WikiHausa

Category: Kiwon Lafiya

Mun samar da wannan ɓangaren ne domin koyar da ilimin yadda ake kula da lafiya a cikin harshen Hausa a sauƙaƙe. Za ku iya kai wa gare su ta hanyar amfani da kwamfutoci ko wayoyin hanu.

wikiHausa ta kowa ce. Kowa zai iya taimakawa da ilimi ko gyara. Bugu da ƙari, kowa na iya amfani da wannan kafa domin koya ko koyarwa.

  • Cutar Mafitsara (UTI)

    Cutar Mafitsara (UTI)

    Urinary Tract Infection, cutar mafitsara a hausance, cuta ce dake addabar al’umma ƙwarai da gaske tunda ga kan maza har mata, cutar bai bar ƙananan yara ba bai bar manya ba. Sai dai cutar tafi shafar mata sosai da sosai, saboda yanayin halittar al’aurar su yadda take.

    Ƙwayoyin cutar na hana sakuni ta hanyan sabbaba jin zafi lokacin da ake fitsari, yawan jin fitsari, fitar jini lokacin da ake fitsari da sauransu, kamar yadda zan bayyana nan gaba.

    Cutar Urinary Tract Infection (UTI) cuta ce da ake samun ta daga ƙwayoyin cutuka (Microorganisms). Wasu ƙananan halittu ne da ido bai iya ganin su, sai dai da taimakon na’urar binciken ƙwaƙwaf (Microscope).

    Mafi yawanci, ƙwayoyin cuta na bacteria sune ke haifar da su, amma wasu suna samuwa ne daga ƙwayoyin cuta na fungus (fungi). 

    Cutar mafitsara (UTI) na cikin cututtukan da suka addabi mutane da dama a Duniya.

    Domin karanta dalilin Rashin Jini A Jiki (ANEMIA) Danna nan

    UTI na iya addabar a ko wane sassa na mafitsara, wanda ya haɗa da ƙoda (kidney), hanyar fitsari daya sauko daga ƙoda (ureter), matattarar fitsari (bladder) da kuma hanyar da fitsari ke fita daga jiki (urethra) waɗannan sune ake ƙira Urinary Tract, ma’ana Sassan mafitsara

    Abubuwan Dake Kawo Cutar Mafitsara

    Mafi girman abun dake kawo cutar mafitsara shine ƙwayoyin cuta na bacteria, musamman ƙwayar cuta wanda ake ƙira Esherisha Kolai (Escherichia coli ko kuma E. coli). Duk da wasu ƙwayoyin cutuka na iya kawo cutar amma E. Coli shine dalilin kaso casa’in (99%) na wannan matsalar. Shi kwayar cutar E. coli na zuwa ne daga uwar hanji ta hanyar abubuwan da muke ci ko kuma daga dubura.

    Ko da yake a fitsarin da muke yi yana bamu kariya ta hanyar kashewa da kuma wanke waɗannan ƙwayoyin cutuka dake shirin shiga mafitsararmu, amma idan har ƙwayoyin cutar sun yi yawa, fitsarin bai iya wanke su ko kashe su gaba ɗaya, ai daman bahaushe yace idan dambu yayi yawa baya jin mai 

    Domin karanta bayani akan Warin Baki (Mouth Odour) Danna nan

    Mafi yawan UTI na haifar da cystitis wato kumburin matattarar fitsari (bladder), wasu lokutan kuma ƙwayar cutar na iya haurawa zuwa ƙoda inda yake haifar da matsalar kumburin ƙoda wato phyelonephritis

    Rabe-Raben Cutar Mafitsara:

    Cutar mafitsara ta (UTI) ta rabu gida biyu akwai mafi sauƙi da ƙarancin haɗarin kamuwa da ita wacce ake kira da lower tract infection, shine infection wanda yake cikin guri biyu, na farko urethra (hanyar da fitsari ke fita daga ciki,da kuma matattarar fitsari (bladder,) wannan shi ake ƙira Cystitis.

    Sannan akwai wanda ake ƙira da Upper tract infection, shi wannan yafi haɗari domin yana faruwa ne a cikin ƙoda (kidney), misali kumburar ƙoda (phyelonephritis) da kuma Ureters (hanyar daya sauko da fitsari daga koda) wannan shine infection mafi haɗari a ciki. 

    Kuma waɗanda suka fi shiga haɗarin kamuwa da wannan nau’i na biyun sune mata, saboda mafitsarar mace yana da kusanci sosai da al’aurar ta saɓanin na maza wanda yake da nisa, saboda haka ƙwayoyin cuta zasu iya haurawa cikin sauƙi.

    Kusan da cewa Haihuwa A Gida Ba Jarumta Bane Kuskure Ne Danna nan domin karanta dalilai

    Alamomin Cutar Mafitsara:

    Kamar yadda nace akwai lower tract da kuma upper tract, haka suma alamomin cutar sun kasu kashi biyu, akwai wanda alamomin na lower tract ne akwai kuma alamomin upper tract.

