala ba to shi kafiri ne. Allah ya kiyashe mu.

    Danna nan don karanta Mu Koyi Addini Kashi Na Farko

    Edita; Rumasa’u M. Kallamu