WikiHausa

Category: Kiwon Lafiya

Mun samar da wannan ɓangaren ne domin koyar da ilimin yadda ake kula da lafiya a cikin harshen Hausa a sauƙaƙe. Za ku iya kai wa gare su ta hanyar amfani da kwamfutoci ko wayoyin hanu.

wikiHausa ta kowa ce. Kowa zai iya taimakawa da ilimi ko gyara. Bugu da ƙari, kowa na iya amfani da wannan kafa domin koya ko koyarwa.

  • Amfani da Kuma Illar Magungunan Kara Karfin Maza (Male Sex Enhancement Supplements )

    Amfani da Kuma Illar Magungunan Kara Karfin Maza (Male Sex Enhancement Supplements )

    Tabbas saduwar aure a tsakanin namiji da mace tana da matuƙar muhimmanci a zamantakewar aure. Duk da kasancewar ba ita kadai bace take samar da morewar zaman aure, saduwa itace akan gaba.

    Wannan yana nufin cewa koda mace tana da ladabi da biyayya,iya magana, iya girki, iya ƙwarƙwasa,iya ƙwalliya,tsabta da sauran abubuwan ƙayatarwa na zaman aure,to dukkansu basu kai muhimmancin saduwa ba a wurin mijinta. Haka nan kuma koda namiji yana da ƙoƙarin samar ma matarsa da abinci da abin sha, sutura, wurin zama, kiwon lafiya, tsare mutunci, tausayawa, kyautatawa da sauran abubuwan ƙayatarwa na zaman aure, to, dukkansu basu kai muhimmancin saduwa ba a wurin matarsa. Bisa wannan dalilin ne maza suke jajircewa wajen ganin cewa sun gamsar da matansu ta fuskar jima’i.

    Abinda Ake Nufi da Gamsar da Juna Wajen Saduwar Aure (Sexul Satisfaction )

    Masana a fannin lafiya (medical health), da na addinin musulunci (Islamic clerics), da na halayyar dan-adam (psychologists) sunkai sun komo game da ma’anar gamsarda juna a wurin saduwar aure. Amma duk bayanansu sun tattara ne akan cewa ma’anarsa itace a samu natsuwar da zata gusar da duk wata sha’awa bayan an gama saduwar, sai kuma wani lokaci idan bukatar hakan ta taso.

    Da Wannan Ne Wasu Da Yawa Daga Cikin Mazajenmu Suke Ɗaukar Cewa Mutum Ba Zai Iya Gamsar Da Iyalinsa Ba:
    • Idan yana da al’aura mai kauri,ko tsawo, ko kuma duka biyun.
    • Idan yana dadewa wajen saduwa

    Hakan ne ya baiwa wasu kamfannoi masu sarrafa magungunan bature, da kuma masu maganin gargajiya damar samarda magunguna iri-iri wadanda aka ce suna baiwa namiji karfin gamsar da iyalinsa yadda ya kamata. Abin yayi yawa sosai, ta yadda masu wadannan magunguna suka cika chemists, da kasuwanni, tituna, da tashoshin mota suna cin karensu babu babbaka.

    Rabe-Raben Magungunan Bature Na Kara Karfin Namiji 
    • Ƙwayoyi (drugs): wadannan sune magungunan da ake sha da baki, kuma suna da yawa. Sun hada da Viagra, VigRX Nitric Oxide , TestRX, GenF20 Plus, Semenax, ProSolution Plus, VigRX Plus, Extenze, da sauransu. 
    • Mayuka (creams): wadannan sune magungunan da ake shafawa. Suma suna da yawa, kamar Maxman Delay Sex Cream, Viamax Maximum Gel, TITAN Gel, Doc Johnson Power Plus Delay Cream, Man1 Oil Penile Health Cream, Lavenda Massage Oil, da sauransu.
    • Allura (injection): wadannan sune magungunan da ake yin allura dasu. Suma suna da yawa, kamar Papaverine, Prostaglandin E1 (PGE1), Phentolamine, Alprostadil, Trimix, da sauransu.
    • Tiyata (surgery): wannan shine aikin yanka mazakuta da ake yi a dakin tiyata domin a kara mata tsawo ko kauri (penile augmentation surgery) ta hanyar sanya wata roba mai kama da jijiyoyin mazakuta (medical grade silicone). Anfi yinta a kasashen turawa, kuma tana da tsada sosai.
    • Jike-jiken magungunan gargajiya (herbal concoctions): wannan shi yafi yawa a cikin al’umarmu. Suma akwai na sha akwai kuma na shafawa. Masu ilimin kimiyya basu cika yarda da tsabtar wadannan magungunan ba, haka kuma basu yarda da sahihancin ka’idar amfani da su ba (dosage).

    Masu amfani da wadannan magunguna suna ganin tasirinsu. Hakan baya rasa nasaba da abubuwan da ake hada su da shi, kamar ginkgo biloba, ginseng, DHEA, horny goat weed, fenugreek, maca da sauransu. Wasu chemicals ne wasu kuma ana tatso su ne daga tsirrai, sa’annan suna sanya karuwar zubar sinadarai (hormones) a cikin jiki ne. Amma a gaskiya sakamakon binciken kimiyya da yawa ya tabbatar da cewa dadewa ana amfani da su yana haifar da illa ga lafiyar mutum. Bayan wannan kuma, idan jikin mutum ya saba da su, to, zai yi wahala ya iya saduwa da matarsa in baiyi amfani dasu ba. Assha! Kaga kenan matsala ta auku.