    Alamomin Cutar Mafitsara Na Lower Tract:
    •  Jin zafi ko raɗaɗi yayin da ake fitsari
    •  Yawan jin fitsari amma idan kin je ɗan kaɗan ke zuba 
    •  Rashin iya rike fitsari
    •  Ganin jini a fitsari
    •  Fitsarin ki zai sauya kala kamar na cola ko kuma kalar shayi 
    •  Fitsari mai zarni sosai
    •  Ciwon ƙugu ga mata.
    •  Ciwon dubura ga maza

    Waɗannan sune alamomin cutar mafitsara na Lower Tract.

    Alamomin Cutar Mafitsara Na Upper Tract:

     Ƙari a kan alamomin   lower tract 

    •  Zazzaɓi
    •  Tashin zuciya
    •  Amai
    •  Jin sanyi a jiki
    •  Jin zafi a ɓangare biyu na baya.

    Sannan Upper Tract Infection wanda yake a ƙoda (kidney) ko ureters yafi haɗari da barazana ga rayuwa domin idan bacteria yayi yawa a ƙoda zai shiga jinin jiki ya haifar da matsala ta ƙarancin jini harma da ƙodar ta daina aiki yadda ya kamata (kidney failure). wanda haka yake kai mutum har lahira.

    Tsanantar Cutar Mafitsara

    Idan aka ƙyale cutar mafitsara ba a yi magani ba, ƙwayoyin cutar zasu cigaba da hayayyafa cutar na ƙara girma har ya kai matakin tsanani wato cutar ya tsananta zuwa waɗannan matakan:

    (1) Jirkita siffar mafitsara wanda ya haɗa da dunƙulewar sinadarai a bladder ko a koda (calculi), jirkita aikin ƙoda ko wani sashi na mafitsara (tract anomalies), zama na dindindin da robar fitsari (indwelling catheter), rashin iya yin fitsari (obstructive uropathy).

    (2) Matsalar rashin gudanuwa ko jujjuyawar sinadarai a jiki (metabolic diseases) wanda ke iya sabbaba matsalar ciwon sukari, matsalolin ƙoda da sauransu.

    (3) Karya garkuwar jiki da sauransu.

    Hanyoyin Kare Kai Daga Cutar Mafitsara

    Idan mutum ya taɓa haɗuwa da matsalar mafitsara a rayuwa zai fahimci yadda yake matuƙar addabar rayuwar kwarai da gaske, ga wasu hanyoyin da mai karatu ya dace ya bi don kare kai daga kamuwa da shi nan gaba,kwantar da hankali, ku bi waɗannan matakan

    (1) Ki kasance mai shan ruwa sosai akai-akai, an so mace take shan ruwa kofi 11.5  wato misalin lita uku kenan a rana. Namiji  kuma kofi 15.5 misalin lita huɗu kenan.

    (2) Ki guji riƙe fitsari, a yi marmaza a je a yi fitsari da zaran an ji shi.

    (3) Bayan gama bahaya ko fitsari ake fara wankewa daga gaba zuwa baya don gujewa shigar da ƙwayoyin cuta na bahaya a mafitsara, kamar yadda mukayi bayani a baya.

    (4) Ake yin fitsari bayan saduwa hakan na taimakawa gun rage haɗarin zaman ƙwayoyin cuta a mafitsara kamar dai yadda muka bayyana ɗazun.

    (5) A ƙauracewa cushe-cushe don ƙarin ni’ma ko matsin gaba.

    (6) A kula da tsaftar muhalli musamman tsaftar bayan gida (toilet).

    (7) A guji sanya matsastsun kayan ciki (undies), a samu masu taushi wanda iska ke iya ratsawa.

    Saboda haka yan’uwa ku daina bin ruɗun masu magani barkatai suyi ta ce muku sanyin mara, sanyin mara, akwai abinda ya wuce nan a riƙa zuwa ganin likita idan an samu matsala domin gujewa halaka.

    Domin karanta bayani akan Ciwon Suga.(Diabetes) Danna nan

  • Ciwon Suga.(Diabetes)

    Ciwon Suga.(Diabetes)

    Menene Ciwon Suga?: Cuta ce da ba abu daya ne ke haddasa ta ba, ida ake samun sugar fiye da kima yana zagayawa a cikin jini saboda rashin sinadarin insulin ko kasa amfani da shi.

    Nau’ikan Ciwon Suga.

    Nau’i Na Farko

    Shine ciwon suga din da yake dalilin karancin samar  da insulin. Anfi samu a yara da matasa kasa da shekara 30.

    Nau’i Na Biyu

    Wannan kuma akwai insulin din amma jiki baya iya amfani da shi. Anfi samu a manya masu shekaru sama da 40.

    Menene Insulin?

    Wani sinadari ne da jiki kan samar da shi, yana taimakawa wajen shigar da suga cikin ƙwayoyin halittar jiki domin samar da kuzari (Energy) a jikin mutum. Shi yasa rashin sa ko idan jiki ya kasa amfani da shi yake kawo dagawar sugar a cikin jini.

