Category: Kiwon Lafiya

Mun samar da wannan ɓangaren ne domin koyar da ilimin yadda ake kula da lafiya a cikin harshen Hausa a sauƙaƙe. Za ku iya kai wa gare su ta hanyar amfani da kwamfutoci ko wayoyin hanu.

wikiHausa ta kowa ce. Kowa zai iya taimakawa da ilimi ko gyara. Bugu da ƙari, kowa na iya amfani da wannan kafa domin koya ko koyarwa.

Ciwon Ƙaba (Hernia) Da Yadda Za a Kare Kai Daga Hernia

Ciwon ƙaba, wani ciwo ne da ke faruwa saboda gajiyawa ko raunin jikin naman da ya rufe ciki(wato naman da yake

Ƙarkashin fatar da ta taso tun daga ƙahon zuci har zuwa mara), wadda kan sa tsagewar wani ɓangare na naman, hakan ke sa halittun jikin ɗan adam na ciki, kamar hanji ya fito ta wannan’yar kafar.

Abubuwan Da kan Kawo (ƙaba)

Abubuwan da ke kawo ciwon ƙaba sun kasu kashi biyu kamar haka:

1 Gado (Congenital): Ana gadon ciwon tun a ciki, sai jariri ya fito da ita ƙabar.

2 Wanda ake samu daga baya (Acquired): Wannan nau’i ne da ake kamuwa bayan an girma saboda raunin naman jiki, sanadiyar ƙiba sosai ko kuma tsananin aikin da zai wahalar da jiki kamar daukar abu mai nauyi,duk lokacin da wani bangare na naman jikin mutun ya samu gajiyawa sakamakon daukar nauyi, ko tari na tsawon lokaci, ko ma tsananin yunkuri lokacin ba haya, duk sukan sa naman ya rabu biyu, ta yadda wani sashe na ’ya’yan hanji zai biyo hanyar.

Domin karanta cikekken bayani akan Gyambon Ƙoda [Pyelonephritis] Shiga nan

Shan taba sigari ma kan sa mutun ya kamu da cutar saboda tsananin tari sanadiyyar ciwon huhu da sigari ke sa wa.

Hanyar Magance Ciwon

Hanyar magance ciwon: Hanya mafi inganci domin kawar da ciwon kaba shi ne fida, domin a gyara wannan wuri da yake rauni. Idan kuma aka ki zuwa a yi aikin, to ciwon ba ya mutuwa da kansa sai dai ya kara girma wani lokaci kuma ya rika zafi sosai, wanda hakan barazana ce ga rayuwar mutum.

Bayan aikin fida mutum zai ji rashin walwala da dan zafi na ’yan kwanaki, kafin ya fara jin sauki,hakan kan dauki sati daya zuwa shida kafin a ji garau,amma wadanda ke daukar nauyi ko aiki mai wahala, to za su dauki tsawon lokaci kafin su warke.

Domin karanta bayani akan Cututtuka Da Ake Dauka Ta Jima’i Danna nan

20/05/2024
Cututtuka Da Ake Dauka Ta Jima’i
Cututtuka Da Ake Dauka Ta Jima’i: Akwai cutuka da dama da ake dauka ta hanyar jima’i masu matukar lahanin gaske ga lafiya.

Ga kadan daga cikinsu

1 Gonorrhoea:Ciwon sanyine mai ta’adi wanda yakan kama mace ko namiji ta hanyar jima’i da wanda ke dauke da ƙwayar cutar,masu aure ko wadanda basu da aure.
- Tana da alamu kamar haka tana haifarda fitar farin ruwa ga al’aura,wani lokaci suna da wari kamar na danyen kifi.
- Tana sanya fesowar ƙuraje ga matse matsi ko a gaban mace,ga ƙaiƙayi ko yaushe hannu a cikin wando.
- Tana shanye ni’imar mata ya kasance mace bata da wani ni’ima na zamanta ‘ya mace.
- Tana zuƙe girma da kaifin takobin namiji,takobin mai gida zai kasance baya da kaifin yankan ko albasa balle nama.
- Tana janyowa mace ƙyama ga mijinta,Idan ba’a yi saurin maganceta ba kuma tana hana haihuwa(sterile)
- Tana tsinke maniyin namiji ya koma ruwa zalla(watery sperm fluid)
- tana sanya ciwon gabobin jiki da yawan ciwon kai,dama ƙugin ciki
2 CHLAMYDIA:Kamar ciwon sanyi yake amma ya banbanta kadan da sanyi kuma ƙwayar cutar dake kawo su ba iri daya bane.
- Yana haifarwa mace zubar fararen ruwa,watarana harda jini,da ƙaƙayi da zafin saduwa da kuma yayin fitsari,shima idan ba’a dauki mataki ba to yana hana haihuwa ga mace ko namiji (infertility)
Yana dakyau ku karanta dalili dake jawo karancin numfashi ga jarirai bayan an haifesu

3 Syphillis: Da hausa ana kiransa da suna tunjure,ya janyo ƙurajen gaba ga mace ko namiji,ko kuraje ga dubura,ko baki,tana shafuwar ƙwaƙwalwa da idanu da kunnuwa da zuciya

4 H.I.V/AIDS: Dan kasan ƙanjamau yana janyo rama,gudawa,ƙuraje a cikin baki,ƙuraje ga al’aura,ga kasala,tari da yawan rashin lafiya da makamantansu

5 HERPES SIMPLEX VIRUS: wato wasu ƙurajene zasu iya fitowa a wajaje daban daban kama daga cikin baki,ko akan lebɓa ko a cikin hanci ga al’aura ko maƙogwaro,suna da zafi kuma suna mata jin ciwo a yayin saduwa.

6 CANDIDA BALANTIS Wani ƙurji ne dake fitowa akan zakari ko kaciyar namiji ya girma,ya janyo zubar ruwa yayin fitsari da jin ciwo

Domin karanta Menene Yake Jawo Fitar Farin Ruwa Daga Gaban Mace,Wannene Na Cuta Wannene Na Lafiya Shiga nan
20/05/2024
Larurar Dannau [Sleep Paralysls] Da Yadda Za a Magance
Dannau wani yanayi ne da mutane kan samu kansu a halin bacci, yakan iya faruwa sau ɗaya ga wasu a rayuwa, yayin da wasu kuma kan riƙa fuskantar yanayin akai-akai. Yanayi ne mai kama da mutuwa duk da yakan kasance mutum na a cikin hayyacinsa farke sai dai sam yakan rasa ikon motsawa ko magana.

Wani lokacin ma yakan zamo idon mutum a buɗe zahiri duk da cikin bacci yake; abinda wasu kan kira da baccin zomo… to sai dai hakan duk bai sa mutanen dake kusa ko yake jin muryarsu fahimtar cewa yana cikin mawuyacin hali ko yana buƙatar ɗauki an maƙure shi. Shi yasa ga duk mai son fahimtar me ake nufi da firgici to dannau shi ne cikakken misalin firgici ko in ce ihunka banza domin ko ihun ka yi ba a ji, ba a san ma kana yi ba.