    Sirrin Gamsar Da Mace Wajen Saduwar Aure 

    Alqur’ani mai girma ya gama mana komai, domin ya sanar damu yadda za’a gamsar da mata wurin saduwa:

    نِسَاؤُكُمْ حَرْثٌ لَكُمْ فَأْتُوا حَرْثَكُمْ أَنَّىٰ شِئْتُمْ ۖ وَقَدِّمُوا لِأَنْفُسِكُمْ ۚ وَاتَّقُوا اللَّهَ وَاعْلَمُوا أَنَّكُمْ مُلَاقُوهُ ۗ وَبَشِّرِ الْمُؤْمِنِينَ 

    “matanku gonakinku ne, ku shiga gonakinku ta yadda kuke bukata, kuma kuyi wasanni dasu (a lokacinda zaku sadu dasu)”, Baqarah: 223. 

    Kenan idan mutum yayi wasaanin motsa sha’awa sosai kafin ya fara saduwa da iyalinsa, to, insha-Allahu zai gamsar da ita. Wasu suna yin kuskuren fahimtar cewa dadewa ana saduwa shine ƙwazo da burgewa. A likitance wannan ba gaskiya bane, domin ana so ne saduwa ta zama daga minti 3 zuwa 17. Idan ta kai minti 20, to, tayi yawa domin zata iya sanya ni’imar matar ta dauke, daga nan sai ta fara jin zafi, kila ma ayi mata rauni. Amma a lura ba wai ina nufin dole kada a wuce abinda na fada bane, domin wani yana iya yin minti 60 ma ba tare da matar ta tsawwala ba. Domin karanta bayani akan Sanyi (Infection) Wanda Ake Ɗauka Ta Hanyar Jima’i shiga nan

    Menene Abun Yi?
    • Matsalar ƙanƙanacewar gaba gaskiya ce. Idan mutum yana da ita, to ya kamata ya tuntubi likita domin a dora shi akan maganin da ya dace, maimakon saye da kuma amfani da magunguna barkatai, wadanda idan illarsu ta taso bai san yadda zai magance ta ba.
    • Idan bai  zama dole ba, kada ka saba ma madam da dadewa ana saduwa, domin idan ka daina dadewa daga baya, to, akwai matsala fa.
    • Ka karfafa wasanni kafin ka fara, kamar yadda qur’ani yayi umurni.

    Domin karanta Kadan Daga Cikin Matsalolin da Mata Kan Fuskanta A Lokacin Zuwan Al’ada Danna nan

  • Kadan Daga Cikin Matsalolin da Mata Kan Fuskanta A Lokacin Zuwan Al’ada

    Kadan Daga Cikin Matsalolin da Mata Kan Fuskanta A Lokacin Zuwan Al’ada

    Mata da yawa su kan fuskanci matasaloli daban daban a lokacin da al’adarsu ta zo,wasu kanyi fama da allurar zubar jini da fitar wani farin ruwa mai yauki da kuma wari.

    • Ciwon mara a lokacin al’ada kan farune a lokacin da mahaifa ke curewa  waje guda domin fitar da wani abu daga cikinta marar amfani wanda wannan motsin shike saka wannan ciwon mara.
    • Akwai abubuwa dakan-daban da ke zuba daga al aurar mataalokacin wannan ciwon kamar jini ko mai hade da ruwa, farin ruwa, ruwa mai kauri, ruwa mai wata kala daban, da dai  sauransu.
    • Irin wannan kan farune saboda shigar wata matsala ta ƙwayoyin cuta a lokacin al’adar kamar virus, yeast infection, shan ƙwayoyin hana daukar ciki, Saduwa barkatai, Ciwon suga, cancer, da sauransu.
    • Wani lokaci al’ada kan rikice ko tsallake lokacinta  ba tare da tazo ba kuma ba tare da shigar cikiba.Zubar jinin haila kowace mace nada nata  mataki daban-daban wanda kan auku kafin saukar jinin a kowane wata.
    • Zaifi kyau a lura da zuwan lokacin al’ada da adadin yawan jinin da yawan kwanakin daya dace wadda idan har yayi nisa shine kwana shida amma ga yan mata yara baya wuce kwana daya zuwa biyu. Sannan yana dakyau ku karanta rubutun mu akan Ciwun Sanyi (TOILETS INFECTION) 

    Domin karanta Matakin Kariya  Kafin Samun Ciki  (PRECONCEPTIONAL CARE) Danna nan

  • Tusar Gaban Mace(Queening Vaginal Gas)

    Tusar Gaban Mace(Queening Vaginal Gas)

    Tusar gaban mace:

    Itace fitar da wani iska musamman lokocin jima’i da mijinta, ko idan tayi wani motsin sai taji gabanta yana fitar da wani iska harda kara kamar tusa.

