WikiHausa

Category: Kiwon Lafiya

Mun samar da wannan ɓangaren ne domin koyar da ilimin yadda ake kula da lafiya a cikin harshen Hausa a sauƙaƙe. Za ku iya kai wa gare su ta hanyar amfani da kwamfutoci ko wayoyin hanu.

wikiHausa ta kowa ce. Kowa zai iya taimakawa da ilimi ko gyara. Bugu da ƙari, kowa na iya amfani da wannan kafa domin koya ko koyarwa.

  • Amfanin Shan Ruwa Da Safiya Kafin A ci Komai

    Amfanin Shan Ruwa Da Safiya Kafin A ci Komai

    Shan ruwa da zarar an tashi da safe yana da matuƙar amfani ga lafiyar ɗan Adam, masana fannin kimiyya sun yi bincike akan hakan, masu bibiyar mu a wannan gida mai albarka sai ku biyo ni sannu a hankali don jin amfaninsa.

     Yana Maganin:

    • Ciwon kai
    • Ciwon jiki
    • Daidaita tsarin bugun zuciya
    • Amosanin gaɓɓai
    • Farfaɗiya 
    • Daidaita jikin da yawuce kima
    • Asma
    • Ciwon ƙoda
    • Cutukan dake cikin fitsari
    • Ciwon suga

     Kaɗan daga ciki kenan.

    Domin karanta bayani akan Wari Ko Hamamin Baki {Mouth Odour} Danna nan 

    Edita; Rumasa’u Muhammad Kallamu

  • Wari Ko Hamanin Baki {Mouth Odour}

    Wari Ko Hamanin Baki {Mouth Odour}

    Warin baki abu ne me wuyar faɗi ga aboki ko wani da ake jin nauyinsa,toh saide dole akwana atashi mutum zaisan yana dashi,kwai lokutan da dole akan ɗanji baki ya canza wanda canjin ka iya zama normal musamman in ana axumi ko anjima ba’a sa komi a baki ba,

    Toh saide in warin ya zamto koda yaushe akai-akai da har yakai yana hana mutum sakewa toh mahimmin abu shine ai kokarin gano abinda ke haddasa hakan tukun amagancesa domin ta haka ne za’a iya raba kai da matsalar.

    Wasu lokutan ba rashin brush bane ko rashin tsafta bane kurum kamar yadda mutane kan ɗauka,kwai abubuwa da dama akarkashin hakan wanda suka ƙunshi:

    • Daɗɗiyar cutar ulcer,in mutum ya jima dauke da ulcer batare da maganceta ba, hakan nasa warin baki ko numfashi wanda ke tasowa daga can cikin uwar hanji tunda gyambo ne dama
    • Shyasa akan kirata da gyambon ciki tunda ko gyambon dake waje yakanyi wari ballantana na can cikin ciki da iska bata ratsawa… sakamakon kwayar cutar dake haddasa ulcer ɗin heliko bakta failorus dakesa gyambon ya kume. 
    • Haka nan toshewar kafafofin salivary gland wato bututun sashin dake samar da miyau abaki sakamakon tsakuwa data toshesa ta “salivary stones” hakan yana sa warin baki sosai kuwa
    • Haka ma samuwar tsakuwoyin tonsils wato tonsils stones dake faruwa sanadiyyar abincin dakan makale abaki da hakoran mu bayan gama cin abinci,inda a hankali yakan haɗu da kwayoyin cutar bacteria a bakin ya haddasa wannan tsakuwar dake haddasa warin bakin mara daɗi wanda har numfashi haka za’a ji yana ɗoyi.
    • Haka ma matsalar shigar kwayoyin cuta ramuka ko kogunan ƙashin fuska (sinuses) dake ƙasan hanci su haddasa “sinusitis” wato rauni agun, kaji harta hanci ko tusonon mutum wari yake gami da ciwon kai ko ciwon fuska. 
    • Haka yanayin abincin da mutum ke ci akai akai irinsu albasa ko tafarnuwa batare da tsafyar baki me kyau ba. 
    • Ɗabi’ar shan ababen zaƙi kamar tea empty ko yaushe,chocolates,candy,coke da lemukan gwangwani dana roba,duk in baki ba’a tsaftace sa dakyau tare da amfani da “tongue scrapper” ana karce saman harshen a wankesa bayan anyi brush to ana iya wayar gari da warin baki akwana a tashi. 
    • Ko kuma idan mutum nada kogon haƙori sakamakon abincin dakan shiga ciki ya maƙale nan ma yana iya haddasa warin baki
    • Haka zalika rashin iya wanke baki koda ana yi kullum,shima brush din iyawa ne,don haka in ba a sa kuce ko ina da kyau ana iya wayar gari da matsalar.
    • Haka ma idan mutum na kwanciya bacci batare da wanke baki ba bayan yaci wani abu komi kankantarsa koda kuwa biscuits ne kada araina,wannan bama warin baki ba hatta miyawun bacci na daga abinda ke kawosa wato kwanciya batare da cikakken tsaftar baki ba.
    Matakan Ɗauka
    • Idan tsakuwoyin stones ne dole sai an huda an ciresu,saidai wannan aikin likita ne domin ba ganinsu ake ba ido da ido shine yasan mazauninsu a bakin,warin bakinsu yafi hamami in sune kamar an bude irin tukunyar gas dinnan haka zakaji bakin mutum yayi
    • Idan rashin yin brush da kyau ne toh ya dace agyara a kuma ke samun abu ana sakace tsakanin hakora.
    • Idan hakori me kogo mutum garesa yaje a wanke acike kogon ko a cire hakorin in bazai ciku ba,shikenan an rabu
    • Haka zalika in wani abu mutum yake ci toh sai ya kaurace masa musamman lokacin  kwanciya bacci,karka ci komi awa 2 kafin yin bacci inba ruwa ba.
    • Wanke baki da ruwan sinadarin hydrogen peroxide irin wanda ake siyarwa don wankin ciwo,bayan an  tsiyaya an ɗan ƙara masa ruwa kaɗan an kashe zafinsa sai ai amfani dashi ya zamto ana kurkure baki dashi sau 2 ko 3 ayini,yakan taimaka wajen rage matsalar idan har dalilin kwayoyin cuta ne
    • Tauna kanumfari kamar ƙwaya 3 yana sa aji saukin abin musamman wanda hakan ke hanasu more jima’i,in wajen jima’i ne kuma ana son kiss da sauransu toh ai amfani da kanumfarin a tauna kafin afara artabun yana dauke warin baki nan take har kuyi artabun ku ku gama 
    • Ko kuma tafasa kanumfarin kwaya 7 ko sama haka da a wadace da ruwa daidai misali arika kurkure baki da ruwan ana zubarwa a hankali,ake yi safe da yamma zuwa wani dan lokaci,musamman ace ana ƙarawa da gishiri acikin ruwan kanumfarin zaifi aiki, ana iya ake kurkurawa sau uku ayini basai iya sau biyu ba,ya danganta da tsananin warin da ake ji. 
    • In ulcer ce ai maganinta itama,sannan ake brush kullum kafin a kwanta.
    • Haka in “sinusitis” ne da hatta mutum shi kansa yana jin inya buso iskar hancinsa ya shaka tana warin ga ciwon kai toh shima yaje ga likita abashi magani a asibiti a warkar da abin.
    • Ko amfani da apple cider vinegar wajen kurkure baki safe da yamma inba kanumfari duk yakan taimaka.
    • Hakama amfani man olive azuba arika kurkurawa tsawon minti 20 a baki kafin a zubar,hakan ajere akai-akai zai tallafa
    • Hakama amfani da baking soda wajen wanke baki safe da yamma ko duk bayan sanda aka gama cin abinci a madadin amfani da makilin
    • Sai canza brush akai akai kada yake wuce wata 3 ana amfani da brush guda.
    • Koyon halayyar zuwa arika wankin hakora a clinics na dentist duk bayan wata 6 kimanin sau 2 a shekara zai taimaka,har lafiyar idanu da kunne saita ƙaru,basai me ciwon hakori ba wannan,zuwa flossing abu ne da akeso ga kowa. 