    Alamomin Wannan Cuta
    •  Yawan fitsari
    •  Yawan jin kishirwa
    •  Yawan jin yunwa
    •  Takan iya zuwa babu alamun(Asymptomatic)
    •  Takan iya zuwa da yanayin gaggawa da ka iya sandin ran mutum ( Diabetic Ketoacidosis)

    Akwai cutuka da yawa da kan iya zuwa da irin wannan yanayi, don haka gwaji ne ke iya tabbatar da ita.

    Menene Tasirin Wannan Cuta?

    Wannan cuta idan ta ta’azzara takan iya haifar da matsaloli da yawa a jikin mutum, musamman wanda basa kula da amfani da magungunan da likita ke basu ko idan basu samu inda ya dace a kula da su ba.

    Wannan Matsaloli Sun Hada Da:
    •  Shanyewar barin jiki (stroke)
    •  Matsalar idanu
    •  Ciwon zuciya
    •  Hawan jini
    •  Rashin wakewar ciwo da wuri
    •  Ciwon koda.
    •  Mutuwar kafa( diabetic foot)
    Shawara Ga Masu Cutar
    •  A kula da irin abincin da ake ci, abi shawarar likita.
    •  Motsa jiki yana taimakawa wajen shingar da suga cikin ƙwayoyin halittar jiki, ta haka yana rage suga ya kuma kara lafiya.
    •  A kula da amfani da  magunguna  ba bisa ka’idar da likita ya bayar.

    Idan mai wannan cuta ya kiyaye shawarwarin da masa akan harkar lafiya suka bayar, zai a samu saukin matsaloli da ingantacciyar rayuwa.

    Yana dakyau ku karanta wannan Yan Mata Masu Shirin Yin Aure Da Amare Da Kuma Masu Sabon Ciki Karkuga Kamar Na Takura Muku Da Maganar Folic Acid

  • Amfanin Folic Acid Ga Mata

    Amfanin Folic Acid Ga Mata

    Kafin ki kai ga ɗaukar ciki (juna biyu) da wata guda ko bayan ta tabbata ciki ya shiga lallai a watanni ukun farkon nan na cikin ki tabbatar kin samo sinadarin (FOLIC ACID 5MG) kin riƙa sha tun wata ɗaya ma kafin ki ɗauki cikin, domin kaucewa zance da karkata-kai ko kuwa arba da abinda zai sanya damuwa tare fantsamar labarai tsakanin mutane na abin haihuwarki.

    Domin yana daga cikin illolin ƙarancin folik asid haihuwar yara masu nakasa ko kuwa wasu irin munanan suffofin halitta da babu wanda zai so a sha wahalar goyon ciki karshe a haifo yaro ko yarinya wanda wani ma bazai iya ƙara kallonsa ba in ya kalle shi sau ɗaya.

    • Akan haifo yara su zo da ƙaton ƙari ko tabo a gadon baya. ko yankakken leɓe ko datsatstsen dasashi (Encephalocele, spina bifida, cleft lips or cleft palates)
    • Wani ka gan shi da ƙaramin ƙoƙon kai, ko mitsi-mitsin kunnuwa. (microcephalic with low set ears)
    • Wani a haifo shi da ƙaton kai, wani da fuska kamar aljani (hydrocephalus abd dysmorphic facie)
    • Ko jaririn da bai da dubura ko wajen fitsari. ko me yatsu shida zuwa bakwai da naniƙaƙƙen hanci.
    • Wani a haifo shi da ƙatoton ƙari a ƙeyarsa, cikinsa, goshinsa, ƙirjinsa ko gadon bayansa. (teratoma, myelomeningocele)
    • Wani ya zo kayan cikinsa a fili a bude, kamar yadda ‘yan kwanakin nan ga su nan muna ta gani, wanda galibi ko an zo asibiti ƙarshe macewa suke. (Gastroschisis, Omphalocele).
    •  Ko ‘ƴan gujil-gujil ɗin gaɓoɓi da dogon ƙoƙon kai.
    • Ko yaran da kan zama wasu gaulaye, ko masu karkataccen wuya, rashin daukar karatu, kurumta, da sauransu.

    Da dai sauran tarin matsaloli, wanda galibi ƙarancin ko rashin shan sinadarin folic acid ne ya zamo sila.

    Domin karanta dalilin Rashin Jini A Jiki (ANEMIA) Danna nan

    Wasu lokutan a asibiti akan ba mata su kyauta, amma rashin sanin amfaninsu yasa sai su je su yi watsi da su.

    Shi wannan sinadarin yana da amfani ne a watanni uku na farkon ciki kacal domin a lokacin ake haɗa halittar jariri, sannan lokacin ne duk waɗancan illolin kan faru wanda da zarar ciki ya wuce watanni uku to shansu bai da wani amfani domin lokacin halitta ta kammala in yaro ya sami matsala ya riga ya samu kurum, in bai samu ba nan ma bai samu ba.

    Sanin hakan yasa musamman masu shiga gidan aure a karon farko wato ‘yan matan da aka tsai da ranar biki, da ma bazawarar da za tai kome ko wani auren…in dai akwai haihuwa a plan ɗinsu toh tun wata ɗaya kafin ɗaurin auren ya dace mace ta fara shan; FOLIC ACID Me 5MG kullum ƙwaya ɗaya.