    Dalilan Da Suke Kawo Wannan Tusar Gaban Sun Hada Da:
    1. Pelvic floor weakness: Sakewar naman cikin farji, idan naman cikin farjin mace ya saki baya iya rike abu yakan kawo wannan matsala.
    2. Infection: Shigar kwayar cuta bangaren da ya shafi  mafitsara shima yakan haifar da wannan matsala.
    3. Feminine hygiene products: chuse-chusen kayan mata, da wasu sabulai marasa asali domin sarƙake farji ko matse shi yakan haifar da wannan matsalar.
    4. Inserting an object in the vagina: tura wani abun da ba muhallin sa ba zuwa cikin farji yakan kawo wannan matsalar.
    5. Menopause: Wasu matan suna fuskantar wannan matsalar idan lokocin dauke jinin al’adar su yayi, shekaru arba’in da biyar zuwa sama.
    6. Vaginal Fistulas: Wannan idan akan samu tazara ko wata ƙofar tsakanin hanyoyin da ta hada farji, mafitsara da wajen kashi akan samu wannan matsalar.
    Sai Kuma Wasu Hallayar Mu Da Take Taimaka Wajen Kawo Wannan Matsalar:
    • Zama a kasa cikin AC ba wando kuma a kan tiles.
    • Yawo ba takalmi musammanma a AC kuma kan tiles.
    • Ƙwanciya ki kunna fanka kuma ba wando a jikinki.
    • Rashin yin tsarki da ruwan zafi.
    • Rashin yin tsarki bayan gama jima’i. Wato barin sparm ya kwana a jikinki ba tare da yin tsarki ba.
    • Yawan yin maganin mata ba gaira ba dalili.
    • Rashin iya positioning na kwanciyar aure da miji.
    • Zama da fant guda daya tun daga safe har dare sai kaga mace ta bar fant tun safe har dare yana jikinta tsaban qazanta.

    Sannan yana dakyau mace ko namiji ya karanta bayanin mu akan Cututtuka Da Ake Dauka Ta Jima’i

    Hanyoyin Samun Sauki Ko Waraka:
    • Ayi ƙoƙori zuwa asibity domin ganin likita wanda ya ƙware a bangaren abinda ya shafi mahaifa (Gynaecologist)
    • A kiyaye dukkanin abinda zai kawo wannan ji matsalar.
    • Adinga yin exercise lokoci bayan lokoci domin naman farji ya samu ƙarfi.

    Domin karanta Ciwan Farfadiya (Epilepsy/Seizure) Danna nan

  • Larurar Sanyin Gaba  (Genital Infaction)

    Larurar Sanyin Gaba  (Genital Infaction)

    Ma’aurata kunsan ciwon sanyi da rashin  tsafta suna matukar sa rashin sha’awan jima’i kuwa? Suna hana jituwa tsakanin mata da miji. Kuma komi iya kwanciyarki da cushecushen kayan mata inbaki magance infection ba akwai matsala. 

    Irin wannan infection din yana hana jin dadin jima’i,yana hana daukar ciki,yana kuma cutar da maigida ya cutar da abokiyar zama ma inba ke kadai bace.

    Domin akan sami amarya me tsafta, yayin da uwargida kuma ƙazama, ko kuma uwargida me tsafta yayin da amarya kuma me ƙarancin tsafta… wanda illar infection shine idan mijin zaijewa waccan me ƙarancin tsaftar kuma kema yazo miki toh duk ƙoƙarinki tsaftarki bazaki tsira ba sai dai abun yai miki da sauki.

    Alamomin Sun Hada Da
    • Ɗaurewar mara akai akai ba lokacin period ba
    • Jin motsi kamar wani abu na tafiya acikin farji
    • Jin zafi yayin fitsari
    • Jin zafi yayin saduwa
    • Ganin fitar farin ruwa me kauri
    • Ganin fitar abu kamar dusa-dusa daga farji
    • Jin discharge na fita da karni kamar karnin kifi ko ɗoyi
    • Kai kayin gaba
    • Gani kurji ko kumburi a gaba.

    Al’amarine me nauyi amma kar ai kunyar zuwa ga likita neman lfy,wasu na dashi amma sam basusan menene ba sai daga baya in abun yayi yawa,wasu kuma basa ganin discharge din komi saide ciwon mara…. shima maganin dinsa daban. shi yasa ko yaushe nake cewa aje  ƙwararrun jami’an lfy.

    Ga jami’an lafiya musamman ƙananu kusani vaginal infection ya kasu iri da yawa akwai viral,bacterial,fungus da parasitic don haka wajibi ne ka fahimci meke jawosa kafin dora mutum a magani,ba duk infection ne ake bada antibiotics ba,akwai infections din da inka ba mace antibiotics ka kara haukatashi ne.

    Sannan kuskure ne dora mutum akan babban antibiotics wato broad spectrum antibiotics akan ƙaramin abunda bai kai ya kawo ba,hakan kuma kan jawowa jikinsu yai developing antibiotics resistant ta yadda zaima ki aiki nan gaba in wata cutar ta samesu,a kiyaye narrow spectrum sune first line ko yaushe na antibiotics. 

    Don haka wajibinku ne ku fahimci abunda ya jawo infection din da kyau kafin bada magani,shi yasa manyan asibitoci wasu sai mun dau sample na discharge din mun turawa masanan kimiyya wato medical lab scientists sun tantance mana domin dora mutum kan maganin da ya dace dashi.

    Sannan yana da kyau jami’in lafiya yasan waɗanne irin tambayoyi ya dace yai da kuma sanin dalilin yin su,karkurum mace tazo da complain, kai kuma ka saki layi ka tafi wata tambayar can mara mahimmanci  da  bata da alaqa da matsalarta… daga lokacin bazata kuma dawowa gurinka ba domin zata fahimci kaima din bakasan komi ba. 