    Domin karanta Contraceptive Implants: Ana Kiranta Ashanar Fata Da Hausa Wannan Wata Hanya Ce Da Ake Dasa Wani Roba Ƙarami A Hanun Mace Danna nan 

  • Contraceptive Implants : Ana Kiranta Ashanar Fata Da Hausa Wannan Wata Hanya Ce Da Ake Dasa Wani Roba Ƙarami A Hanun Mace

    Contraceptive Implants : Ana Kiranta Ashanar Fata Da Hausa Wannan Wata Hanya Ce Da Ake Dasa Wani Roba Ƙarami A Hanun Mace

    Shi wannan roba zai rika fidda wani hormone da ake kira da suna progestin a cikin jini ne da zai hana mace daukan ciki,yana iya zama a jikin mace har na tsawon shekara 3,amma ana iya cire shi duk lokacin da ake bukata a asibiti. 

    Ashanar fatan yana sake sinadarin Progestin a hankali,sinadarin zai sa kofar mahaifa (cervix) ta yi kauri da majinan gamsai domin hana maniyin namiji haduwa da kwan mace wannan sinadarin kuma na hana fitowar kwan mace.

    Wadan Da Bai Kamata Suyi Amafani  Da Implants Ba:
    • Idan mace tana fuskantar ko fama da zubar da Jini daga farji ba tare da sanin dalilin sa ba.
    •  Idan mace tana da alamar cutar dajin nono ko kuma akwai tarihin masu cutar dajin nono a cikin zuriyar su.
    • Idan mace tana shan maganin farfadiya ko maganin TB kaman rifampicin,sabida maganin zai iya rage ingancin aikin implant.
    • Idan mace tana dauke da ciwon daskarewar jini.
    • Mata masu ciwon hanta mai tsanani.

    Domin karanta cikakken bayani a kan Darasi Na Shida Game da Hukunce-Hukuncen Jinin Haila da na Biƙi danna nan.

    Wasu Daga Cikin Matan Bayan An Saka Musu Implant Suna Fuskantar Wadannan Matsalolin:
    • Tashin zuciya
    • Ciwon Kai
    • Hajijiya
    • Ciwon ciki
    • Pimples 
    • Kumburin Mama
    • Fitar da ruwa a farji.
    Idan Aka Ga Wadannan Alamomi Ayi Gaggawa A Koma Asibiti:
    • Rashin waikewar ko kumburi a gurin da aka saka implant din.
    • Alamar fitowar implant  daga hannu.
    • Idan ana son a cire ashanan fatar yayin da mace ta kara kiba,kada ayi gangancin cirewa a gida.
    •  Fuskantar rashin kuza’ri da koshin lafiya
    • Tunani kamar kina dauke da ciki.

    Note:

    Ingancen implant tana raguwa a jikin mata masu kiba da nauyin jiki,mata wanda weight nasu ya wuce 80 zuwa sama,irin wadannan mata ya dace su sake wani jadelle bayan shekaru 3 (kada a bari zuwa shekaru 5) implanon bayan shekaru 2 kada abari zuwa shekaru 3.

    Domin karanta bayani akan Yin Tazarar Haihuwa Ba Tare Da Shan Ƙwayoyi Ba Danna nan

  • Mutane Da Yawa Sukan Yi Tambaya Akan Aa Yaya Za a Samu Hanya Mafi Sauki Ta Yin Tazarar Haihuwa Ba Tare Da Shan Ƙwayoyi Ba

    Mutane Da Yawa Sukan Yi Tambaya Akan Aa Yaya Za a Samu Hanya Mafi Sauki Ta Yin Tazarar Haihuwa Ba Tare Da Shan Ƙwayoyi Ba

    Hayar itace lalle lalle mace sai tasan ovulation period nata domin itace lokocin ake kyeutata zato ciki yake shiga.

    Menene Ovulation?

    Ovulation: shine wani lokaci da mace ke fafe kwan haihuwarta wanda da zaran ta fafe ta kusancu miji to shikenan sai ciki da ikon Allah. 

    lokacin ovulation lalle idan kina da kula zaki gane,yakamata mu dinga kula domin akwai wani irin painless contraction da zakiji,mun san fallopian tubes dinmu guda biyu hagu daya a dama,so duk wata daga gefe daya ne kwan zai fito.

    Ga Alamomin Da Ake Ji Lokocin Ovulation Period:

    • Farko shine painless contraction zakiji wani irin ciwo a hagu ko dama.
    • Zaki dinga jin menstral pains slightly amma ba menses kikeyiba
    • Areola: wato black point na nononki zai kara baki kuma nipple wato kan nononki zai mike yayi erect kuma akwai zafi kadan kadan musamman idan ana tabawa 
    • Vaginal fluid:majina mai tsananin danko wanda take zama kamar spring zai dinga fito miki a gabanki
    • Matsananciyar sha’awar namiji duk yadda mace take gudun miji irin wannan rana mace baza ta iya gudu ba domin ita da kanta take begen mijinta wato sha’awarta ta karu sosai. 

    A wadannan lokutan sai a karauce wa jima’i ko ayi amfani da kwaroron roba,idan ba kya gane ta alamu ga bayani dalla dalla  yadda zaki irga lokocin ovulation naki:

    (1)     Idan mace jinin hailan ta yana zuwa a kwana 22, to za tafara irga daga ranan da taga jinin hailanta zuwa kwana takwas (8), a kwana na  takwasdin nan shine ovulation period nata,domin kariya ga samun ciki sai a kauracewa jima’i ko ayi amfani da condom a rana ta 7,8 da 9.