    Insha Allahu da wuya ka ga an kai ga haifo jariri me nakasa. Baki ɗaya ina jin banda abu da yai tsada na Naira ɗari biyu “N200” a da in mace ta sayo sai ta shekara tana sha bai ƙare ba, ko yanzu na tabbata Folic Acid na “Naira 300” ya ishi mace ta yi fiye da wata uku ma tana sha, ba wani magani bane me tsada. 

    Domin karanta bayani akan Warin Baki (Mouth Odour) Danna nan

    Shan sa zai taimaka tare da kaucewa zuwa ai ta camfe-camfen banza, ana bin ‘yan tsubbu da bokaye neman lafiya, ko a riƙa mayu ne  suka jefi cikinki, ko a haɗaki gaba da wata a ce ita ta yi miki asiri, ko a riƙa kin haifo ɗan ruwa saboda kin riƙa debo ruwa da daddare a borehole ko rijiya da dai sauransu…. Alhalin munanan suffofi ne da ko mayu ba su isa su iya ƙirƙirarsu a mutum ba.

    Sannan haka yaro tun yana jariri iyaye su yi ta faman zaryar asibiti ana cacar kudi, kuma su kansu ƙunshe yaron za ka ga suna yi saboda damuwa…ba ma sa so a gan shi, ballantana kuma gaba in ya tasa, haka yara babu me son ya gan shi cikin abokan wasan sa, ko a mai da yaro matoni.

    Shi yasa a ko da yaushe ilimi abu ne me daɗi musamman kuma a ce in ka yaɗa shi cikin al’ummar da kake da ƙwarin guiwar za su yi aiki da shi.

    Kusan da cewa Haihuwa A Gida Ba Jarumta Bane Kuskure Ne Danna nan domin karanta dalilai

    Ku nemi wannan magani ga masu shirin amarcewa kusa, ko wacce take da sabon cikin da bai wata uku ba, wacce ko ta san ta taɓa haifo yaro me nakasa toh shekara guda ma ya dace ta yi tana sha har zuwa ta sami wani cikin tai watanni ukun farko.

    Idan ciki ya wuce wata 3 shansa bai da wani amfani, already halittar sassan jiki ta kammala ba abinda zai canza.

  • Rashin Jini A Jiki (ANEMIA)

    Rashin Jini A Jiki (ANEMIA)

    Kusan kullum ka shiga asibiti sai ka samu ana sa jini wa marasa lafiya dayawa. Hakan ƙalu bale ne babba ga al’ummar mu. Rashin jini yafi takurawa mata da yara yan kasa da shekara 5 da kuma tsofi masu fama da dadadden rashin lafiya. WHO ta wallafa cewa, a kalla yara kashi 42 cikin dari  da mata kashi 40 cikin dari ne suke fama da rashin jini a duniya.

    Akwai abubuwa dayawa da suke kawo rashin jini. Rashin jinin ma kala kala ne. Mafi yawa a wannan kasata Nigeria bazai wuce mai alaka da abun da muke ci. Rashin cin ingantaccen abincin da ya kunshi isashshen sinadarin iron da sauran vitamins da mineral wanda suke taimakawa wurin habaka yawan jini a jiki.. 

    Mutane dayawa za suyi noma sosai amman sai su sayar gaba daya su karbi kudin su biya buƙatun su na wani lokaci,  su bar iyalan su cikin yunwa da wahala. Sai mutum ya noma wake ya sayar gaba daya,  yanzu kuma a gidan shi ana shan bakar kuka babu nama,  babu waken. Haka gyada,waken suya,ridi,alkama,shinkafa,acca,wani har zogale yake dashi amma na sayarwa ne bana ci a gida ba. 

    Domin karanta bayani akan Warin Baki (Mouth Odour) Danna nan

    Rashin jini na haifar da matsaloli masu hatsari sosai,  daga cikin alamoninta da illarta

    Akwai:

    • Ciwon Zuciya
    • Karya gakuwan jiki
    • Numfashi sama sama
    • Yawan kasala
    • Jiri
    • Ciwon kai
    • Sanyin jiki ( ido,jiki,bayan farce suyi fari fat) 

    In ana jin wasu daga cikin alamomin nan aje asibiti don bincike mai kyau da inganci.

    Abincin da suke taimakawa wurin karin jini suna daya amman wanda suka fi sun hada da:

    •      Nama 
    •      Fruits  
    •      Ganyayyaki musanman zogale,ugu. 
    •      Wake;  farin wake da waken suya.

    Zogale ana sarrafashi ta hanya daban daban, ana miya,  gwate/fate,  kwado ana iya shan ruwa.

    Kusan cewa Haihuwa A Gida Ba Jarumta Bane Kuskure Ne Danna nan domin sanin dalili

    Ugu ma haka,  ana iya miyarshi, ba dole matsewa a hada da maltina ne kadai hanyar amfani da shi ba.

    Maltina da madara ba maganin karin jini bane, kasha kaji dadi dai malam. In kasha tabbas daka ji dan garau na wani lokaci saboda sugar content na maltina. Duk jirin da su dan sauka amman fa zasu dawo. Yana da amfanin shi amman banda karin jini,  sai dai zai iya taimakawa in ya hadu da sau ran sinadiran.