    Sannan ku dai na jin haushi don an muku tambaya kusani ayanzu ƴancin mara lafiyar da yazo gabanka ne.. ya tambayeka daya bayan daya game da maganin daka rubutamasa, kai masa bayani kuma har sai ya gamsu, sannan yana da hakkin ka sanar dashi damuwarsa matuƙar akwai buƙatar hakan domin yasan abunda zai kiyaye…. Don haka batun wani harden rubutu a likitanci yanzu bashi. Kai rubutun magani straight and clear shine sanin aiki.

    Don haka jami’in lfy a duk sanda mace ta zoma da korafi na alamun infection ne ke damunta baya ga magani karku mance da bata wadannan shawarwarin da zan lissafo; sune ginshikin cin nasara wajen magancesa. Ku sanar da ita cewa;

    1. Zaifi kyau ki riƙa sanya pant na cotton bana roba ba. Sannan a rika canza pant din sau 2, 3 zuwa 4 a rana a irin wannan yanayin. Dalilin shine farji ba gurine da iska ke ratsawa ba ko yaushe sanya panta na roba karawa gurin danshi zaiyi… danshi ko yanayi ne da irin wadannan kwayoyin cutar keso. 

    2. Duk sanda zaki wanke unders dinki kike amfani da ruwan dumi kina wankewa dashi, inkuma ruwan na sanyine to a zuba gishiri aruwan wankin kadan domin kashe wasu ƙwayoyin cutar koda akwaisu ajiki. Sannan idan da  hali ake shanyasu acikin daki ko ida akasan ƙurar ƙasa bazatake tasowa tana badesu ba kafin su bushe.

    3. Sannan akiyaye kai hannu wajan farji,  yana dakyau hannu ya zamto anwankeshi kafin a shiga bayan gida koda babu datti da kuma bayan anfito.

    4. Kar kike tura sabulu yayin wanke farji zuwa ciki, inda hali ma sam babu buƙatar sabulu wajen wankesa domin gurine dake wanke kansa da kansa, shyasa wani lokacin kina zaune kurum sai kiga abu me yauki na fita. 

    Sannan ake aske gaban fes duk bayan sati 4 ko 6. Amma akeyi sama-sama, sannan ba direct ba, ko yaushe kafin ki askin ki sami ruwan duminki ki zuba a roba kikai bandaki inkinje ki zauna aciki na minti 5 zuw 10 tukun kafin fara shaving din saboda yin hakan zai hana kuraje da kaikayi…. bama sai me infection ba ga dukkan maza da mata ya dace kuyi hakan. Idan da hali a sa gishiri cikin ruwan dumin kafin azauna ciki.

    5. A tabbatar da tsafta bandakuna pls, Ake kaɗa ruwa da gishiri ko da Omo ana watsawa acikin bandakin ana wankesa, ko ta hanyar amfani da sauran maganin kashe kwayoyin cuta na ruwa.

    6. Ake tsarki da ruwan dumi zaki iya dumamawa ki zuba a cikin flask duk sanda zaki kama ruwa sai ki tsiyaya in kina gida. sannan anaso ake sa gishiri daidai misali a ruwan dumin da za’ake tsarkin. A daina tsarki da ruwan sanyi sam idan da hali amma inba yadda Za’ai to shima asa gishiri kadan ciki. Ko namiji inda hali inkana gida ka jimanci tsarki da ruwan dumi.

    7. kike canza fant yayin period akalla Sau 3, xuwa 4 a rana, insun Jima koda basu ɓaci da jini ba. Saboda jinin al’ada. ne me kyau dake ba ƙwayoyin cuta damar rayuwa…

    8. Matsayinki name fama da infection Idan da hali inke kadai ke kwanciya adakinki ki rika cire pant dinki inzaki kwanta ki bar iya siket yadda iska zatake ratsawa zuwa wayewar gari ki rika haka kullum har matsalar ta tafi.

    9. Karka mance duk matar auren da tazo da Infection wajibi ne mijinta ma adorasa a magani daidai da irin nata, hakama insu 2 ko 4 ne wajen mijin kaf dinsu sai sunsha maganin daidai da nata.

    Inde an kiyaye wannan Insha Allah za’a samu sassauci akan kari, magani kadai babu counseling a infection baya aiki… abun dadin ma yawancin magungunan infection ma wani sha sau 1 ne shikenan wani kuma sau 2 anjima anayi kwana 5 saide in ansami treatment failure. Fatan harma wadanda basu dashi sun ilmantu.

    Domin karanta bayani akan sanyi (Infection) Wanda Ake Ɗauka Ta Hanyar Jima’i Danna nan

  • Matakin Kariya Kafin Samun Ciki (Preconceptional care)

    Matakin Kariya Kafin Samun Ciki (Preconceptional care)

    Wannan wasu matakan kariya ne da mace da ta ke da shirin ɗaukar ciki ya kamata ta samu tun kafin samun cikin, domin samun cikarkiyar lafiya lokacin rainon ciki da kuma haihuwa.

    MENE YA SA KIKE BUƘATAR MATAKAN KARIYA KAFIN SAMUN CIKI?

    Tabbatacciyar lafiyar mace kafin samun ciki, yana ɗaya daga cikin manyan mahangar samun lafiyayyen ciki da haihuwa.