    (2)    Idan mace jinin hailan ta yana  zuwa a kwana 23, to za tafara irga daga ranan  da taga jinin hailanta zuwa kwana tara (9), kwana na  tara (9) ita ranar ovulation period nata,domin kariya ga samun ciki sai a kauracewa jima’i ko ayi amfani da condom a rana ta 8,9 da 10.

    (3)    Idan mace jinin hailan ta yana  zuwa a kwana 24, to za tafara irga daga ranan  da taga jinin hailanta zuwa kwana Goma (10),kwana na Goma (10),domin kariya ga samun ciki sai a kauracewa jima’i ko ayi amfani da condom a rana ta 9,10 da 11.

    Domin karanta bayani akan Toshewar Magudanar Jini Da Shanyewar Ɓarin Jiki Danna nan

    (4)    Idan mace jinin hailan ta yana  zuwa a kwana 24, to za tafara irga daga ranan  da taga jinin hailanta zuwa kwana (11),kwana na (11) itace ranar ovulation nata, domin kariya ga samun ciki sai a kauracewa jima’i ko ayi amfani da condom a rana ta 10,11 da 12.

    (5)    Idan mace jinin hailan ta yana  zuwa a kwana 26, to za tafara irga daga ranan  da taga jinin hailanta zuwa kwana (12), kwana na  (12)  shine ranar ovulation nata, domin kariya ga samun ciki sai a kauracewa jima’i ko ayi amfani da condom a rana ta 11,12 da 13.

    (6)    Idan mace jinin hailan ta yana  zuwa a kwana 27, to za tafara irga daga ranan da taga jinin hailanta zuwa kwana (13), a kwana na 13 idan takwanta da mijinta ana kyeutata zato ciki zai shiga, domin kariya ga samun ciki sai a kauracewa jima’i ko ayi amfani da condom a rana ta 12, 13 da 14.

    (7)   Idan mace jinin hailanta yana zuwa a kwana 28, to za tafara irga daga ranan da taga jinin hailanta zuwa kwana (14), a kwana na (14) idan takwanta da mijinta ana kyeutata zato ciki zai shiga,domin kariya ga samun ciki sai a kauracewa jima’i ko ayi amfani da condom a rana ta 13,14 da 15.

    (8)   Idan mace jinin hailan ta yana  zuwa a kwana 29, to za tafara irga daga ranan da taga jinin hailanta zuwa kwana (15), a kwana na (15) idan takwanta da mijinta ana kyautata zato ciki zai shiga,domin kariya ga samun ciki sai a kauracewa jima’i ko ayi amfani da condom a rana ta 14,15 da 16.

    Karanta cikekken bayani akan Ciwon Ciki (Stomach Pain) Da Yadda Za A Magancesa

    (9)    Idan mace jinin hailan ta yana  zuwa a kwana 30, to za tafara irga daga ranan da taga jinin hailanta zuwa kwana (16), a kwana na (16) idan takwanta da mijinta ana kyeutata zato ciki zai shiga domin kariya ga samun ciki sai a kauracewa jima’i ko ayi amfani da condom a rana ta 15,16 da 17.

    (10)    Idan mace jinin hailan ta yana  zuwa a kwana 31, to za tafara irga daga ranan da taga jinin hailanta zuwa kwana (17), a kwana na (17) idan takwanta da mijinta ana kyeutata zato ciki zai shiga domin kariya ga samun ciki sai a kauracewa jima’i ko ayi amfani da condom a rana ta 16,17 da 18.

    Domin karanta Larurar  Gaggartowar Saurin  Balaga (Precocious Puberty) Danna nan

    (11)    Idan mace jinin hailan ta yana  zuwa a kwana 32, to za tafara irga daga ranan  da taga jinin hailanta zuwa kwana (18), a kwana na (18) idan takwanta da mijinta ana kyeutata zato ciki zai shiga domin kariya ga samun ciki sai a kauracewa jima’i ko ayi amfani da condom a rana ta 17,18 da 19.

    (12)    Idan mace jinin hailan ta yana  zuwa a kwana 33, to za tafara irga daga ranan da taga jinin hailanta zuwa kwana (19), a kwana na (19) idan takwanta da mijinta ana kyeutata zato ciki zai shiga domin kariya ga samun ciki sai a kauracewa jima’i ko ayi amfani da condom a rana ta 18,19 da 20.

    Domi karanta Minene Fibroid? {Ƙarnin Mahaifa } Da Kuma Abubuwan Da Suke Kawosa Danna nan 

  • Menene Fibroid? {Ƙarin Mahaifa} Da Kuma Abubuwan Da Suke Kawo Shi

    Menene Fibroid? {Ƙarin Mahaifa} Da Kuma Abubuwan Da Suke Kawo Shi

    Kafin bayanin alamomin,mu fara da menene “fibroid”? Fibroid wata matsalace a mahaifar mace,wato wani yanayi ne da wani curin nama yake fitowa  kuma yana girma a mahaifar mace, ƙullutun naman mai cutar da lafiya  yana ɗanfare da wani sashen mahaifar (uterus) da wasu igiyoyinsa matakam.

    ” Fibroid” kalmar turanci ce,domin sauƙin furuci da Hausa, za mu cigaba da amfani da lafazin FAIBIROD a cikin bayanin mu a nan, an yi ƙiyasi cewa cikin mata 100, kashi 20 zuwa 50 na matan suna da fibroid,musamman a shekarunsu na samun haihuwa – wato daga shekara 16 zuwa 50, wani ƙiyasin kuma ya nuna cewa mata 30 zuwa 77 suna samun matsalar fibroid.

    A lokacin shekarunsu na samun haihuwa, wato lokacin ƙuruciyar balaga zuwa lokacin tsayawar al’adar mace saboda manyanta ko tsufanta (menopause), mafi yawan nau’in faibirod da ake samu ba shi da alaƙa da ciwon-daji {kansa} (not cancer), ƙululun ko ƙwallon irin wanda ba ya da nasaba da ciwon-daji ne (benign/non-cancerous), yana iya fitowa fiye da ɗaya a mahaifa, kamar guda uku, huɗu ko ma fiye da haka a wurare daban-daban cikin mahaifa.