    A kula da mata musanman masu ciki da shayarwa da kuma yan mata( rashin jini na iya kawo daukewar jinin alada) da yara harda tsufin mu,  wurin samun in gantaccen abinci.  Allah ya kara mana lafiya.

    Domin karanta cikekken bayani akan Ƙaiƙayin Matsematsi (Jock itch) Danna nan 

  • Ƙaiƙayin Matsematsi (Jock itch)

    Ƙaiƙayin Matsematsi (Jock itch)

    A likitace ana kira wannan matsala da TINEA CRURIS, wanda kwayar cutar da ake fungi ke haddasa ta kuma kwayar cutar ita ke haddasa makero da cin ruwa na yatsun kafa. Babu alaka ta kusa tskanin wannan matsala da ciwon basir kamar yadda wasu ke tunani.

    Wannan Cuta Ana Iya Dauka Daga Mai Ita Ta Hanyoyi Kamar Haka:
    •  Mu’amalar aure da mai dauke da ita
    •  Amfani da tawul daya da mai ita
    •  Sa kayan mai dauke da ita kamar underwears

    Yanayin wannan matsala na zuwa da kaikayi da canjin fatar wurin, idan ya bushe aka sosa ya kanyi farin gari.

      Ga Masu Wannan Cuta:
    •  Akwai magani na shafawa wanda idan an tambatar shine a asibiti ake rubutawa mutum
    •  A daina barin matsematsi da danshi bayan wanka ko ziffa, domin kwayar wannan cuta na son danshi shi yasa mutane da yawa kan iya kara samun matsalar bayan sun warke.
    •  A kiyayi hadawa ko aron kaya daga mai dauke da wannan matsala.

    Domin karanta Physiology da Hausa Kashi na Shida: Hematology (Jini da Abun da ya Ƙunsa) Danna nan

  • Ɗabi’ar Gyaran Jiki A Yau, Shin Ina Hakan Zai Kai Mu

    Ɗabi’ar Gyaran Jiki A Yau, Shin Ina Hakan Zai Kai Mu

    Al’amarin sankarar nono “Breast cancer” nema yake ya zama tamkar wani zazzaɓin cizon sauro na Malaria, matsalar kullum ƙara ƙamari take,abin takaici gwamnati ba abinda take akai, munin matsalar ya wuce duk yada kuke tunani amma inda wacce tasan me matsalar ko wata wacce ta rasa nonuwanta dalilin matsalar za ta fahimta. 

    A matsala irin wannan masu maganin gargajiya da Islamic chemist ɗinnan ba wani abu da za su iya yi akai, ba taimakawa suke ba, galibi damfara ce, tunda ba za ka taɓa ganin sun kawo mutum guda da za za su bugi kirji su ce su suka warkar da shi ba, babu kaf, na ga macen da ta kashe sama da Naira Milyan 5 dalilin matsalar nono hannunsu tare da ƙin zuwa asibiti, sai a ƙarshe da ta ga uwar bari. 

    Wanda tun farko da za ka ce ki je asibiti a duba ki tunda wuri in ma ƙari ne a cire ko kuma in kansa ce a fara chemo za suce ma ba kuɗi. 

    Domin karanta bayani akan Warin Baki (Mouth Odour) Danna nan

    Su ko masu waɗancan magungunan kurum cewa za su yi ba da kaza mu ba ki magani ki sha za ki warke tas… suna iya dunƙule cutuka 10 su ba ki magani guda su ce duk zai warkar, toh banda kuma ƙananun ‘ƴan damfara da sun ma fi kowa illa mutum ya zo da magani yana Naira 50 guda uku N100, kullum a haka mutanen mu ke sake da ciwo har sai ya ci ƙarfinsu. Ko yadda ake tallan maganin sanyi, shawara, rana basir ya dace a ce zuwa yanzu wannan cuttukan sun zama tarihi a Nigeria amma ina sai dai kullum ai ta sha domin dama ƙarya ne.

    Ku yi haƙuri masu magungunan nan amma dole na faɗi gaskiya, ba kwa fadawa mutane gaskiya, ita kuma gwamnati in dai za ta sami haraji ba ta da damuwa, mutum ya je yai ta tallansa cikin taron mutane.

    Galibi sanda mata za su zo asibiti sai cancer ɗin ta tashi daga nono ta ƴaɗu zuwa sauran sassan jiki inda ba abinda za ka iya na hana su tunkarar mutuwa.

    Domin sanin menene Cutar Dundumi Ko Ganin Hazo-Hazo Danna nan

    Gwamnati ba abinda ya dame ta da wannan gagarumar matsala, illa iyaka surutunsu su kenan batun siyasa, fyaɗe, ƴancin mata, batun auren jinsi da sauran shirme, babu wata hukumar me zaman kanta dake ƙokarin zuba kuɗi ai binkice domin yaƙi da cutar cancer nono cikin mu, hankalinsu ma ba kan nonon yake ba ballantana a fara binkice.