    MATAKAN KARIYA.

    1. Ga macen da ta ke da wata cuta da ta ke shan magani a kai, ya kamata likita ya tabbatar mata da cewar cutar ba ta matakin da za ta iya ba ta matsala idan ta samu ciki, wannan cututtuka sun haɗa da:
      -ciwon siga
      -Sikila
      -Asma
      -Ciwon zuciya
      -Hawan jini…… Da sauran su.
      Baya ga haka, akwai wasu maganin da ake sha a waɗannan cututtuka, wanda ka iya ba wa jaririn da za ta haifa matsala, don haka, likita zai canza mata su zuwa ga wanda ba su da matsala a kan jariri.
    2. Folic Acid
      Wannan magani mace kan fara shan sa kafin samun ciki da kuma wata 3 na farkon ciki, bisa shawarar likita. Yana bayar da kariya a kan haihuwar yara masu ƙaramin kai ko buɗaɗɗiyar laka.
    3. Abinci.
      Akwai buƙatar mace ta ƙara samun abincin mai gina ciki da ƙarin lafiya domin ita kanta da kuma jaririn da zai zauna a cikinta.
    4. Barin shan magani barkatai ba tare da shawarar likita ba, saboda akwai magungunan da suke bayar da matsala ga jariri ko su kawo ɓarewar cikin, idan aka samu.

    Danna koren rubutun nan domin karanta Alamomin Shigar Ciki (Juna Biyu) ko yadda ake amfani da na’urar gwajin ciki ko Yadda za ki kare kanki daga Ciwon Kumburi ɓangaren Mahaifar Mace (Pelvic Inflammation Disease (PID))

  • Ciwon Sanyi (TOILETS INFECTION)

    Ciwon Sanyi (TOILETS INFECTION)

    Ciwon Sanyi wato (Toilets Infection) mutane kan kira wasu cututtuka da suna Toilet Infection a al’adance, a sani cewa, babu Wani ciwo da toilets ya ke haddasawa ko kawowa, abin da kawai aka sani shi ne akwai miliyoyi na micro organism waɗanda sukan rayu cikin toilets kamar na cikin ruwa, iska, ƙasa da jini, waɗannan ƙwayoyin halitta su ne kan haddasa cutuka da dama, waɗanda akan ɗauka daga wani zuwa wani ta hanyar toilets ɗin.

    Abin dai ba ya rasa nasaba da cinkoson jama’a a banɗaki ɗaya, kamar makaranta, gidan hanya, da kuma rashin tsafta, su ne kan kai ga ire-iren waɗannan cututtuka da ake wa suna toilets infection bisa kuskure.

    Wajibi ne mu tsaftace muhallinmu musamman toilets, mu yi amfani da antiseptic duk lokacin da mu kai amfani da toilets ɗinmu, mu riƙa koya wa yaranmu amfani da sabulu ko toka duk lokacin da suka fito toilets, tare da rufe toilets ɗinmu a ko yaushe, wannan yakan rage kamuwa da cututtuka da dama waɗanda za a iya ɗauka ta hanyar toilets.

    Domin karanta yadda ake gyara soyayya ko Yadda Za Ki Ja Hankalin Mijinki ko yadda ake wa maigida lokacin al’ada ko Amfani Da Kuma Illar Magungunan Ƙara Ƙarfin Maza (MALE SEX ENHANCEMENT SUPPLEMENTS)

  • Amfani Da Kuma Illar Magungunan Ƙara Ƙarfin Maza (MALE SEX ENHANCEMENT SUPPLEMENTS)

    Amfani Da Kuma Illar Magungunan Ƙara Ƙarfin Maza (MALE SEX ENHANCEMENT SUPPLEMENTS)

    Tabbas saduwar aure a tsakanin namiji da mace tana da matuƙar muhimmanci a zamantakewar aure. Duk da kasancewar ba ita kaɗai ba ce ta ke samar da morewar zaman aure. Saduwa ita ce a kan gaba.

    Wannan yana nufin cewa ko da mace tana da ladabi da biyayya, iya magana, iya girki, iya kwarkwasa, iya kwalliya, tsabta da sauran abubuwan ƙayatarwa na zaman aure, to, dukkan su ba su kai muhimmancin saduwa ba a wurin mijinta.

    Haka nan kuma, ko da namiji yana da ƙoƙarin samar wa matarsa da abinci da abin sha, sutura, wurin zama, kiwon lafiya, tsare mutunci, tausayawa, kyautatawa da sauran abubuwan ƙayatarwa na zaman aure, to, dukkansu ba su kai muhimmancin saduwa ba a wurin matarsa. Bisa wannan dalilin ne maza su ke jajircewa wajen ganin cewa sun gamsar da matansu ta fuskar jima’i.

    ABIN DA AKE NUFI DA GAMSAR DA JUNA WAJEN SADUWAR AURE (SEXUAL SATISFACTION)

    Masana a fannin lafiya (medical health), da na addinin Musulunci (Islamic clerics), da na halayyar ɗan-adam (psychologists) sun kai sun komo ga me da ma’anar gamsar da juna a wurin saduwar aure. Amma duk bayanansu sun tattara ne a kan cewa ma’anarsa ita ce, “A samu natsuwar da za ta gusar da duk wata sha’awa bayan an gama saduwar, sai kuma wani lokaci idan buƙatar hakan ta taso”.