    Domin karanta bayani akan Toshewar Magudanar Jini Da Shanyewar Ɓarin Jiki Danna nan

     Alamomin Matsalar Faibirod Sun Haɗa Da:
    •  Zubar jinin al’ada mai yawa, ko na tsawon lokaci
    • Zubar jini a baƙin lokuta ko tsakanin lokutan haila
    • Ciwon ƙugu, saboda ƙululun yana danne wani sashen jiki cikin mahaifa
    • Yawan fitsari
    • Ciwon baya daga ƙasan baya
    • Jin zafi ko ciwo lokacin yin jima’i
    • Rashin jini a jiki saboda yawan zubar jini
    • Rashin jin dadi a mara, musamman saboda girman ƙullutun a ciki
    • Basur mai sa tsugunni a bayi saboda rashin fitar bahaya
    • Ciwon ƙafa
    • Girman ciki kamar mace tana da juna biyu amma ba juna biyu ba ne, musamman idan faibirod ɗin ya girma
    • Ko ma rashin ganin wasu ko ɗaya daga cikin alamamomin da muka yi bayani
    Wasu Daga Cikin Matsalolin Da Faibirod Zai Iya Haddasawa:
    • Matsala wajen haihuwa lokacin naƙuda
    • Matsala yayin fama da juna biyu
    • Matsalar rashin samun juna biyu  rashin ɗaukar ciki ga mace saboda ƙullutun ya toshe  ko danne wani  ɓangaren mahaifa
    • Yawan ɓari (zubewar ciki)

    Yana da matuƙar muhimmanci mai jin ɗaya ko fiye daga cikin waɗannan matsalolin ya je asibiti domin bincike ko tana da matsalar faibirod ko akasin haka, idan kuma kin riga kin sani to sai a nemi magani.

    Menene Ke Kawo Matsalar Faibirod?

    Har yanzu dai masana ilimi a fannin lafiya na ƙoƙarin fahimtar cikakken dalilin da ya sa ake samun fibroid, sai dai an gano cewa yawan sinadarin ESTROGEN (estarojin) a lokacin shekarun da mace ke iya samun haihuwa yana da nasaba da lokacin da mata ke samun matsalar faibirod, daga shekara 16 zuwa 50 shi ne lokacin da sinadarin ya fi yawa a cikin jinin mace.

    Eestrogen ɗaya ne daga cikin manyan sinadaran jikin mace, wato estrogen sinadari ne na jinsin mace da ke tafiyar da girman jikin mace, rayuwar mahaifarta da yanayin halittarta da ya shafi jima’i, a lokacin balaga sinadarin na taimakawa yasa nonuwa da gashin mara da hammata su fito, kuma shi ne ke saka sha’awa ko yawan sha’awa ga mace idan ya yi yawa

    Yana da kyau ku karanta Larurar Dannau [Sleep Paralysls] Da Yadda Za a Magance

    A lokacin balaga ƙwayayen mahaifa (ovaries) za su fara samar da sinadarin, za a iya kiran eestrogen da suna maƙerin ‘ƴan mata domin kuwa shi ne ke taimakawa wajen sauye-sauyen halittar jikin mace yayin da take girma, a taƙaice, estrogen shi ne sinadarin da faibirod suka dogara da shi domin samun daɗa girma a mahaifa, wato makamashin faibirod. Faibirod zai cigaba da girma har sai lokacin da mace ta bar yin al’ada saboda girma (menopause), daga nan sai ya fara ƙanƙancewa.

    Wasu Dalilai Da Ka Iya Sa Yiwuwar Mace Ta Samu Faibirod
    • Gado: Idan mahaifiyarki ko ‘ƴar uwarki ta taɓa samun fibroid zai iya yiwuwa ki samu saboda gadon jini.
    • Jinsin baƙar fata:  Mutanen Africa ko ƙasashen baƙar fata, wato jinsin baƙar fata su suka fi kowanne jinsin mata a duniya samun matsalar faibirod, kuma matasa mata baƙar fata su ne suka fi samun matsalar a shekarunsu na matasa, a ƙasashen turawa, Indiya da Chana da sauran wasu ƙasashen, ba kasafai ake samun matansu da matsalar ba.
    • Amfani da hanyoyin tsai da haihuwa: (ƙwayoyin tsaida haihuwa wani lokacin za su iya sa faibirod ya girma), ƙiba, ƙarancin sindarin vitamin D, yawan cin jan-nama, rashin cin abincin ganye da yayan itatuwa, shan giya da sauransu.
    Hanyoyin asibiti na magance matsalar ya ƙunshi:

    Aikin tiyata (surgery) domin cire ƙullutun tare da cire wani ɓangaren mahaifa “uterus” [Hysterectomy] wanda zai hana samun haihuwa, sa’annan wani nau’in  aiki tiyatar [Myomectomy] wanda ba ya hana haihuwa a gaba, ƙwayoyin magani da wasu hanyoyin, musamman idan ya girma aikin tiyata ne aka fi yi domin rabuwa da matsalar

    Girman faibirod na iya zama kwatankwacin girman dutse ƙarami ko ƙasa da haka, ko girman lemun tsami ko na zaƙi, ko girman ƙwallo, girman jariri ko ma fiye da girman jariri, musamman idan ba a cire shi ba ko magance shi ba, wasu likutan ana ganin idan faibirod ya kai girman inci (4 inches ko 9-10 cm) to akwai buƙatar a yi aikin tiyata domin a cire shi, idan Kuma bai kai hakan ba insha Allahu akwai maganin da zai narkar da shi (FIBROID SHRINKER).

    Domin karanta bayani akan Ciwan Hanta {Hepatitis} Danna nan

  • Ciwan Hanta {Hepatitis}

    Ciwan Hanta {Hepatitis}

    Shi dai ciwon hanta:- Wasu kwayoyin cutar virus ne ke shiga cikin hanta ta hanyar jini su kawo irin wannan ciwo.

    Akwai Nau’insu Har Kusan Kala Shida:
    • Akwai ajin  A 
    • Akwai  B 
    • Akwai  C 
    • Da  D 
    • Da  E 
    • Da kuma  F. 

    Amma an fi ganin nau’i uku na farko wato A, B, da C,a cikin wadannan ukun ma an fi ganin nau’in ko ajin B,wanda kuma shi ne ya fi yi wa hanta illa.,ya kamata a san banda wadannan rukunin kwayoyin cuta akwai sauran abubuwan da suke kashe hanta, kamar barasa da burkutu da shan miyagun ƙwayoyi da shan wasu guba irin waɗanda mahaka kuza suke samu kamar gubar ƙarafuna irinsu dalma da sauransu.

    Idan kunaso ku karanta Larurar Dannau [Sleep Paralysls] Da Yadda Za’a Magance ku danna nan

    Rukunin B&C

    Nau’in da za muyi magana akai sune wadanda ƙwayoyin cutar rukunin B da C ke kawowa, hukumomin lafiya sun tabbatar da cewa hanyoyin da ake daukar wadannan kwayoyin cuta masu nakasa hanta kusan hanyoyi daya ne da ake daukar cutar ƙanjamau,ayanzu haka an fi samun mace-mace daga cututtukan hepatitis fiye da mace-macen cutar ƙanjamau saboda ba a samun magungunan ciwon hantar ba kamar yadda aka samar da na ƙanjamau ba,haka nan kuma saboda faɗakarwa da ake ta yi a kan ciwon na ƙanjamau din ana mantawa da na hepatitis,domin a yanzu mutane fiye da miliyan 1.5 ke mutuwa a duk shekara sakamakon ciwon hantar, amma masu ƙanjamau wajen miliyan 1.3 ke mutuwa a duk shekara. 