    Abu guda ne dai na sani duk waɗannan abubuwan da ake ta magana da ke haddasa kansar nono [risk factors] tabbas kwai wani ɓoyayyen hatsarin da binkice ne kaɗai zai sa a gano shi, domin a yadda larurar ke fantsama akwai wani muhimmin abin da binkice ne kurum zai tabbatar, sai dai ba a ma fara ba kuma babu tunanin yi, wanda yana iya ɗaukar shekaru 10 kafin ya kammala, don haka kowa yai ta kansa, musamman mata, ita ce lamba ɗaya cikin cancer ɗin da ke kashe mana mata a yanzu.

    A da wannan larurar ba common ba ce tsakanin mata masu matsakaitan shekaru, wato yan shekaru kasa da 45, galibi sai manya wanda ma suka daina haila amma a yanzu galibin wanda muke samu ko kusa da shekara 50 ma ba su yi ba, Infact har Ƴar 20yrs, 27yrs, 32yrs 33yrs, duk mun same su ballantana kuma ,yan 35 zuwa 40yrs.

    Ku san cewa Haihuwa A Gida Ba Jarumta Ba ne Kuskure Ne Danna nan domin sanin dalili

    Wata baiwar Allah ‘yar shekaru 27 da ta zo asibiti kwanaki gaba ɗaya tana cuso kai cikin emergency ɗin nan.. ba wanda hankali da zuciyarsa ba su shiga damuwa tare da sanin wani mummunan abu yazo ba…. saboda wani irin mugun wari da gurin ya kaure da shi, tunda ta shigo ba a kara samun iska me daɗi ba.

    Ba komai ba ne ke wari sai nononta! In ka kalla sau ɗaya In banda dole ba za kai marmarin ƙara bude ido ka gansa ba, irin yadda yai wani bulli ya yo cunkus, yai ɓamɓaronki, yai rami wani mugunyar ruwa me ɗoyi ke fitowa ta ciki, duk ya jiƙe gaban hijab ɗin, ko zama sak ba ta iyawa saboda azaba…  wayyo Allah kurum take faɗi, ni dai sai da nai kwana na yini ina jin wannan warin a hancina, wai ma sunan nasa face mask kenan.

    Wata kwanaki da ta zo Allah likitan da ya kalla a nan ya zube ƙasa ya sami syncope sai daga baya akai Resuscitation ɗinsa, ka rasa irin jahilicin da muke ciki, ai ko ba ni da ko sisi gara ai wacce za ai da na zauna gida da wannan abin a jika. Sai dai ai kwaɓa abubuwa ana ƙara mulkawa jiki. 

    To haka muke fama, baza a taho asibiti ba tun farko mutum in ya ji matsala sai yai ta bin gurin masu magungunan gargajiya suna nuna zasu warkar da shi amma a banza sai a ƙarshe matsala ta ci ƙarfin mutum sannan zai doso asibiti, kuma ko ya akai maganar kuɗi mutum ya shiga tashin hankali bayan da tun farko ya zo kafin matsalar ta girma da sai dai ai wani zancen amma ba yadda za ai gwaje-gwajen da kuɗin aikin suke tsadar haka,wata saita ɓata dubunnai gun masu magungunan gargajiya ko Islamic chemist a banza wanda da asibiti tazo ba haka ba.

    Domin karanta Yadda Za ka Ba da Agajin Gaggawa Ga Wanda Ya Sha Kananzir (Kerosene) Danna nan 

    Ita cancer ta wuce wasa, daga cancer ɗin nono tana iya yaɗuwa zuwa huhu, hanta, ƙwaƙwalwa da dukkan wani sassan jiki, kuma in tai wannan ba wani aiki da za kai wa mutum ta zamo advanced’ sai dai ai ta tafiya a hankali har ranar da ALLAH zai raba ka da mutum (mutuwa), wanda suke samu mu yi aiki a yanke nonuwan a ɗora su kan chemo wannan fa su ne wanda suka cika da imani kenan… don in tai ƙamari ba ma ɓata lokacin cire nonon haka za mu bar sa yai ta zugwanyewa a hankali don aikin cire shi ba zai taimaka da komi ba. 

    Shi yasa kwai ban haushi mutum ya share duwawu ya zauna har sai an fara ƙyamatarsa cikin mutane, saboda yana wari sannan ya doshi asibiti yana zaton likita zai masa siddabaru ya warkar da shi lokaci guda.

    Wannan shi ne video na links irin yadda cancer kan yi wa nono ku gani da idonku: yadda cancer kan yiwa nono

    Don haka bayin Allah musamman kannen mu da yayyen mu mata ku yi karatun ta nutsu.

    Wannan kansar ta nono jikinku babban abinda ke taka rawa shi ne sinadarin Iyistrojin (estrogen), shi kuma wannan estrogen dama a jikinku yake, shi ne sinadarin da ya bambanta jikin mace da na namiji, shi ke haɓɓaƙa sha’awar ku, girman nonuwa, haila, ɗaukar ciki zuwa haihuwa… Duk yana cikin aikinsa.