Alamomin Dannau

Mutane kan fuskanci ma bambantan alamu; Sai dai duk yana daga alamun dannau. Mutum ya ji kamar an nannaɗe shi cikin wani bargo mai nauyi, ko kamar an ɗaure hannuwa da kafafunsa a miƙe kamar gawa, wasu kuma su ji kamar an shaƙe su sun kasa numfashi, wasu kamar wani abu ya kakare musu a moƙogoro sun kasa shakar iska, wasu kan ji sun kasa magana, wasu kuma su a karan kansu sun ji suna maganar amma kuma babu wanda yake jin su, sukan kasa motsa komai nasu, wasu kan riƙa jin tamkar mutuwa ce ta kusanto su.

Me ke Haddasa Hakan

Ɗaya Daga Manyan Ababen Da Ke Haddasa Hakan Shi ne: Ƙarancin bacci, wato mutane masu fama da larurar rashin bacci, ko kuma waɗanda suke ƙin kwanciya su samarwa da jikinsu isashshen bacci, haka nan samun canjin lokutan bacci kai tsaye watakila saboda yanayin aiki ko tafiya zuwa wata ƙasa da lokaci ya bambanta sosai.

Haka nan shan wasu magunguna da ke aiki a ƙwaƙwalwa; kamar a mutane masu ciwon farfaɗiya, larurar halayya (personality disorders), ko kasancewa cikin tsananin halin matsi wato stress a ko da yaushe, ko larurar hawan jini, ko larurar damuwa wato depression duk suna iya haddasa dannau. Idan kanason karanta Alamomin Cancer Danna nan

Sai kuma halayyar kwanciya ta rigingine wato ta gadon baya fuska na kallon sama. Sai mutane masu shan ƙwayoyi ko magunguna masu sanya maye. Sai dai galibi mutane masu fuskantar ƙarancin bacci sun fi fuskantar wannan matsala sama da sau 10 fiye da saura daga nan sai masu kwanciya ta gadon baya fuska a sama.

Yaushe Dannau Ya Fi Faruwa

Ya fi zuwa da safe, ko dai gabannin asuba, ko masu irin komawa baccin nan bayan sun yi sallah asuba ƙarfe shida na safe ɗin nan. Hakan na faruwa ne walau a farkon bacci wato yayin farkon baccin wato sanda mutum ya kwanta ba tare da jimawa ba, idan yakan ga abun tamkar na faruwa ne a tunani ba zahiri ba, saboda sanda bacci ya fara ɗaukar ka ba ka sani sai dai ka ji ka shiga baccin kai tsaye amma in ya zamto ka fara bacci amma kana jin tafiyarka zuwa cikin baccin counsiciously to a lokacin za ka ji ka kasa magana ko motsi yadda dannau ke zuwa kenan.

Sai kuma ƙarshen bacci wato gab da farkowa, domin sanda bacci ya zo ƙarshe duk da idanuwanka suna rufe ƙwayar idonka ke fara farkawa wanda hakan zai sa idanuwan su riƙa kaɗawa sosai yayin da duk sauran jikinka yake a sake wato relaxed, a dai-dai wannan lokaci ne mafarki kowanne iri kan zo. Toh Idan ya zamto idanuwan sun farka process ɗin zai ci gaba da gangarowa tsokokin wuyanka, kafafuwanka zuwa hannayenka, gadon baya sannan ƙafafunka sai ka ji ka farko harda yin miƙa.

Domin karanta Abubuwa Da Ya Kamata Mace Ta Kiyaye Lokacin Al’ada Shiga nan

To amma idan bayan farkawar idanun jikinka ya cigaba da zamowa relaxed wato yai jinkirin farko saboda position ɗin da kake ko kuwa bacci bai isa ba wata larura ce ta farko da kai hakan ke haddasa dannau ka ji idonka biyu amma sauran jikinka ya ƙi farkowa.

Yadda Ake Magance Matsalar

Babu wani gwaji da likitoci ke yi domin gano dannau, sai dai ga wanda abun ya tsananta akai-akai ta kai ga har numfashinsa na ɗaukewa akan binkici mutum ko yana ɗauke da wata damuwa a ba shi magani da zai kau da ita ko shawarwari, ko magance hawan jinin ya zamto under control ko yaushe.
- Kyakkyawan shirin kwanciya wato ya zamto kaya ba masu nauyi ba a jika, sannan ai alwala inda hali ga maza ko mata ko da ana cikin haila, tare da addu’oi yayin kwanciya hakan nasa jiki samun nutsuwa da aminci ko da cikin halin tsoro ake.
- Ƙuracewa kwanciya ta rigingine,galibi wannan shi ne dalili ga mutanen dake kwance ta gadon baya fuska na kallon sama. Don haka ku kwanta a kowanne position amma banda rigingine, za ku ji kun dena da ikon Allah.
- Gyarawa tare da ɗorewa bisa tsarin bacci me kyau da zai sa kake samun baccin awa 6 zuwa 8 a rana ko a dare. Ko me kake in lokaci ya yi rufe wayar nan ko kuma ka saita ta automatic take rufe kanta.
- Tabbatar da ingantacciyar tsaftar gurin kwanciya, a ƙalla duk sati ake canza zanin gado da pillow case, ake sharewa tare da kakkabe gurin kwanciya kullum.
- Baccin rana musamman tsakanin karfe 1:30 zuwa 2:30 na rana in an sami lokaci, kar baccin rana yake wuce awa 1 da rabi… tare da ƙauracewa kwanciya bayan ƙarfe 3 na rana har zuwa magariba. Baccin yamma ba abu ne mai kyau ba sam, sai dai larura.
- Banda cin abinci mai nauyi ko motsa jiki ƙasa da awa 2 kafin lokacin kwanciya bacci.
- Banda amfani da electronic items su waya da sauransu awa 1 kafin kwanciya bacci, wasu ma’auratan ma kan sa wa kai dokar hana shiga ɗakin bacci da waya sam don a sami lokacin juna.
- Cikakken tsaftar baki, ake brush da kyau domin wasu bakinsu kan samar da miyau ɗin bacci wanda in suka kwanta a rigingine miyau ɗinne ke toshe kafar numfashinsu wanda wannan abun tsorone shi ne mutuwa ka iya zuwa in abun bai saki mutum akan kari ba. Muddin Aka Kiyaye Wannan Za a Dinga Ƙwana Lafiya
Menene Abun Yi Yayin Da Dannau Ke Afkuwa?