    Haka kuma kusan kowa ya san cutar ƙanjamau amma da yawa ba su san ciwon kumburin hanta ba,shi ya sa da yawa mutane idan za su yi aure sai dai a yi gwajin ƙanjamau kawai ba a hadawa da na hepatitis,yawanci a wurin gwajin ba da jini kawai akan gano mutum yana dauke da cutar ba tunda sai ta yi shekara da shekaru mutum bai ma san yana dauke da kwayar cutar ba.

    Hanyoyin da ake daukar kwayoyin sune 
    • Yayin saduwa daga mai dauke da kwayar zuwa wanda bai dauke da ita.
    • Sai kuma ta hanyar ƙarin jinin da ba a yi wa gwajin tantance ƙwayar cutar ba.
    • Sai kuma ta hanyar amfani da kayan kaifin da ba su da tsabta,kamar askar wanzamin da ba a gasa ba,amfani da rezar da mai ciwon ya yi amfani da ita,ko amfani da allurar da aka yi wa wani,maimakon sabuwa.
    • Sai ta hanyar cin abinci da cokali daya tare da mai cutar,ko ya gwaguiyi abu da baki ya baka kaima ka ɗora
    • Wata hanyar kuma ta daukar ciwon a yara ita ce ta wurin uwa mai ƙwayar cutar, yayin haihuwa ko yayin shayarwa.

    Da yake ƙwayoyin cutar shiga cikin hanta suke ta yi barcinsu,da yawa masu dauke da ƙwayoyin ba sa jin wasu alamu tsawon shekaru sai ranar da suka farka suka fara cin hantar sa’annan alamu za su bayyana,wannan na faruwa ne kawai a kashi daya 1% cikin hudu na waɗanda ke dauke da ƙwayar,sauran kashi ukun ba za su taba nuna wata alama ba duk tsawon rayuwarsu,shi ya sa aka fi cewa masu dauke da ƙwayar su ƙwantar da hankalinsu domin zai wahala su nuna alamun,amma a wannan tsakanin ne masu ciwon ke yada ta musamman ga abokan zama na aure da kuma ’ya’yansu.

    Domin karanta bayani akan Toshewar Magudanar Jini Da Shanyewar Ɓarin Jiki Danna nan

    Alamomin Ciwon Hanta
    • Yawan zazzabi
    • Yawan ciwon ciki bangaren dama
    • Yawan tashin zuciya da rashin son cin abinci 
    • Yawan kasala
    • Idan tai tsamari akan iya ganin kumburi a fuska da ƙafafu
    • Yawan samun shawara,wato kadawar ido zuwa ruwan dorawa da sauran alamu da mutum zai ji dai cewa ba lafiya ba.

    A daidai wannan lokaci ne dole a dauki matakin kashe ƙwayoyin cutar domin kada su nakasar da hantar gaba-daya,wanda babban abin da suke kawowa shi ne motsewar hanta ko ciwon daji na hanta,magunguna da alluran da ake amfani dasu aci karfin kwayoyin cutar kafin su kai ga illa suna da matukar tsada sosai,shi yasa mukan ce riga-kafi yafi magani.

    Hanyoyin Kariya
    • Kamewa har sai an yi aure,masu auren ma su rike matansu kawai.
    • Tabbatar da an yi gwajin cutar ga wadanda suke shirin aure,da nuna wa juna takardar shaida kafin a daura auren. 
    • Tabbatarwa cewa jinin da za a kara wa mutum an gwada shi a asibiti an tabbatar ba ya dauke da kwayoyin cutar 
    • A wurin awon mata masu juna biyu ana auna wannan ciwon,idan an samu mace mai ƙwayar cutar ana daukar duk matakan da suka kamata wajen kare abin da take dauke da shi. 
    • A yanzu akwai alluran riga-kafin kamuwa daga wadannan ƙwayoyin wadanda aka sa a rika yi wa yara da zarar an haife su,sa’annan a watanni na biyu da na uku,akasin ƙwayar ƙanjamau wadda har yanzu ba a gano allurar riga-kafinta ba.
    • Ba yara kawai ba,har manya wadanda ke cikin hadarin kamuwa za a iya yi wa allurar riga-kafin,wadannan sun hada da ma’aikatan lafiya,musamman masu aiki a dakin gwajin jini,mata masu zaman kansu da mutanen da ke aiki cikin damara,a ma’aurata wadanda daya ke da kwayar cutar amma daya ba shi da shi,shi wanda ba ya dauke da kwayar cutar sai a yi masa riga-kafi.ana samun wadannan allurai a asibitocin da mata ke zuwa awo. 
    • A tabbata an tafasa kayan kaifi kamar na wanzamai ko na mai yankan farce ko a kona su da wutar lighter ko a wanke su da sinadarin bleach kafin a yi wa mutum amfani da su,sai dai idan sabuwa ce daga ledarta aka bare a gaban mutum,haka ma sirinji da reza,a rika tabbatarwa sababbi fil aka bare kafin amfani da su. 
    • Zuwa cibiyoyin gwaji na kyauta don sanin matsayin mutum na taimaka wa rage yada ciwon.

    Domin karanta bayani akan Sanƙaran Bakin Mahaifa (Cervical cancer) Danna nan 

  • Sanƙaran Bakin Mahaifa (Cervical cancer)

    Sanƙaran Bakin Mahaifa (Cervical cancer)

    Sanƙarar bakin mahaifa (cervical cancer) kamar sauran nau’o’in ciwon daji,tana girma da hayayyafar ƙwayoyin halitta sama da na al’adarsu,iya yaɗuwa tare da nakasa sauran sassan jiki.

    Kamar yanda sunanta yake,tana farawa ne daga dan bututun da ya sada mahaifa da gaban mace wanda ake kira ‘cervix’ a nasarance.

    Menene Yake Haddasa  Ta?

    Ana danganta ciwon daji dai da juyewar ƙwayoyin halitta (mutation),mafi yawa tana samo asali ne daga kamuwa da kwayar virus da ake kira (human papillomavirus) (HPV),wanda yake yaɗuwa ta hanyar saduwa,saidai kamuwa da wannan virus baya nufin tabbatuwar samunta,domin jiki yana iya kakkaɓe wannan virus cikin shekaru biyu.