    Toh ita wannan cancer muddin ya zamto jikin mace na cigaba da samun exposure da estrogen’ wato ya zamto ya cigaba da fita akai-akai ba tare da jikin mace na samun hutu ko tazara ba wannan shi ne babban hatsarin da ke kai mace ga kansar nono, duk ture wani batu na tarihin ciwon cikin ‘yan uwa, shan taba, da sauransu, wannan exposure ɗin da jikin ke samu da estrogen shi ne muhimmin kuma a kansa ne ya dace hukumomi a duƙufa binkice a nemo yadda za ai.

    Jiki Na Samun Exposure Ne Kamar Haka:
    • Fara haila da wuri ga mata, wato duk wacce ta fara haila tana ‘yar tsakanin shekaru 10, 11, 12, 13 zuwa 14 wannan hatsari ne, domin hakan na nuna ta fara samun exposure da estrogen tun tana ƙanƙanuwa kuma haka abin zai zarce tunda duk wata sai tai haila, don haka dogon lokacin da za ta ɗauka tana haila kafin ta cimma shekarun dainawa na da yawa ba kamar na wacce ta fara a 15yrs ba, hakan ke nuna hatsarin kamuwarta da ciwon
    • Rashin haihuwa da jinkirin aure kafin a ɗauki ciki… wannan ma suna exposing jiki ga estrogen, domin kun san idan mace tai ciki to ba ta haila, har sai ta haihu, toh wannan watannin goyon cikin kariya ne ga jikinta, yana hana exposing jikinta ga estrogen, shi yasa yawan haihuwa kariya ne, haka wacce aure yai mata jinkiri jikin zai cigaba da samun exposure tunda duk wata cikin haila take don haka kwai hatsarin ciwon tattare da ita.
    •  Rashin shayarwa, sanda ake shayarwa hakan kan daƙile tasirin hauhawar estrogen a jika, ga matan da ba sa shayarwa ko kuwa ba sa yin cikakkiya yan watanni kaɗan sun yaye yaro saboda wani dalili nasu… To wannan gagarumin hatsari ne da ke kusanta ki ga cancer nono da a yau ta zamo ruwan dare.
    •  Magungunan tazarar haihuwa, wannan magunguna galibi cikinsu a karan kansu dama suna ƙunshe da estrogen don haka gwargwadon jimawa da mace tai a kansu gwargwadon hatsarin ta, duk da ko da na wata 1 ne wata ya isa ya haddasa komi a zubin jikinta, wannan kuwa walau na sha, allura ko implant… Muddin masu ƙunshe da estrogen ne to kwai hatsarin kamuwa da kansa, shi yasa sai an tantance mutum ma ake ɗora shi, yadda in aka ga matsala ana iya canza masa da magani mara estrogen a ba shi iya me progesterone in ma planning ya zama dole.
    • Shaye shayen magungunan mata da ya fantsama cikin al’umma. Wannan magungunan ba za su yi muku abinda suke muku ba inda babu estrogen a ciki, wanda ni a yau shi nafi ɗorawa laifin yawan adadin cancer da muke samu, domin wallahi inda kasan malaria yanzu haka samun mata da cancer nono yake. Wallahi duk masu wani gyaran nonon nan, hips da farji ku kuka da kanku, I’m serious…. Not joking. Kun ga hatta wannan hulba da kuke rainawa da kuke amfani da ita wajen gyaran nono tana da estrogen cikinta sosai, shi ne ma yasa nonuwan ke tashi, in babu estrogen nono bai taɓa girma, duk wannan shirin da ake ma yarinya kafin aure da wanda ke gidan miji estrogen ne ake exposing jikinsu gare shi. Don haka ai hattara
    • Jinkirin tsayawar haila, mace ta haura 50 ko 52 ba tare da ta daina haila ba hakan na nufin jikinta na cigaba da samun exposure da estrogen don haka kwai yiwuwar kamuwa da cutar breast cancer gareta.
    Wannan su ne muhimman hanyoyin da matan mu ke samun exposure da estrogen

    Musamman al’amarin kayan matan nan yadda da yawa suka rungume sa ba inda zai kawo su ƙarshe sai nan, cancer nono sai ma zuwa gaba. Kome matan mu dambarawa nono suke in dai za su yi girma ko su taso shikenan, amma tunanin ko me zai faru gaba sam ba ruwan su, shin kina jin mazan yanzu kaso 90% cikin 100% za su zauna da ke gaba in kin sami matsala a nono?

    Mara lafiya na fama da kanta cancer nono ta ƴaɗu zuwa huhu cikin oxygen amma a haka mijinta ya sake ta saboda ya gaji. Yai cacar kuɗi, nasa sun ƙare ya shiga cin bashi har ya rasa me ba shi,… Babban abinda ya ja hankali na da na ga ‘yan uwanta ba su zarge shi ba, buɗar baki cewa su kai gajiya yai… Ba za mu ga laifinsa ba mun san me ya yi. Karshe dai mutuwa ta yi dama.

    Kuma wasu za ka samu na da hawan jini ba su sani ba, wasu kuma sun san suna da shi, amma gani suke ba matsala a irin abubuwan da suke sha…. Toh ku sani shan wannan abubuwan ko shafa su gareki na kusantaki ga hatsarin samun shanyewar ɓarin jiki baya ga cancer, kwai hatsarin hemorrhagic strokes…  Wato fashewar jijiyar jini a cikin ƙwaƙwalwa musamman a basal ganglia ko nucleic.