Galibi yana zuwa cikin hayyaci ga mutane suna iya tunani tare da komai kurum motsi ko magana ke gagarar mutum don haka abinda ya kamata ka yi yayin da ka ji wannan ɗaurin kazar kukun:
- A ranka kai salati ka sanar da ubangiji shi ne matakin farko.
- Kai ƙoƙarin amfani da tsokokin idanunka wato ka jaraba runtse idonka sosai ka rufe shi ka riƙa buɗewa a hankali kai ta maimaita haka.
- Idan kana iya numfashi to ka shaƙi iska deeply wato ka yi irin shaƙar iskar nan ba tare da ka tsaya fitar da ita ba har sai cikinka ya ɗago…. in kai haka ƙila sai dai ka ji kamar an yaye ma labule ka farko.
- Kana iya jaraba sanyawa ranka cewa ga shi nan kana ƙoƙarin motsa yatsun hannunka da na ƙafa, kai ta jaraba amfani da yatsun farko kafin sauran sassan jiki hannu, ƙafafu da sauransu.
- Idan ya kasance a cikin yanayin kana jin motsi ko muryar mutane ko kuwa wani ne ma da ka sani ka ji yana danneka a baccin to ka canza wannan abinda kake ji ɗin zuwa cewa wannan din fa da kake jin muryarsa ƙoƙari yake ya tasheka.
- A duk irin yanayin da ka sami kanka na dannau ka yi ƙoƙarin jin tunano wani abun muhimmi ka canza yanayin da shi har zuwa sanda za ka farko. Sannan ka zamo mai jaddada kalmar shahada ko Ayatul kursiyyu.
Zuwa Yanzu A Kimiyyance

Babu wani sananne wanda ya mutu dalilin dannau ko ya haɗu da wata illa, yanayi ne kurum da ke buƙatar haƙuri da kwantar da hankali mafi tsayin lokacin da za ka yi a haka bai wuce mintuna 3 sai dai tabbas akwai firgici, domin kana iya farkowa ka ji kana zufa ko zuciyarka na bugawa farfar. Sannan babu wani alamu dake nuna aljani ne gaskiya, saboda mutanen da kan camfa haka ko zargi ga aljanu ko mayu da sauransu. Kamar yadda kuka ji na ce DISRUPTION ne na REM SLEEP saboda ai wasu dukkan adduo’i suna yi kafin kwanciya amma za ka ga duk da haka suna fuskantar lamarin. Allah ya tsaremu.

Domin karanta bayani akan Toshewar Magudanar Jini Da Shanyewar Ɓarin Jiki Danna nan

Edita; Rumasa’u Muhammad Kallamu
20/05/2024
Toshewar Magudanar Jini Da Shanyewar Ɓarin Jiki
Ranar 29th ga kowanne wata na October rana ce da hukumomin lafiya na duniya suka ware domin tunasarwa tare da wayar da kan al’umma game da larurar toshewa gami da fashewar magudanan jini wato CEREBROVASCULAR DX ko kuwa ince “STROKE” yaren da kuka fi ganewa! wanda sanadiyyar hakan ke haifar da shanyewar ɓarin jiki wato PARALYSIS tare da mutuwa.

Akalla Sama Da Mutum Milyan 77 Na Fama Da Ita Ta yadda:
- Tafiya sai andawo ana koyama mutum ya zai yi.
- Abinci koda ansawa mutum abaki zaike suɓutowa yana ci yana zubarwa kasa, don baya iya rufe bakin.
- Fitsari ko bayan gida saidake aikin cirema wando tare da daurama, kashi ko saide a wanke ma,
- Magana sai an yi zaman koyawa mutum, domin in kayi ma ba fita take agane ba, sai ahankali masu zama dakai kadai ke iya fara gane maganarka domin komawa take kamar me magana da hanci,
- Stroke na iya sa ganin mutum a bangaren idanu ɗaya ya tafi. Haka shan ruwa na wahala mutum yaita ƙwarewa
- Yana Haddasa matsanancin ciwon kai wanda tunda mahaifiyarsa mutum ta haifesa zaice bai taɓa jin wani abu me tsanani irin sa ba a duniya,, domin kamar kan zai bindiga ya tarwatse haka zaice saiyasa wasu ke suma.
- Yana iya sa ka’ida jima’i shikenan kuma saide a lahira in ana yi,
- Yana haifar da cutar mantuwa
- Yana haddasa cutar damuwa da baƙinciki,
- Gadar da tsanar kai, domin yana maida mutum yadda shi kansa inya kalli kansa a madubi bazai so ya ƙara ba ganin yadda gefen fuskarsa ɗaya ya zazzaɓo ya kwafo, bakinsa ya muskuce ko muguɗe tare da sa dalalar miyau domin bakin bazai iya rufuwa,
- Yana sa tafiya dole saide da sanda a kaikaice tare da jan ƙafa,sannan ba sauri.
- Yana haddasa bugun zuciya
- Yana kashe mutumin cikin kankanin lokaci sai tarihi…
Stroke matsala ce babba me hatsarin gaske. Domin Inta faru to fa koda ka haure duk da waɗancan illolin galibi mutum bazai wuce shekaru 5 zuwa 8 ba araye zai mutu dalilin complication, baya ga akalla sai anhadawa mutum magani wajen kala 5 nasha dole-dole kullum inba haka ba bama shekara 5 ba wani ko sati 1 bazai ƙara ba zai mutu

Idan kanason sanin Dalilan Da Suke Sanya Mace Rashin Daukar Ciki Shiga nan

Allah su karanta wannan Rubutun nawa na Hausa baki ɗayan mu kaf zamu iya wayar gari da wannan matsalar harni. Duk tana bibiyar mu shiyasa ake son wayar dakai karki dauka sai wasu mutane daban, kuma gaba zakuji me yasa nace duk muna cikin hatsarin.

Anyi ittifaki dukkan mutum 1 cikin 4 zai haɗu da strokes,ma’ana duk inda mutum 4 suka taru Toh ka ɗauka ɗaya zai gamu da ita.

Abin tsoro ne, matsala ce da akalla sai manyanta amma ayanzu anfara samunta cikin matasa abinda da ake ga sai ka kai shekaru 50 baya a duniya, saide yanzu yan shekara 20 ma anfara samun CASES na stroke.

Manyan Alamu Hudu Na Strokes Da Za’ayi An Kare hakkin F. A. S. T

F: [Face] Wato da anga alamun jirkicewa ko saukowa ɓari guda na fuskar mutum, ko baki ya karkace…

A: [Arms] Wato idan kaga kuma mutum ya kasa ɗaga hannunsa,ko kuwa in anɗaga hannun yana dawowa ya faɗo batare da mutum ya iya ƙoƙarin rike hannun ɗage a iska ba, wato weakness…

S: [SPEECH] Aka ji magana ta canza, murya ba’a gane me yake faɗi, wato bakin ya fara karewa…

T: [TIME] To ai amfani da lokacin maza-maza a ɗauko mutumin da alamu ukun can na sama (F.A.S) suka bayyana zuwa asibiti da gaggawa. alamune ya sami stroke.

Mu sani duk jinkiri ɗaya ƙarin dagulewar al’amura ne ga wanda matsalar ta samu, haka gwargwadon saurin kaisa ga likita gwargwadon samun saukin taƙaituwar abubuwan da zasu gagaresane wato waɗancan illolin dana lissafo stroke na sawa.

Don haka sashin da abun ya faru irin aikin da wannan sashin ke yi za’a ga mutum na fuskantar matsala,domin ƙwaƙwalwa mutum ko ina aikinsa daban.

Waɗannan Sune Rukunan Mutanan Dake Cikin Hatsari Samun Stroke Y7

(1) Mutane masu ɗauke da hawan jinin da basa bashi kulawa data dace, musamman ace dama basa waiwayarsa ko kiyaye komi jira ake har sai randa mutum yaje asibiti akace jinin sa ya hau sannanne zai sha magani. Ka kuka da kanka domin hawan jini lalata ma magudanar jini yake saboda karfin pressure.