    Da wannan ne wasu da yawa daga cikin mazajenmu su ke ɗaukar cewa mutum ba zai iya gamsar da iyalinsa ba sai:

    1. Idan yana da al’aura mai kauri, ko tsawo, ko kuma duka biyun.
    2. Idan yana daɗewa wajen saduwa.

    Hakan ne ya bai wa wasu kamfanoni masu sarrafa magungunan Bature, da kuma masu maganin gargajiya damar samar da magunguna iri-iri waɗanda aka ce suna bai wa namiji ƙarfin gamsar da iyalinsa yadda ya kamata. Abin ya yi yawa sosai, ta yadda masu waɗannan magunguna suka cika chemists, da kasuwanni, tituna, da tashoshin mota suna cin karensu babu babbaka.

    RABE-RABEN MAGUNGUNAN BATURE NA ƘARA KARFIN NAMIJI

    Magungunan sun kasu kamar haka:

    1. Kwayoyi (drugs): waɗannan su ne magungunan da ake sha da baki, kuma suna da yawa. Sun haɗa da Viagra, VigRX Nitric Oxide , TestRX, GenF20 Plus, Semenax, ProSolution Plus, VigRX Plus, Extenze, da sauransu.
    2. Mayuka (creams): waɗannan su ne magungunan da ake shafawa. Su ma suna da yawa, kamar Maxman Delay Sex Cream, Viamax Maximum Gel, TITAN Gel, Doc Johnson Power Plus Delay Cream, Man1 Oil Penile Health Cream, Lavenda Massage Oil, da sauransu.
    3. Allura (injection): waɗannan su ne magungunan da ake yin allura da su. Su ma suna da yawa, kamar Papaverine, Prostaglandin E1 (PGE1), Phentolamine, Alprostadil, Trimix, da sauransu.
    4. Tiyata (surgery): wannan ita ce aikin yanka mazakuta da ake yi a ɗakin tiyata domin a ƙara mata tsawo ko kauri (penile augmentation surgery) ta hanyar sanya wata roba mai kama da jijiyoyin mazakuta (medical grade silicone). An fi yinta a ƙasashen Turawa, kuma tana da tsada sosai.
    5. Jiƙe-jiƙen magungunan gargajiya (herbal concoctions): wannan shi ne ya fi yawa a cikin al’umarmu. Su ma akwai na sha akwai kuma na shafawa. Masu ilmin kimiyya ba su cika yarda da tsabtar waɗannan magungunan ba, haka kuma ba su yarda da sahihancin ƙa’idar amfani da su ba (dosage).

    TASIRIN MAGUNGUNAN ƘARA ƘARFIN NAMIJI

    Masu amfani da waɗannan magunguna suna ganin tasirinsu. Hakan ba ya rasa nasaba da abubuwan da ake haɗa su da shi, kamar ginkgo biloba, ginseng, DHEA, horny goat weed, fenugreek, maca da sauransu. Wasu chemicals ne wasu kuma ana tatso su ne daga tsirrai, sa’annan suna sanya ƙaruwar zubar sinadarai (hormones) a cikin jiki ne. Amma a gaskiya sakamakon binciken kimiyya da yawa ya tabbatar da cewa daɗewa ana amfani da su yana haifar da illa ga lafiyar mutum. Bayan wannan kuma, idan jikin mutum ya saba da su, to, zai yi wahala ya iya saduwa da matarsa in bai yi amfani da su ba. Assha! Ka ga kenan matsala ta auku.

    SIRRIN GAMSAR DA MACE WAJEN SADUWAR AURE

    Alqur’ani mai girma ya gama mana komai, domin ya sanar da mu yadda za a gamsar da mata wurin saduwa:

    “نِسَاؤُكُمْ حَرْثٌ لَكُمْ فَأْتُوا حَرْثَكُمْ أَنَّىٰ شِئْتُمْ ۖ وَقَدِّمُوا لِأَنْفُسِكُمْ ۚ وَاتَّقُوا اللَّهَ وَاعْلَمُوا أَنَّكُمْ مُلَاقُوهُ ۗ وَبَشِّرِ الْمُؤْمِنِينَ“

    “Matanku gonakinku ne, ku shiga gonakinku ta yadda ku ke buƙata, kuma ku yi wasanni da su (a lokacin da za ku sadu da su)”, Baqarah: 223.

    Kenan idan mutum ya yi wasanin motsa sha’awa sosai kafin ya fara saduwa da iyalinsa, to, insha-Allahu zai gamsar da ita. Wasu suna yin kuskuren fahimtar cewa daɗewa ana saduwa shi ne kwazo da burgewa. A likitance wannan ba gaskiya ba ne, domin ana so ne saduwa ta zama daga minti 3 zuwa 17. Idan ta kai minti 20, to, ta yi yawa domin za ta iya sanya ni’imar matar ta ɗauke, daga nan sai ta fara jin zafi, ƙila ma a yi mata rauni. Amma a lura ba wai ina nufin dole kada a wuce abinda na faɗa ba ne, domin wani yana iya yin minti 60 ma ba tare da matar ta tsawwala ba.

    MENE NE ABIN YI?