     Alamominta

    Da yawan mata basu gane suna ɗauke da ita har sai tai aure,idan ma alamun sun bayyana, sukan yi kama da al’ada, larurorin mafitsara (infection kamar yadda mata suka fi faɗa).

    Ba Kowane Ciwon Ƙirji Bane Ulcer Danna nan domin karanta cikekken dalili

     Daga Cikinsu Akwai
    • Zubar jini daga gaba; bayan saduwa,tsakanin al’ada,ko bayan daina al’ada.
    • Zubar ruwa mai launi da wari daga gaba saɓanin na al’ada.
    • Ciwon ƙwanƙwaso
    • karuwar yin fitsari da jin zafi yayin fitsarin.
    Abubuwan  Dake Da Tasiri Wajen Yiwuwar Faruwarta
    • Jima’i barkatai: yana kara yiwuwar kamuwa da wannan kwayar virus ɗin wato HPV.
    • Fara saduwa a kananun shekaru: yana kara yiwuwar kamuwa da HPV
    • Wasu larurorin dake yaɗuwa ta saduwa: Ƙanjamau,sifilis,gwanoriya
    • Raunin garkuwar jiki
    • Shan sigari
    • Amfani da magungunan hana zubewar ciki: 

    bincike ya nuna waɗanda iyayensu mata suka taɓa amfani da maganin hana zubar ciki mai suna ‘Diethylstilbestrol’ a can shekarun baya (1950…); suna da yiwuwar samun sankarar bakin mahaifa

    Sharawa a gaugauta  zuwa ganin likita dazarar anji wanɗannan  alamun dan samun agajin gaggawa

    Domin karanta bayani akan Sanƙaran Nono Wato {Breast Cancer} Danna nan 

  • Ba Kowane Ciwon Ƙirji Ba Ne Ulcer

    Ba Kowane Ciwon Ƙirji Ba Ne Ulcer

    Mutanen mu sun lamincewa kansu cewa; duk ciwon ƙirji kurum ulcer ce, shi yasa ciwon zuciya ya aika mutane da yawa lahira ta farat ɗaya da sunan ulcer, domin ba a son zuwa asibiti ai gwaje-gwajen da suka dace, asalin uwar hanji ba ma a kirji take ba, sai dai eh mun ji ana iya jin ciwon ƙirji sanadiyyar refer pain amma ba dole ulcer ba ko yaushe. 

    Shi fa gwajin nan ba ka da buƙatar sai likita yace ma ga shi yi kaza. A ah in ka ga bai da niyyar ba ka matuƙar da hali roƙa za kai ka ce kana so ya ba ka gwaji iri kaza kayo don kurum ka ƙara sanin matsayin ka.

    Ciwon ƙirji abin tsoro ne musamman in mutum na da hawan jini, matsalar zuciya, ballantana wasu sun gado matsalar da ba su san suna da ita ba a family, haka wasu suna da matsalolin hawan jini amma ba su sani ba, gani suke ciwo kaza sai a tsoffi ko masu aure, wa ya gaya ma haka? 

    Idan kuna so ku karanta Bayani A kan Gyambon Baki {Canker Sore} Danna nan

    Sai dai ina! Duk maimakon haka kun gwammace zama ku yi ta ɗibar maganin ulcer har sai ya kai ga fara sa ku gudawa, ga shi fa saboda wauta ana jin ana shan maganin amma ba canji, kuma ko da an ji relief zai dawo, amma mutum ya share duwawu ya zauna, ulcer ɗin nan fa ana warke ta. 

    Ya kamata mu sani duniya ta wuce wannan zamanin, in dai ka iya neman kuɗi, toh dole kuma ka koyi neman lafiya tare da tattalin ta, dole ne kai wa rashin lafiya tanadi tun kan ta zo. 

    A yanzu dai ba ka da buƙatar sai ka ji ciwo sannan ka je asibiti, masu dabara duk shekara sukan je sau 1 su nemi a ba su mahimman gwaji da suka dace da masu shekaru irin nasu saboda in ma jikin su ya fara shiga wani lokon to ai ƙoƙarin tsamo shi.

    Domin karanta bayani a kan Samiha-Borin Jini {Hives,Urticaria,Neetle Rash} Danna nan

  • Larurar Sarƙewar Numfashi Da Ake Kira (Asthma)

    Larurar Sarƙewar Numfashi Da Ake Kira (Asthma)

    Cutar asthma wannan wata larura ce da ita ma ta fi shahara lokacin sanyi ko hazo. Asthma larura ce da ke shafar huhu wato sashin numfashi ko a ce sashi na musayar iska a jika, wanda ƙananun kafofin shigar iska domin numfashi ke motsewa su doɗe ta yadda sai dai iskar da ta rage cikin huhu ta fita amma wata ba za ta shaƙu zuwa ciki ba.

    Kun ga kenan kamar mu da ba mu da larurar babban misalin da za mu fahimci yadda masu cutar ke ji shi ne mu gwada daina shekar iska koda na minti 1 zuwa 2 ne, ya zamto sai dai mu rika fitar da ita ta hanci ba tare da muna shaƙa ba….
    Tsaya ku gwada yin abunda nace kafin cigaba da karatu don Allah

    Okay! Na san kun jaraba kamar yadda na roƙe ku zuwa yanzu ya kuka ji? Shin abu ne mai sauƙi ko kuwa? Shi ya fi komi sauƙi a mutu, toh wannan tasa nan da nan komi ƙarfin mutum in asthma taso masa sai ya galabaita, saboda jini da kake ganinsa a ko’ina a jikin mutum in an huda ba jinin ba ne kaɗai haɗe yake da iska… hasali ita ke taimaka masa yana zagayawa ko ina a jikinsa, idan babu iska shi yasa yanzu za ka zube a ga mutum jikinsa ya fara canzawa zuwa kalar blue.

    Shin Me Ke Faruwa  A Cikin Huhun Nasu Har Asthma Ɗin Ta Tashi

    Kamar yadda nace cikin kafofin numfashin mu da ke huhu, a cikinsu musayar iska ke faruwa haka kuma a dai cikin huhun a nan ake samar da majina wacce za mu ga wadda ta lalace ta daina amfani muna fitar da ita ta hanci ko yayin mura.

    Domin karanta Dalilan Da Suke Sanya Mace Rashin Ɗaukar Ciki Danna nan

    Amma ainishin majina aba ce mai amfani ita ke hanamu jin zafi yayin da ƙirjin mu ko huhun mu ke tasawa da komawa in muna numfashi, tare da hanamu jin zafi yayin haɗiyar abinci ko ruwa zuwa cikin mu ta maƙogoro tare da sanya koya abu ya nemi shiga maƙoshin mu za mu ji ta ankarar da mu mun yi tari don fitar da shi, sannan majinar ita ke ƙara taimaka mana iska na ratsawa cikin huhun mu yadda ya kamata.