(2) Mutane masu dauke da ciwon suga, dole ku lura kubi likitocin ku sau da ƙafa,ciwon sugar koda ana shan magani fa sai ankara da lura domin shi aka ran kansa dama kara cushe magudanar jinin tare da lalata ciwon keyi.

(3) Mutanen da nauyinsu ya wuce ka’ida wato overweight wato BMI dinsu ya zana tsakanin 24-29.

(4) Mutane masu teɓa wato ƙiba (obese), wanda BMI dinsu yakai ko yama ketare 30.

(5) Mutanen da basa iya motsa jiki akalla na minti 15 sau 4 a sati. Komi sirantakarsu kuwa.

(6) Masu yawan ci,ko wanda zama ɗaya suke share abinci me tarin yawa

(7) Mutanen dake shan taba sigari da kuma masu zama a inda ake shanta a warin hayaƙin na zuwa musu suna shaƙa.

(8) Mutanen dake da kitse fiye da kima wato HIGH CHOLESTEROL ajika,anan basai me ƙiba ba, har sirara akwai wanda suke da bad cholesterol level, gwaji ne kurum zai tantance. saboda cin junk foods kuna bakar fata amma baku da abinci sai na turawa su da lemukan kwalba dana roba, gami da jan nama akaikai kamar zaki,ko zakanya… Toh mutum yai hankali da kanaa

(9) Masu larurar minshari,irin wanda har dauke wa numfashi su keyi a bacci yana dawowa.

(10) Mutane masu cuttukan zuciya iri-iri dake shan magani

(11) Kasancewar a family dinku antaɓa samun me matsalar stroke, paralysis din ko kuwa mahaifi,ko kuma tarin heart attack ko heart failure a family.

(12) Kasancewar ka baƙar fata ɗan africa… mun fi kowa hatsarinsa fiye da sauran al’umma yankuna duniya,kar ace bakar fata ki kalli kanki ke wai fair complexion ko bafulatana ki dauka banda ke a’a bakar fata africa baki daya tunda ba tsatson turawa kika fito ko larabawa ba.

(13) Kamuwa da cutar corona

(14) Inya kasancewar shekaru sunja mutum yaba 55yrs baya musamman inda hawan jini hakan karin kusancinsa ga matsalar ne.

(15) Kasancewar ka namiji domin yafi faruwa a maza fiye da mata saboda namiji baida estrogen ajika, baida nonuwa,baida mahaifa,baida kwayyen Ovary baya kuma daukar ciki, amma fa baya nuna Mata ba zasu hadu dashi ba, musamman in suna da ciwon sugar ko hawan jini suna cikin gagarumi hatsari

(16) Amfani da magungunan bada tazara haihuwa masu kunshe da estrogen wato musamman combination pills nasha.

Bayin Allah Inkuka duba haƙiƙa zakuga kusan kowa na cikin hatsari wannan matsala don haka cewa 1 cikin 4 ka. Iya haduwa da ita,in bamui wani abu ba hatsarin zai dawo 1 cikin 3, harma ya dawo 2 cikin 4.

Matakin Dauka Domin Kariya

Akwai hatsarurrukan (risk factors) wanda a zahiri ba abinda zamu iya yi akansu saide mubarwa Allah ikonsa domin bazamu iya canza su ba kamar:-

Kasancewa namiji,kasancewa baƙar fata,shekaru,da kuma tarihin matsalar a dangi,wannan ba abunda zamu iya yi akai saide fatan Allah yai mana da sauki.

Domin sanin abubuwan da suka Halatta Game da Mai Jinin Haila da na Biƙi Tare da Mazajensu Shiga nan

Toh kuma kwai wanda zamu iya yin wani abu akansu wato mu kiyaye kanmu, kamar:
- Sanya ido tare da shan maganin hawan jini kullum batare da ɗaga kafa ballantana wasa ba, domin so ake ya dena tashi bawai ka jira ya tashi kasha magani ba, sannan da yawa yana tashin yai mugun hawa baku sani ba koda kuwa cikin bacci jini na hawa, kuma babu alamun da zaka ji na ya hau.
- Maddin an lura da hawan jini ankarɓi larura yadda tazo mutum ya huta,iya kaci aita shan magani batare da wasa ba, za’a rayu lafiya,sannan ya zamto ana kiyaye abincin da likita ya hana ci. Ina shawartar duk me hawan jini yai kokari ya mallaki abin gwajin yake dubawa kullum a gida.
- Masu ciwon sugar suma su kiyayi wasa da magani,su sanya ido sosai,su kuma kiyaye abin ci da sha.Sannan suyi kokari su mallaki Glucometer suke duba sugar dinsu a gida akai akai
- Masu cutar minshari kuma kuke amfani da ventilation mask tare da zuwa ku nemi shawarwarin likita domin ku dama ahaka ma numfashinku ɗaukewa yake.
- Arika motsa jiki, wasu kuna ganin kamar likita baisan wahalar ba: kungani duk irin busy dina komi dare saina ware away a 2 na motsa jiki ranar Lahadi kurum ne bana yi.ballantana kai don haka ba uzuri,shyasa muma likitoci bama uzuri kan wannan.
- In angano mace na da hatsarin samun stroke a canza mata Maganin family planning daidai da ita
Daɗe sauran abubuwan da suka kamata, don haka a lura dakai.Babu me son ya zamewa ƴan uwansa kaya, domin tun ana ma saboda Allah tofa za agaji dakai inda daga sannan kunci zai fara bai baye mutum, haka na faruwa mutum zai iya kuma samun second stroke kila shikenan sai mutuwa.

Domin karanta bayani akan Larurar Gaggartowar Saurin Balaga (Precocious Puberty) Danna nan
20/05/2024
Likita Ina Neman Taimako Haɗe Da Shawara Game Da Matsalar Ƙanƙantar Azzakari [Micro Penis]
Wannan na daga tarin tambayoyin gami da ƙorafin da a ko yaushe nake samu daga wasu cikin maza na sha kau da kai garesu, tare da ɗan tsaga bayani kaɗan cikin wasu rubuce-rubuce na, amma dai a yanzu abin ya yi yawan da dole na fito na yi bayani a iya kan wannan matsalar kurum.

Haƙiƙa daga sanda mutum ya fara jin cewa an rage shi ta wannan ɓangaren to mataki ne da zai kai mutum ga rasa self confidence ɗinsa na namiji, yana kuma iya kai mutum ga damuwa da fargaba na ba gaira babu dalili wanda za su dabaibaye shi haka kurum.

Sai dai kaso sama da 80% na masu irin wannan tunanin azzakarinsu ya kai tsaikon da ake so wanda ya dace da halittar su, zubin su da halaiyarsu dai-dai da na kowa kurum kallon kitse suke wa rogo! Amma a zahiri ƙalau suke.