    1. Matsalar ƙanƙancewar gaba gaskiya ce. Idan mutum yana da ita, to, ya kamata ya tuntuɓi likita, domin a ɗora shi a kan maganin da ya dace, maimakon saye da kuma amfani da magunguna barkatai, waɗanda idan illarsu ta taso, bai san yadda zai magance ta ba.
    2. Idan ba ya zama dole ba, kada ka saba ma madam da daɗewa ana saduwa, domin idan ka daina daɗewa daga baya, to, akwai matsala fa.
    3. Ka ƙarfafa wasanni kafin ka fara, kamar yadda Alƙur’ani ya yi umarni.

    WalLahu A’lam

    Domin karanta yadda ake gyara soyayya ko Yadda Za Ki Ja Hankalin Mijinki ko yadda ake wa maigida lokacin al’ada

  • Alamomin Shigar Ciki (Juna Biyu)

    Alamomin Shigar Ciki (Juna Biyu)

    Shin waɗanne alamu ne mace za ta ji ko ta gani idan tana ɗauke da sabon ciki wato juna biyu, ta yadda za ta ga ne tun kafin ta je asibiti a tabbatar.

    Haƙiƙa ba kowace mace ce ta kwan da sanin cewa babban abin da ke kawo ɓatan wata (wato ko juna biyu rashin ganin al’ada ba) shi ne samun juna biyu ba. Musamman a sabbin aure ko kuma a mata marasa kamun kai.

    Bayan juna biyu kuma cuttukan da ke sa shigar ƙwayoyin cuta ciki ko bakin mahaifar mace [uterus] su ne kan gaba wajen kawo ɓatan wata (rashin ganin haila), ko rikicewar lissafin wata.

    SAURAN ABUBUWAN DA KE KAWO ƁATAN WATA SUN HAƊA DA:

    1. Shayarwa
    2. Halin damuwa, ƙunci ko fargaba
    3. Rashin lafiya a yan tsakani.
    4. Bayar da gudunmawar jini
    5. Rashin zama guri guda.
    6. Rashin samun hutu, kamar a masu wasannin motsa jiki ko doguwar tafiyar ƙasa.
    7. Wasu lokuta ma har da shan wasu magunguna barkatai, walau na asibiti ko na gida.

    MENE NE YA KE TABBATAR DA CIKI?

    Ma’ana waɗanne alamu mace mai juna biyu za ta ji ta tabbatar ciki ne? Ga su nan a zayyane:

    A watan farko, mace za ta yi ɓatan wata, bayan ƴan satittuka, sai ta fara samun;

    • Tashin zuciya da sassafe, har da amai a wasu lokutan, koda kuwa ba ta ci komai ba.
    • Saurin gajiya, kasala, ko yaya ta yi wani ɗan aiki.
    • Ko Ganin jiri (dizziness) idan ta zo miƙewa bayan jimawa a zaune.
    • Yawan zubar da miyau, tare da jin sa yana yawan taruwa ga kuma kauri.
    • Zazzaɓi amma ba me zafi can ba, haka dai kurum za ta ji kamar ba ta da lafiya
    • Sai rashin son ƙamshin abu, koda turare ne a wasu lokuta. Tare dajin za6in wani abun daban wanda kafin a jima sai ta ji ta bar sha’awar wannan, ta fara sha’awar wani daban.

    BATUN GWAJIN JUNA BIYUN FA?

    A wane lokaci ne ake so a je a yi gwajin juna biyun in ana kokonton likita ?

    -Akan tabbatar ta hanyar auna fitsari ko jini.

    -Sannan sai ta scanning din hoton ciki, idan ma cikin ne, to ta hanyar hoton za a tabbatar, sannan a tantance shin a cikin mahaifa ya ke, yadda akeso ko wajen mahaifa wato [ectopic pregnancy].

    A watannin da ciki ya fara tsufa kuma wato yakai kamar wata uku (3). Akan ga alamu kamar haka:

    • Girman ciki ya fara bayyana.
    • Yawan jin fitsari ko zaryar yin fitsari, saboda abin da ke ciki ya fara danne marar fitsari.
    • A wasu lokutan akan samu ciwon baya.
    • Ciwon ƙirji wato zafin ƙahon zuci ko kwarnafi saboda ‘acid’ ɗin ciki na tasowa saman ƙirji.
    • Sai kuma a fara samun duhun fuska da fitowar zane a fatar ciki (stretch marks) da buɗewar hanci a wasu da kuma jin nauyi ko ciwon nonuwa.


    Ba dole ba ne kowace mace ta samu dukkan waɗannan alamun, amma fiye da rabin mata suna samun aƙalla rabin waɗannan alamun.

    Allah ka sauki dukkan masu ciki lafiya. Amin

    Danna koren rubutun nan domin karanta yadda ake amfani da na’urar gwajin ciki ko Yadda zaki kare kanki daga Ciwon Kumburi ɓangaren Mahaifar Mace (Pelvic Inflammation Disease (PID))

  • Ciwon Kumburi ɓangaren Mahaifar Mace (Pelvic Inflammation Disease (PID))

    Ciwon Kumburi ɓangaren Mahaifar Mace (Pelvic Inflammation Disease (PID))

    PID: wata cuta ce wacce ta ke addabar ɓangaren da ta shafi mahaifar mace, mutane da dama a Nahiyan Afirka suna fama da wannan ciwon.

    Wasu ƙwayoyin cututtuka né, idan sun samu sun shiga mahaifar mace (uterus, fallopian Tubs, ovaries ) sai su haifar da Cutan PID.