    Ita wannan majina dai har ila yau duk shafe take da kafofin numfashin mu, toh amma ko a maƙoshin mu, ko hancin in majina ta kakare mana ya muke ji? Za ka ji ba daɗi da har tana shaƙeka ko tana to shi ma hanci ba ka iya shaƙar iska sai ka shafa robb da sauransu…

    Toh abunda ke faruwa a asthma kenan wato majinar tai yawan da ta toshe kafar iskar baki ɗaya, sakamakon samar da ita da yawa fiye da yadda ya dace da ƙwayoyin asthmar suka haddasa a yayin da mutum ya shigi ko yai ta’ammali da abunda ke sasu sakin majinar (triggers) wanda in sun saki majinar ne sai mu ji ana asthma ta tashi.

    Domin karanta Yadda Za Ki San Kanki Kafin Ki Yi Aure Danna nan

    To kamar yadda nace sakamakon ƙwayoyin halittun cutar asthma din da mutum ya gado sai ya zamto sun rika sakin wasu ƙwayoyi masu illata kafofin iskar ta hanyar haddasa raunuka jikinsu,wanda hakan kesa su motse sa saki majina da yawanta ke ruɓɓanya ta toshe kafofin iskar ta yadda iska bazata iya shiga ciki ba,koda sunyi yunkuri kuma sai akejin numfashin na ƙara wato wheezing yayin da insuka karfafa sai su fadi kasa.

    Hakan yasa a lokacin da ciwon ya motsa, ƙofofin shigar iskar numfashi tun daga maƙogwaron ɗan Adam kan rufe ta yadda za a samu nauyi ko sarƙewar numfashi, huhu zai samu ƙarancin iskar da ta dace ya shaƙa.

    Tsananin Larurar

    Matsalar asthma tana cikin matsalolin da kan hana mai fama da ita rayuwarsa ta yau da kullum, kamar zuwa aiki a office , ko gona, ko anguwa ziyara, ko kuma makaranta idan ɗalibi ne.

    Asthma har ila yau kan hana iyali samun isashshen barci da daddare, kuma lokaci da dama iyaye kan rasa yin aiki da rana saboda cutar asmar ‘ya’yan su, takan kuma iya haddasa jinkirin samun haihuwa ga masu ɗauke da ita.

    Me Ke Haddasa Cutar Asthma

    Kaso 70% cikin ɗari na asthma gadonta ake yi walau daga mahaifa ko wasu kakannin na mutum da ko a tarihi ma mutum bai san labarinsu ba. Yayin da kaso 30% ke samunta sakamakon alaƙa ko ta’ammali da taba sigari, dattin masana’antun haɗa ceiling, asbestos, kamfanin takin zamani, yankan katako, da sauran sana’oi da ke sa abubuwa masu illah na tsawon shekara da shekaru.

    Wannan cuta na iya bayyana a babba da yaro, har sabuwar haihuwa a kodayaushe, sai dai mahimmin abu duk da haka shi ne: wanda ya gado wannan cutar zai iya zama lafiya lau na tsawon wani lokaci duk da yana da ita kafin ta bayyana ko a gane, domin ko kana da ita in ba ka haikewa abubuwan dake ta-da ita.

    Haka in ma ba a dalilin gado ba ne, wato kenan takan iya faruwa kusan ga kowa daga kowane mataki na shekaru har zuwa ƙarshen rayuwarsu.

    Su Waye Kan Kamu Da Cutar Asthma?

    Kamar yadda nace asthma tana shafar kowanne jinsi na mutane mata da maza, fararen fata da baƙaƙen fata kuma a kowane mataki na shekaru cikin kowacce ƙabila.

    Suwa Ke Cikin Hatsarin Kamuwa Da Ciwon:

    • Galibi waɗanda ke da tarihin cutar cikin yan uwa na jini ko mahaifa su ne kan gaba.
    • Mutane masu kiba ko nauyin da ya wuce kima.
    • Mutane masu shan taba sigari, ko masu zama a inda ake shanta.
    • Masu aiki a masana’antun harhada chemicals na noma, ceiling, kamfanonin ƙere-ƙere

    Talauci; anyi amannar cewa mutane matalauta su suka fi yawa wajen fama da wannan matsala.kila hakan nada alaka da cewa galibi su sukafi irin wadancan ayyuka masu wahala a kamfanoni irin wadanca

    Shin Wani Na Iya Daukar Cutar Daga Wani?

    Amsa: A’ah. cutar asthma bata yaduwa daga wani zuwa wani walau ta hanyar barci a daki daya da mai cutar,ko cin abinci a kwano daya ko amfani da cokali daya, bandaki guda, sumbatarsu abaki, rungumar mai cutar kamar majinyacin marar lafiyar,ko abokin auratayya me dauke da ciwon.

    Shin Ko Ana Gagon Cutar?

    Kwarai kucutkamar yadda na fada abaya, bincike ya nuna cewa akwai yiwuwar gadon cutar tsakanin iyalai madanganta kamar daga kakanni ko iyaye ko yayyen uwa ko na uba, ko daga yaya

    Alamomin Asthma

    Alamomin asthma ba’a ɓoye suke ba kuma sun haɗa da:

    Nauyin numfashi wato ariƙa yinsa sama-sama,hade da jin wata irin kara yayin numfashin kamarta usur musamman ayara.

    Jin zafi ko ciwon zafi

    Matsanancin tari yayin tashinta.

    Ƙaruwar fitar ruwa ta hanci, ba lalle ne aga majina ba.

    Tsukewa ko ɗaurewar kirji da rashin jin walwala a qirjin.

    Abubuwan Dake Tada Ciwon Asthma

    Kamar yadda nace asthma aƙwance ta ke, tashi take jefi-jefi.

    Anyi amannar waɗannan abubuwan dazan lissafa suna cikin muhimman abubuwan dake tayar da ciwon,saboda haka yana da kyau adauki matakin kariya daga su,sannan kowanne mai asthma ya kamata yasan me yake tayar masa da asthma dinsa,domin abunda ke saurin tayarwa da wani ita kila a wani ba wannan bane,don sanin abunda ke tayar maka/ki zaisa akiyaye shi,domin kowa da nashi abun dake tayar masa da ciwon:-

    Gashin mage (idan yabi iska aka shaƙeshi) shi yasa ba’ason ajeta agidan da masu larurar suke musamman in asthma din na yawan tashi akai-akai

    Shakar iska mai tsananin sanyi. Kunga da wannan zamu fahimci me yasa lokacin sanyi tafi tashi.

    Shan taba sigari ko shakar hayakinta.

    Tashin hankali; walau fushi,ɓacin rai ko samun mummunan labari.

    Amfani da kayan rini, saboda karfin chemical din

    Shaƙar iska mai ƙura,ko hazo,ko garin alli,ko shaƙar hayaƙi kamar na wutar itace,kara ko hayakin injin janareto.