Azzakari na fara girma ne jikin namiji daga shekara 11 sannan ya kammala girmansa zuwa 18yrs daga nan ya cika girman sa, don haka galibi daga shekara 20 shi kenan kurum abinda ka ganka da shi shi ne abunda Allah ya ba ka na tsayi ba za ka ƙara ba, domin kamar tsayi ne, daga shekara 21 shi ma ka gama tsayin da duk za ka yi.

Kwata-kwata adadin masu fuskantar ƙanƙantar gaba a duniya wato Micro penis shi ne 0.015% cikin 100, wanda ke nuna kaso 99.85% duk azzakarinsu ya kai tsaiko sai de rashin godiyar Allah

Ina So Baki Ɗaya Ku sani

A jima’i, binkicen masana game da azzakari an tabbatar da:
- Mafi ƙanƙantar azzakari da in kana da shi shi ne za ka zargi kanka da matsalar ƙanƙantar gaba shi ne in ya gaza kai wa 3.6 inches kwatankwacin 9.16 centimeter sanda sha’awa ta kama mutum ya miƙe.
- Yayin da average wato tsayin da Allah a ƙallah kusan kowa inde ya kai toh babu zancen matsala shi ne: wanda yake (3.66 Inches wato 9.3centimeter) Idan an auna tsayin a sanda yake kwance wato flaccid kafin Erection, da kuma kai wa tsawon 5.16 inches wato 13.12cm centimeters a sanda ya mike…. Wato Erection yayin sha’awa.
Sharaɗin Kiyayewa

Kafin gwajin ya kamata kowa ya sani yanayin wheather musamman lokacin sanyi ko yanayin zafi a inda yake da na’urar sanyaya ɗaki (AC) suna da tasiri wajen sanya shi ya kuɗe ciki don haka yanayin ɗumi shi ne zai sa a sami awo me kyau.

Hakan tasa wasu kan ga gabansu ƙarami amma ba a nan abun yake ba domin galibi in ya miƙe su kansu suna ganinsa da girma musamman a masu masturbation saboda takurarku ce tasa fata ɓoye shi… don haka wannan normal ne babu buƙatar damuwa don ya kasance ƙarami amma in sha’awa ta taso kai achieving Erection ka gansa ya kai girman sa, ba ka da buƙatar ka dami kanka…

Kamar yadda nace lokuta musamman na sanyi azzakari yakan ɓoye kansa ciki saboda canjin temperature.

Ba Ƙasa Da Ido Ake A Kalli Azzakari Ba

Idan kana so ka gane tsayin azzakarinka ba wai yadda kake ganinsa da ido ba ne, a a ka bari sai ka fito wanka ko kuwa yanayi me kyau sai ka sami irin ƙaton Mirror ɗin nan wato madubi sai ka tsaya ka ɗora hannuwanka a ƙugunka kai poster a sannan ne za ka gane zahirin tsayin azzakarinka sanda ya zamto kansa na pointing din ƙasa.

A sannan ne in za ka auna sai ka sa ruler ɗinka ko tape ɗinka irin na awon teloli ka ɗora daga tushenta na gashin gabanka (BASE) zuwa ƙarshen penis glands ɗin wato wajen fitar fitsari (TIPS) sai ka ga numba nawa ka samu shi ne zai zamto tsayin azzakarinka

Kuma an fi son gwajin ne sanda azzakari yake a miƙe wato aka sami Erection fiye da in yana kwance in ka ga ya miƙe ya yi ƙasa da 9.1centimeter (cm) Toh sannan ne za ka ce kana da ƙanƙantar azzakari wanda kuma galibi ɗan Nigeria ya wuce hakan.

Idan Muka Duba Ƙididdigar Duniya Gaba Ɗaya

A kwai bayanai da shafin bayanai (WORLD DATA) suka fitar bisa survey da suka yi na jerin ƙasashen duniya tun daga ƙasar da mazajenta suka fi tsayin azzakari zuwa mafi ƙanƙanta, inda ƙasar ECUADOR ita ce ƙasar da mazajenta suka fi ko ina tsayin jela da murabba’in AVERAGE tsayin da yakai 17.61 centimeters, sai ƙasar CAMEROON, BOLIVIA da SUDAN matsayin na 2, na 3 da na huɗu, yayin da ƙasar CAMBODIA ita ce average na tsayin jelar ‘yan ƙasarta 10.04centimeter, yayin da ƙasar Nigeria ke matsayin ta 43 a duniya da mazajenta ke da AVERAGE na tsayin azzakari da ya kai 14.38cm centimeter. Wanda a hakan ma na san muna da mazaje masu yawa da azzakarinsu ya kai tsayin na wasu yan ƙasar Ecuador ɗin wato 17cm +

Sannan binkice ya nuna fiye da kaso 85% sun nuna gamsuwarsu da yadda duk azzakarin namiji yake matsayinsa na Average, in fact tsayin azzakari ba shi ne jima’i ba, iya sanin kalar mace da yadda za ka sarrafa ta ka tattabata Shi ne ke ba da gamsashhen jima’i, wasu magana a kunne yayin jima’i shi ke gamsar da su.

Don haka babu buƙatar ku je kuna kashe kanku, kuna sa kai a damuwa ba gaira babu dalili, ko ku yi ta shaye-shayen magungunan da ba za su amfane ku da komai ba.

Mu dai likitoci ba mu da wani magani da sunan na ƙara tsayin azzakari, ko surgery shi ma babu, sai dai a yi wanda za a katsewa mutum majanyen da ke riƙe da azzakarin a can tushensa wato ligament domin ta zazzago shi ne ma wasu suke samun abu me ɗan nauyi su ɗaura a kanta suna tafiya yana lilo wai duk don ta zazzago…

Haka ko advance surgery sai dai ya zamo cosmetic kurum ka ga ina lafiya a ce azzakari sai an saka masa roba da sunan implant an tsai da shi kullum a haka duk da ba kowa ma ake wa hakan ba sai wanda rashin tsayin ya amsa rashin tsayi.

Yana da kyau ku shiga nan domin karanta Dalilan Da Suke Sanya Mace Rashin Daukar Ciki

Fina Finan Batsa Da Maganganun Batsa Ba sa Komai Sai Lalata Tunani

Kamar yadda na sha faɗa sau tari kalle-kallene na fina-finan batsa ke jawowa, wanda kuma na faɗa muku duk wannan ba azzakarin gaskiya ba ne, hatta abunda za ku ga ana fitarwa matsayin maniyyi wallahi ba maniyyi ba ne artificial cream ne aka haɗa shi… Wanda yake turo shi da syringe yake amfani, ɓoye kansa yake bayan camera man. A ƙalla ka sami mutum 12 a cikin ɗakin da ake shooting na porn, shi yasa komai za ka ga perfect…

Yau zan tabbatar muku da hakan a link ɗin da na sa muku ƙarshen wannan post ɗin, zai kai ku YouTube ku ga yadda suke haɗa pornographic scene ɗin.

Sai kuma lalacewar tarbiya da ƙarancin kunya domin mata a yanzu su ne kan gaba wajen ƴaɗa batsa a ko ina, za kai takaici ka ga irin abunda ‘ƴa’ƴan mu, ƙannen mu ke videos a kai suna ɗorawa a YouTube da sunan koya jima’i don neman kuɗi, ko kuma ka ga an ƙirƙiri group a Facebook da WhatsApp ana mata zalla amma ɓarnar da suke kare ma ba zai ci ba.