    Daga cikin alomaminta akwai:


    1- Ciwon ƙasan cibi (ciwon mara).
    2- fitar da ruwa mai wari a gaban mace.
    3- Ganin jini a gaban mace musamman lokacin jima’i da bayan jima’i.
    4- Zafi lokacin jima’i.
    5- Zazzaɓi da jin sanyi.
    6- Zafi lokacin fitsari ko wahalar fitsari.
    7- Ƙaiƙayin gaba.
    8- Rashin daidaitawar jinin haila.
    9- Tashin zuciya
    10- Ciwo lokacin jima’i
    11- Ciwon baya.

    Hanyoyin da ake ɗaukar wannan ciwon sun haɗa da:


    1- Jima’i da namiji mai ɗauke da cutar gonorrhea ko clymadia.
    2- Amfani da kayan karɓar haihuwa waɗanda ba su da tsafta.
    3- Yawan kai ɗan yatsa cikin farji.
    4- Amfani ni da wando (fant) wanda mai ɗauke da wannan cutar ta yi amfani da shi.
    5- Rashin amfani da condom lokacin jima’i.
    6- Yawan tsaftace gaba da sabulu musamman masu ɗauke da sinadaran kashe ƙwayoyin cuta.
    7- Yawan amfani da maganin kashe ƙwayoyin cuta irin su: Ampiclox da muka dabi’untu da shan su kullum.

    PID idan ba a magance shi da wuri ba, yana sabbaba waɗannan matsalolin kamar haka:


    1-Rashin haihuwa
    2-Zaman ciki wajen mahaifa(entopic pregnancy).
    3-Yakan kawo ɓari (abotion ko Miscarriage)
    4-Ciwon mara da baya mara jin magani.

    Hanyoyin kariya daga waɗannan cututtuka sun haɗa da:


    1- Amfani da Condom lokacin jima’i, yana rage yaɗuwar PID kashi 95%.
    2- Mace ta tsaya a kan namiji guda ɗaya, kuma a tabbata an yi gwaji kafin saduwa ko sun yi aure.
    3- A kiyaye yawan saka hannu a farji.
    4- A tsaftace wandon sakawa musamman pant, kuma a kiyaye amfani da pant na wata.
    5- A dinga tsaftace kayan karɓar haihuwa da kuma wanke ciki.

    Wannan ciwo na PID yana da magani idan aka bi hanyoyi masu kyau:

    1- Da Zarar mace ta ga alamun da muka lissafa a sama, ta gaggauta zuwa asibiti

    Daga nan likita zai yi gwaje-gwajen da ya kamata a yi, an tabbatar an gano matsalar, sannan a bada magani.

    2- Idan kina da miji shi ma, ya kamata ya je a gwada shi; a ba ku magani tare.

    3- Daga nan sai a ƙaurecewa jima’i sai likita ya tabbatar muku kun warke.

    GARGAƊI
    ⬇
    Idan mace tana tare da wannan cutar kuma ta yi shiru ta zauna saboda kunya ko makamancin haka, yakan jawo mata matsala a mahaifarta, daga nan za ta fara somawa da matsalar zubar da ciki (miscarriage) zaman ciki wajen mahaifa (Ectopic pregnancy) ko kuma rashin ɗaukar ciki gabaki ɗaya. karanta yadda jinin Haila yake ko Yadda ake gwajin juna biyu

    Lafiya Uwar Jiki.

  • Matsalar Fata Da Ke Ɓangaren Ido (CONJUNCTIVITIS)

    Matsalar Fata Da Ke Ɓangaren Ido (CONJUNCTIVITIS)

    Matsala ce da ke faruwa ga ido, wani lokacin tana shafar ido ɗaya; wani lokaci kuwa za ta shafi idanuwan, idan har ido ɗaya ya fara, to ɗayan shi ma nan take zai harbi ɗaya.

    Wannan ciwon ƙwayar viral infection ce ke kawo shi, wani lokacin kuwa “Bacterial infection”, ya danganta da yanayin ciwon. Kuma ciwon kan bayyana a cikin kwana biyu zuwa mako uku (days-3wks).

    ALAMOMI

    Wani lokacin za a ga alamomin wannan ciwon kamar haka:
    -Ƙaiƙayin ido
    -Kumburin ido
    -Canzawar ƙwayar idanuwa
    -Zubar ruwa
    -Rashin son hasken rana, ko wani kalar haske na daban,
    -Da sauran Alamomi.

    Wannan ciwon conjunctivis a kan iya ɗaukar sa ta waɗannan hanyoyi kamar haka:
    -Amfani da hankicif wanda mai wannan ciwon ke amfani da shi wurin shafe fuskarsa.
    -Ko kuma gaisuwa idan mai wannan ciwon ya shafi idanuwansa.
    -Da amfani da wasu hanyoyi marasa tsafta.

    SHAWARA

    -Tsaftace muhalli na da matuƙar muhimmanci ga lafiyar ɗan Adam
    -Hana yara zuwa makaranta idan sun kamu da wannan matsalar, domin gudun wasu su kamu
    -Amfani da maganin antimicrobial na mai ko na ɗigawa
    -Kawar da cutar ga yara musamman gonococcal_conjunctivitis
    Idan kuwa abin ya yi tsanani, to sai a yi gaggawar zuwa asibiti domin ganin likita kai tsaye.

    Domin karanta menene cutar Sikila danna koren rubutun