    Shakar kamshin turare

    Shin Ana Gwajin Cutar Asthma

    Mafi yawan lokuta likitoci kan gane ciwon asthma ne ta hanyar tambayoyi da sauraron karar numfashi a huhun mai matsalar,don haka basai likitoci sun jira gwaje-gwaje ba kafin suce akwai asthma ko babu.

    Saide awasu lokutan akan buƙaci wadannan gwaje-gwajen domin tantance ƙarfin matsalar da nemo wasu matsalolin na daban

    Yanda dakyau ku karanta Abubuwa Da Ya Kamata Mace Ta Kiyaye Lokacin Al’ada

    Akwai gwajin numfashi da ake kira [spirometry] inda akan bin ciken yawan iskar dake shiga da fita a huhu.

    Hoton kirji na x-ray

    Gwajin kajin majina wato [sputum].

    Awon kwayoyin iska acikin jini.

    Yadda Za’a Rage Ko Kawar Da Cutar

    Cutar asthma bata da magani, kuma ta kansa arasa rai idan ba’a dauki matakin da ya dace ba idan ta tashi,yana da kyau iyali su lura cewa maƙasudin maganin cutar asthma shine:

    Domin kawar da dukkan alamominta.
    Domin dawo da numfashi dai-dai
    Yana da kyau asan magungunan dake lafar da cutar
    Shan magani kamar yadda likita ya bayyana.
    Asan abubuwan dake haddasa cutar kamar yadda na zayyana asama, sannan a kawar dasu ko a ragesu a muhalli.

    Abubuwan Da Ya Kamata Ayi Lokacin Da Ciwon Ya Tashi

    1 Abu na farko shine mutum yai ƙoƙari ya nutsu,kada ya tayar da hankalinsa sanda yaji ta tashi,domin tada hankali zaisa buƙatar iska ya ƙaru ajika alhalin kuma babu ita.
    2 Mutum ya daure yayi ta numfashi sannu-sannu lokacin da ciwon ya tashi kada yasa karfi
    3 A dauki maganin da aka tanada asha ko ashaƙa cikin gaggawa kamar yadda likita yai umarni.
    4 Mafi yawan lokuta maganin na shaƙa ne wato (inhaler),saboda tafi saurin bude ƙafofin iska tunda kai tsaye a hanyar numfashin ake fesawa ya shiga.
    Don haka mutum ya tabbatar ya koyi yadda ake shaƙawa,haka yan uwansa ma ko mahaifa ya zamto sun koya saboda kada ayi aikin wuce gona da iri.
    5 Idan magungunan basu sa matsalar ta lafa ba sanda ta tashi,maza agarzaya asibiti mafi kusa.

    Ire-Iren Magungunanta

    Akwai magunguna shahararru masu ƙwantar da ciwon nan take da masu kiyaye tashin ciwon wanda idan mutum yaje asibiti ana rubuta masa su na ƙwayoyi.

    Kamar yadda nace akwai wadanda ake shaƙa ko kuma zuƙa ta baki (Aerosol inhalers) wadanda ke aiki cikin gaggawa,suma ana iya rubutawa mutum ya saya. suma iri biyu ne;

    • Akwai mai ƙwantar da ciwon inya tashi
    • Akwai kuma mai kiyaye tashin ciwon
      Likita zai rubuta duk wadanda suka dace.

    Ya Ake Amfani Dana Zuƙar Wato Inhaler

    Idan ta tashi kamar yadda nace ka nutsu, ka zauna kada ka ranƙwafa ko duƙawa

    Kana zaune bayan kadau inhaler din saika girgizata,sannan kasa abakinki ka rufe bakin inhaler din da laɓɓanka ya zamto bawata kafa da zata zurare.saika danna inhaler din sau 1,sannan ka cigaba da matsawa duk sekons 30 zuwa minti 1

    Bayan ka matsa inhaler din akalla sau 10 amma batare da jin sassauci ba sai karuwar ciwon toh ai maza ataho asibiti,

    Kar adaina matsa inhaler din sanda ake kan hanyar asibitin, akalla duk minti 15 amatsa.

    A Ƙarshe

    Kar a manta ba’a yiwa Inhaler nisan ɓoyo, galibi wasu na galabaita su fadi sakamakon mance inda suka ajeta, asaba mata da gurin ajiya guda daya kuma afili kuma akusa, inma za a fita asata ajaka, saboda sau tari wasu ana samun gawarsu suna kokarin cimma inhaler din sun kasa saboda sun ajeta nesa gata suna hange amma basu da karfin karasawa su dauka, gashi ba kowa agida.

    Domin karanta Bayani Mai Mahimmanci Zuwa Ga Mata Akan {Ovulation} Danna nan 

  • Bayani Mai Mahimmanci Zuwa Ga Mata A Kan {Ovulation}

    Bayani Mai Mahimmanci Zuwa Ga Mata A Kan {Ovulation}

    OVULATION:Ovulation wani abu ne da ke zo wa mata kafin zuwan al’ada wato period wanda ko wace mace da yanayin da take shiga a lokacin,hakan ba ya nuna alama na wani ciwo ko wata matsala da za a je ganin likita.

    Hakan yana sa kowace mace da yadda take ji a jikinta wata tana yin ciwon baya, wata ciwon kai, wata ciwon nono, wata cikowar nono, wata kuma tashi zuciya, wata ciwon mara, to wannan duk ba matsala ba ce.

    Kafin shiga cikin bayanin idan kana so karanta Illar Wayar Salula Guda Goma (10) Ga Lafiyar Jiki Shiga nan

    Alamomin Ciwon Ovulation Kafin Zuwan Al’ada Ko Lokacin Al’ada 
    • Mode change: yanayin fushi
    • Head ache: ciwon kai
    • Pelvic abdominal pain: ciwon mara
    • Breast pain: ciwon nono
    • Back pain: ciwon baya
    • Nausea: tashin zuciya
    • Vagina discharge: fitar ruwa mai kama da kunu
    • Screation mucus hormone: zuban ruwa mai yauƙi bayan gama al’ada
    • Weakness: ciwon rashi ƙwarin jiki

    Shan magani mai kashe raɗaɗi yana taimakawa lokacin al’ada

    1 Kamar analgesic drugs wanda likita ya amince a sha irinsu Pcm ,diclofenac etc

    2 Banda yawan shan {peldin} domin shansa yana da illah

    3 Banda shan maganin gargajiya shi ma yana da illah

    4 Banda saka tsumma a vagina domin yana ɗauke da micro organism a yi amfani da always wato pad

    Domin karanta bayani a kan Ciwon ƙaba (Hernia) Da Yadda Za a Kare Kai Daga Hernia  Danna nan