A haka duk sai su zo su yi ta tattauna hatta abinda ke faruwa a shimfiɗa saboda rashin mutunci na wasu matan, ka ji abubuwan ƙarya da gaskiya wasu su ji kuma su hau kai su zauna, daga ranar ta fara ganin gazawar mijin ta, ko ta kalli porn ta ɗauka duk gaskiya ne, mijin ta da ba shi da kaza ko ba ya iya minti kaza suna jima’i ba lafiyar sa ƙalau ba.

Wani Abu Da Ba ku Sani Ba Shi ne

Shi fa farjin mace baki ɗayansa FLEXIBLE ne, babu wata mace wai ita dunduɓus kurum sai dai in infection gare ta, amma Allah ya tsara shi ne ya sa masa transitional epithelium da duk yadda namiji yake zai dai-dai da shi in ya sanya gabansa, kamar roba ne, yana talewa, ya tsuke, ko ɗame,

Average na zurfin farji wanda galibi bai wuce wa shi ne 10centimeter fiye 90% na mata haka suke, kai me average 14cm Ka gayan ina za ka shigar da ragowar 4cm ɗin cikin 10cm?

Ni’imar Allah sakamakon can gaba bakin mahaifa ne shi yasa ko da ka kai 17cm ɗin ma kana iya jin ka shige baki ɗaya domin hakan zai kusata tips din penis dinka ga bakin mahaifa shi yasa in da rabon ciki kana yin release shi kenan maniyyinka zai nemi hanya ya shige cikin mahaifar cikin sauki.

Wannan bayanin zai zamto mabuɗin idanu ya zamto a dena ruɗarku da porn ko zantukan shirme, lafiya ƙalau kuke, ku mance da masu karanta muku wani ya ake kwanciya… duk su ma a finafinan batsa suke kawo muku wanda duk ƙarya ne galibi ba abunda kuke gani ba ne.

Allah ya taimake mu, ya shirya mana zuri’a baki ɗaya amin.

Domin karanta Me yasa Mata Ke Ganin Farin Ruwa Yana Fitowa Kafin Ko Bayan Sanin Period Din Su? Danna nan
20/05/2024
Meyasa Mata Ke Ganin Farin Ruwa Yana Fitowa Kafin Ko Bayan Sanin Period Din Su?
Akwai Matsala Ne Tattare Da Hakan?
- Normally mafi yawan mata suna samun fitowar farin ruwa a gabansu throughout menstrual cycle dinsu.
- Akalla mata dayawa suna ganin farin ruwa mai kauri ko salala, mara launi yana fito musu a kowace rana, adadin daya kai kimanin cikin cokalin shayi. Launin ruwan yana iya sauyawa daga farin madara, zuwa farin ruwa, ko kuma baki baki (brown).
- Banbancin launin ruwan ko kaurin sa yana da allaqa ne da hormonal changes na jikin ta a lokacin da yake fitowa.
- Wannan fitan farin ruwa da mace take gani ta gaban ta kafin period dinta normal ne, babu matsala tattare da hakan. Process ne da ake kira “Leukorrhea” Wani lokacin yana iya kasance wa yellow
- Hakan yana faruwa ne sbd yawan hormones “progesterone” dayake taruwa ajikin ta. A wannan gaban ana kiran yanayin da “luteal phase”
- Wannan hormones kamar su”progesterone” “oestrogen” “androgen” etc sauyin yanayin sune ajikin ta shike sawa tayi ta ganin “vaginal discharge” yana fito mata.
- Idan “estrogen” ne sukayi yawa ajikin ta a lokacin sai ruwan ya kasance fari fari, mai yauki kuma ruwa ruwa.
- Idan kuma “progesterone” ne sukayi yawa ajikin ta sai ruwan ya kasance farin madara kuma mai kauri kauri.
- Koma ya launin ruwan ya kasance, fari ne, ruwa ruwa ne, madara madara ne, yana da kauri ko akasin haka, muddin baya wari ko ƙarni, gaban mace baya zafi, ƙaiƙayi ko radadi, to wannan normal ne.
- Aikin sa (ruwan) shine yayi flushing duk wani dattin vagina, wasu harmful germs, da kuma ya sa vagina ta zama moist all the time.Hakan yana nuna alamar the vagina and the reproductive system is healthy and functional.
Wane Lokotan Ne Zaki Tsammanci Ganin Farin Ruwa A Gabanki Idan Kingani Ba Damuwa Bane
- Normally mata suna iya samun bushewar gaba kamar na kwana 3 zuwa 4 kowane bayan yankewar period dinsu. bayan wannan kwanakin, farin ruwa mai danqo yakan sake bullowa wanda zayyi kamar kwana 4 zuwa 5 kafin ovulation, alama shi ta eggs sun fara developing. ana kiran shi da “follicular phase” that means a lokacin ne “eggs” (for ovulation) suke kokarin girma.
- Idan kuma lokacin ovulation yayi, ruwan se ya canza daga mai danƙo zuwa fari mai yauƙi kuma mara kauri (salala) haka a wannan lokacin yana kara yawa sosai fiye da na kullum a da. Shi kuma ana kiran shi “egg white”.Aikin sa shine ya taimaka wajen santsin sperm a vagina da cervix domin ya samu damar isowa kwai da yake jiransa for ovulation.
- Sannan mata dayawa suna amfani da ganin wannan ruwan a matsayin alama ta ovulation dinsu, hakan yana taimaka musu wajen samun ciki da wuri ko kuma kaura cewa yin cikin. Wannan process din shi ake kira da “natural family planning” ko “fertility awareness method”.
1. Idan ruwa ruwan ya kasance mara kauri (salala) to ana kyautata zaton shine “fertile” (i.e ciki zai iya shiga kenan in ƙwan ya samu sperm). Saboda a lokacin kwan zai sauka zaman jira.

2. Idan kuma ruwa ruwan ya kasance fari mai kauri to shi kuma shine “infertile” (wanda ko an sadu ciki bazai shiga ba) saboda ƙwan har ya riƙa, karfin sa ya kare, yanzu sedai ya harziƙa, sa facewa.
- To irin wannan ruwa ruwan mai kauri zaki cigaba da gani daga bayan ovulation har zuwa wani period din.
- Daga bayan ovulation din zuwa wani period din, yawan fitowar ruwan zai na raguwa a hankali, yana zamowa mai kauri kuma mai danƙo again, wani lokaci har zaki iya jinsa kamar wata gum ko glue.
- On average dai, yana kaiwa irin kwana 11 zuwa 14. That is tsakanin ovulation dinki zuwa wani period dinki kenan.
- Wasu lokuta kina iya ganinsa yellow haka kafin period dinkin.
- Idan mace taga wani irin brown discharge a bayan period dinta kuma, bayan jinin ya dauke, se ta sake ganin wani baki baki haka brown ya zo mata, to shi din yana kasance wa tsohuwan jini ne daya daskare bai samu damar fitowa ba last time. shine yanzu yake kamo hanya.
- Idan kuma brown discharge din kafin period ne fa? Ko kuma taga jinin Dan digo digo haka a lokacin da take tsammanin period dinta, to shi kuma yana iya kasance wa sign ne na “implantation” daga farko farkon pregnancy. maza sai kiyi kokari kije pregnancy test domin a tabbatar da hakan ko akasin hakan. (In kin samu congratulations)
Sako Daga Asibitin Kwararru Na Jami’ar Legas (LUTH). Ga Wadanda Suke Shekaru 18 Ko Sama. Wadanda Suka Balaga.

Kafin nan yana dakyau ku shiga nan ku karanta Dalilan Da Suke Sanya Mace Rashin Daukar Ciki

Ya kamata ka bar matar ka ta san wannan, wannan jan hankali ne daga masu kiwan lafiya, (LUTH) zuwa ga duka mata, kama da yara, ƴan mata: wannan shine ciwon daji na gaban ‘ya mace. A gujewa wanke gaba da sabulu, a wanke kawai ba ruwa kawai akwai wani sabulu mai hatsarin gaske wanda ke jawo ciwon daji na gaban ‘ya mace, akwai rahotanni da yawa a asibitoci a ko ina. Akwai bukatar mu sanar da sauran yan uwa da abokan arziki.

Yan mata 56 ne suka mutu saboda amfani da whisper, a kiyaye.

Kada ayi amfani da Kunzugu (pad) daya a rana a lokacin al’ada, saboda akwai wasu sinadarai wadanda ke maida ruwa zuwa wani sinadari (Gel), yana kawo ciwon daji a mara da mahaifa. dan haka sai ayi amfani da Kunzugu na a’uduga, idan za’ayi amfani dana zamani sai a canza shi duk bayan awanni 5 a rana akalla. Idan ya dade jinin yana komawa kore sai hunhunar da yayi ya shiga cikin jiki da mahaifa.

Kada aji kunyar yaɗa wannan ga ƴan mata da maza domin su ma su tura ma kannen su.

Buri:

A kawar da ciwon daji na mama ki sabar da dan ki wanke rigar mama kullum,Kauce ma bakar rigar mama a lokacin zafi,kada a sanya rigar mama lokacin bacci,kada a sanya wata rigar kasa da rigar mama a lokutta da yawa,ki kulle kirjin ki a koda yaushe in kina cikin rana.

ayi amfani da turaren hana wanri ba wanda zai hana zufa ba.

Domin karanta bayani game da Malaria Danna nan
20/05/2024
Malaria
Malaria: Wannan wani rashin lafiya ne da ake samunsa ta sanadiyyar cizon macen sauro, wadda take sakawa mutum kwayoyin cuta a cikin jini.

A na samun cutar ne a sanadiyar ƙwayoyin cutar da macen sauro ke zubawa mutum acikin jin

ƙwayoyin Cutar Da Suke Kawo Malaria:
- P falciparum
- P Vivax
- P ovale
- P malarias
- P knowlesi
Amma amfi samun p falciparum a Nigeria shi yasa mafi yawan magani da ake amfanida shi na malaria a Nigeria ACT ne.

Ga Wasu Daga Cikin Alamum Malaria:
- Zazzabi
- Ciwon kai
- Tashin zuciya
- Amai
- Gudawa
- Ciwon jiki
- Atini
- Dachin baki
- Rashin cin abinci
- Rashin ƙarfin jiki.
- Kasala
- Mutum yaji ya rasa abinda yake masa dadi.
Ga Wasu Daga Cikin Mutane Idan Malaria Takamasu Rayuwarsu Take Cikin Hatsare:
- Mace mai ciki
- Yara ƙanana
- Masu cutan sickler
Malaria A Mace Mai Ciki Yakan Kawo Mata:
- Haifan macaccen jariri
- Yakan zubar mata da ciki.
- Yakan kawo haihuwar bakwaini .
- Yakan kashe uwar da yaron gabaki daya.
Ya’ake Gane Mutum Yana Dauke Da Ƙwayar Cutar Malaria:

Ana gane malaria ne ta hanyoyi guda biyu wanda dukkansu jini ake gwadawa

sune:
- RDTs malaria test
- Microcopy malaria test
Matsalolin Da Malaria Yake Kawowa (Complication of malaria)
- Rashin jini a jiki
- Matsalar ƙwaƙwalwa
- matsalar ciwon zuciya
- Matsalar huhu da oda
- Kumburi ko fashewar spleen .
- Yana saukan da suga (Hypoglycemia)
Hayoyin Kariya Daga Kamuwa Da Cutar Malaria:

SPAQ (sulfadoxine-pyrimethamine + amodiaquine) wannan wani maganine wanda ake bawa yara ƙanana masu watanni 3 zuwa 59 domin kariya daga cutar malaria.

ƙungiyoyin lafiya ta cikin gida da ta dubiya sun dauki nauyin bada wannan maganin kyauta a Najeriya duba da yanayin yadda rayuwar yara kanana take shiga hatsari idan suka kamu da malaria. Domin sanin Mene Ne Zazzaɓin Cizon Sauro (Malaria) Shiga nan

Ana bada maganin lokocin da ruwa yafara sauka wato tsakanin July da October domin shine lokocin akafi samun ciwon malaria.

Note:
- Yaro mai zazzabi ba’a bashi
- Yaron da yasha septrin ba’a bashi
- ba’a hadashi da ko wane irin maganin malaria.
Fansider (sulfadoxine-pyrimethamine) shi ma wani maganine wanda ake bawa mata masu juna domin kariya daga cutar Malaria.

Ana bada maganin ne da zarar mace cikin ta yakai watanni hudu (16weeks), sannan abada 2nd dose a 20 – 22 weeks sannan a bada 3rd dose a 26 weeks (akalla ana so a samu tazarar sati 4 a tsakanin ko wace dose).

Akwai sauran magunguna da ake amfani da sui domin kariya daga malaria

Kamar Su:
- Proguanil
- Doxycycline
- Daraprim
Sauran Hanyoyin Sun Hada Da:
- Shiga gidan sauro.
- Daina barin ciyawa cikin gida .
- kiyaye tsabtar muhalli da ta bayan gida dan kada sauro su samu wurin zama.
- Kwashe shara akai-akai kada abari tata ru a gida.
Maganin Zazzabin Cizon Sauro:

Maganin zazzabin cizon sauro shine duk sanda aka ji rashin lafiya a ziyarci asibity domin a tabbatar daganan likita yabada magani .

Idan Naji Zazzabi Zan Iya Shan Coartem?

A,a baza kasha ba sabida shan magani barkatai yana da illa , kuma an hana shan maganin malaria batare da an aunaka an tabbatar kanada malarian ba.

Mafita shine idan kaji wayennan alamomi kaje asibity mafi kusa da kai domin ba malaria kadai bane yake kawo wadannan alamomin ba

Domin karanta bayani akan Kansar Bakin Mahaifa Danna nan
20/05/2024
Kansar Bakin Mahaifa
Babu takamemen abinda yake kawo ta, sai dai hatsarin kamuwa da ita yana ƙaruwa ga wasu matan kama haka:
- Macen da aka fara saduwa da ita tun tana da ƙananan shekaru
- Mace mai saduwa da maza da yawa
- Mace mai ciwon sanyi
- Matan da wata a dangin aka samu mai irin cutar (Mahaifiya ko ‘yar uwa)
- Mace mai ciwon HIV
- Mace mai shan taba.
- Alalmominta
(1) Fitar jini daga farji
- Bayan saduwa
- Bayan mace ta tsufa ta daina al’ada
- Tsakanin al’ada zuwa wata
(2) Fitar ruwa daga farji mai yawa da wari sosai wani lokacin haɗe da jini.

(3) Ciwon mara

(4) Wani lokacin yakan zo da yoyyon fitsari ko bahaya ta cikin farji.

Samun wannan alamu ba ya nufin mace na da wannan cuta ba, sai gwajin likita ya tabbatar, saboda akwai wasu cutukan da kan iya zuwa da haka

Domin karanta bayani a kan Ƙurajan Pimples Danna nan
20/05/2024
Ƙurajan Pimples
Kurajen fuska na pimples matsala ce da ta addabi matasa Mata da maza musamman masu kananan shekaru wadan da suka fara balaga sabida samun canji daga sinadaran hormones.

Duk da kurajen fuska suna Kama Mata da maza , amma mata sunfi damuwa sabida za kaga har liƙab suke sanyawa a fuskokin su saboda kar aga ta’adin da kurajen suka yi musu a fuska. Domin karanta Bayani Mai Mahimmanci Zuwa Ga Mata Akan {Ovulation} Shiga nan

Kurajen pimples ba a fuska kadai take fita ba suna fita a wadannan wuraren:
- Kirji
- gadon baya
- Cinya
- wuya
Abubuwan Da Suke Taimakawa Wajen Tunzura Ƙurajen Fuska:
- Yawan cin abu mai maiko.
- Amfani da mayukan da basu dace da fatar jiki ba
- Kwayoyin cuta
- Shiga rana sosai
- Wasu magunguna
Abinda Ya Kamata Ayi Domin Kariyar Yawaitar Ƙurajen Fuska Da Samun Waraka Sune:
- A rage amfani da abinci masu maiko dayawa.
- Idan kuraje suka fito kada a yawaita tabawa.
- Idan zakai daga waya kada ka daura wayar a fuskar ka kusada kurajen.
- A samu ruwan dumi a matsa lemon tsami a wanke fuska da shi a kalla so biyu a rana.
- Idan kurajen a kirji ko baya kada ayi amfani da matsesen kaya sabida samun iska.
- Za’a iya shafa zuma bayan dan mintuna a wanke da ruwan dumi.
Idan wadannan hanyoyin basuyi amfani ba a tuntubi ma’aikacin lafiya domin akwai magunguna da dama masu kashe kurajen pimples.

Domin karanta Ciwon Ciki (Stomach Pain) Da Yadda Za A Magancesa Danna nan
20/05/2024
Ciwon Ciki (Stomach Pain) Da Yadda Za A Maganc Shi

Kowane mutum na da ciki, wanda a kusan kowane lokaci mutum kan samu ciwon ciki da ke da nau’i daban-daban. Akwai wasu nau’in ciwon ciki da idan mutum yana jin su to lallai ya hanzarta ganin likita, domin kuwa wannan suna nuni da cewar akwai matsala da kan iya haifar da matsalololi.

Masana sun gudanar da wani bincike a kan jerin alamu na ciwon ciki da ke da matuƙar hatsari ga rayuwar ɗan Adam. Suka ce idan mutum yana yawan jin ƙunar zuciya, kamar zuciyar mutum daga tsakiya tana zafi, musamman idan mutum ya gama cin abinci, to lallai wannan idan ya ɗauki lokaci mutum na samun haka to ya garzaya asibiti mafi kusa da shi.

Idan kuma cibiyar mutum na yawan ciwo, ko da kuwa mutum ya ci abinci ko kuwa, haka idan mutum yana samun ƙunar ciki idan yaci abinci mai zafi ko mai yaji to hakan kan iya zama wata cuta da shan wasu maguguna ba zai magance ba, akwai buƙatar mutum ya ga likita don ya duba ya ga abun da ke damun mutum.

Haka ma idan mutum kan samu ciwon gefen ciki a kai-a kai to shi ma yana da buƙatar ganin likita, domin kuwa ana iya dace da hanjin mutum sun sauka daga kan layin da ya kamata, shi yasa mutum ke samun ciwon. Sai kuma wasu lokuta mutane kan zauna da cutar nan da ke kira dattin ciki, idan kuma ba a gaggauta aiki don cire ta ba, to tana iya haifar da wasu matsaloli da dama a cikin cikin mutum.

Domin karanta Larurar Sanyin Gaba (Genital Infaction) shiga nan

Menene Ƙurajan Al’aura Da Yadda Za A Magance Su

Ƙurajen al’aura wani irin cuta ko matsala da ke addabar fatar al’aurar ɗan Adam mace ko namiji. Kamar yadda kuka sani ne kalar ƙuraje ja ne, sannan wata sa’a ya kan haɗa da yi wa mutum zafi ko ka ƙaiƙayi tare da ɗan kumbura a daidai inda ya fitowa mutum. Idan mutum ya kamu da duk wani cutar ƙuraje wanda bai san da irinsa ba, ya yi ƙoƙari ya garzaya zuwa wurin likita domin ya duba lafiyarsa.

Abubuwa Da Ke Janyo Kurajen Azzakari Ko Al’aura

Abubuwa da dama kan janyowa mutum ƙurajen al’aura/azzakari daga cututtuka da ake kamuwa da su musamman a banɗaki, waɗannan cututtukan a kan kamu da su ta hanyar jima’i ko kuma ta matsalar rashin isasshen ƙarfin sinadarin kariya a jikin bil-adama wato autoimmune disorders. Ga kaɗan daga cikin Abubuwa Da Ke Janyo Kurajen Al’aura:

Cutar Kaiƙayin Al’aurar mace (VAGINAL Yeast Infection):

Irin wannan ƙurajen yakan addabi mata ne a al’aurar su musamman idan suna da wata matsalar infection, yana sa ƙaiƙayi, a kan fata ya yi ja, yakan sa fatar gaba ya kwaye sannan yakan sa mace ta rinƙa fitar da wani irin farin ruwa a gabanta.

Cutar Molluscum Contagiosum:

Wannan cutar yakan addabi fatar mutum, ƙurajen kan fito ƙananun zagayayyun kuraje a al’uarar ɗan Adam. Wani lokacin sukan yi ƙaiƙayi sannan kuma ta yi wa mutum zafi.

Cutar Balantis:

Wannan yakan fito a fatar al’aurar ɗan Adam ko a bisa kan alƙalamin azzakirin, Abun da yakan kawo irin wannan cutar shi ne rashin tsabta. Yana kawo ƙaiƙayi, yakan sa fatar wurin ya yi ja tare da saka al’aura ta fidda wani irin farin ruwa.

Domin karanta Larurar Gaggautowar Saurin Balaga (Precocious Puberty) Danna nan

20/05/2024