    Haka Ko da ba ki da hawan jini, domin binkice ya tabbatar da hakan. Matan turawa duk ba su san wannan haukan ba ballantana, kuma suna riƙe da mazan su, ballantana kuma ke da kina budurwa ba ki yi aure ba amma kina exposing kanki ga estrogen bayan ko da haila aka bar ki ta isheki hatsari amma sai shaye shayen abubuwa kike don ki ta-da nono.

    Domin karanta bayani akan Warin Baki (Mouth Odour) Danna nan

    Basal Nucleic wani network ne na jijiyoyin da ke da alhaki wajen sarrafa motsin jikin mu na tafiya, ɗaga hannuwa da duk wani motsi, hakan wajen koyon abubuwa, zartar da abubuwa ko umarnin a yi, sarrafa ɗabi’un mutum da jin tausayi ko damuwa da halin da wani ke ciki, ko jin babu daɗi ko farin ciki in wani abu ya afku.

    Toh daga sanda wannan sashin a ƙwaƙwalwa ya sami matsala duk waɗannan ayyukan nasa cikas za su samu, kuna dai ganin yadda masu strokes ke kasancewa; jiki a jirkice, baki a kaikaice, magana ba ta fita, abinci ba ya ciyuwa a daɗin rai da dai sauran ɗawainiya da mai jinya har sai ya gajiya.

    Toh ɗaya daga cikin illar shaye-shayen da shafe-shafen waɗannan supplements ɗin kenan da ke haɓɓaƙa shauƙin jima’i ga mata wanda aka fi fahimta da kayan mata, domin ƙarara an sami cases ɗin da hakan ta faru, Infact ita wannan sau ɗaya tak ta sha shikenan ya jawo mata strokes. Domin na faɗa, estrogen shi ne kacokan sinadarin da ke da alhakin haɓɓaƙa wannan abubuwan a mata, kuma shi ne ke cusasu a hatsarin cancer da shanyewar ɓarin jiki.

    Batun maganin matsi, tsarki da wani ruwa ko wani turare kuwa…. dama wannan ku kuka da kanku kuna interfering da PH na vagina, kuma kansar bakin mahaifa da farji na nan na ƙwankwasa muku ƙofa a kwana a tashi. Maggots wato tsutsotsi haka za ka gani a farjin mace, amma ku ban hankalinku zuwa cikin wannan links din muga wani abu: Danna nan domin kallan video din 

    Bari na taƙaita a nan ba don na kammala faɗin komi ba. Amma dai ya dace kowacce mace tai karatun ta nutsu. Bance kar mace ta lura da kanta ba, amma duk gyaran jiki ba sama da samun isashshen bacci, cin ingantaccen abinci, shan fruits, wanka, wanki, iya mu’amala, sanin buƙatun miji da haƙuri da rayuwa. Wannan za su kai ki dukkan matsayi gurin miji koda an cire miki nonuwa ba zai taɓa dena sonki ba, domin ke ɗin da halayenki yake so. In kunne yaji jiki ya tsira. Na yi nawa saura naku. 

  • Haihuwa A Gida Ba Jarumta Ba Ne Kuskure Ne

    Haihuwa A Gida Ba Jarumta Ba Ne Kuskure Ne

    Jiya akwai wata baiwar Allah da ta rasa ranta lokacin aka kai ta cikin asibiti domin haihuwa bayan an sauko da ita daga abin hawa kafin akai ga shigar da ita dakin haihuwa,wannan mata kamar yadda bayana suka zo

    • Haihuwar fari ce
    • Ta dauki tsahon lokaci tana nakuda a gida 
    • Ta zubar da jini sosai a gida

    Munyi imani rayuwa da mutuwa duk suna hannun Allah, amma kamar yadda bindiga keda hatsari ga rayuwar mutum haka wannan abubuwa 3 keda hatsari ga rayuwar mace mai ciki idan ta zauna haihuwa a gida, kuma ko tantama babu sune suka yi sanadiyar rasa wannan baiwar Allah.

    Da yawan mutane na da tunanin cewa sai idan da matsalar za aje asibiti a haihu wanda ba haka bane, duk lafiyar ciki zai iya zuwa da matsalar da ba’ayi tsammani ba daga mahaaifiyar ko daga abinda za a haifa wanda idan matsalar a gida ta faru kafin a kai ga asibiti tayi illar da ake gudu cikin gajeren lokaci  ba kamar idan a asibiti ta faru ba akwai ma’aikatan a kusa da za suyi kokarin kawar da wannan matsalar.

    Domin sanin menene Cutar Dundumi Ko Ganin Hazo-Hazo Danna nan

    Misali.
    •  Idan aka haifi jariri ya kasa yin numfashi har ya kai tsahon mintina 4 a haka ba tare da anyi wani abu ba, ba dole ba, amma zai iya samun nakasar ƙwaƙwal ta har abada.
    • Idan mace ta zubar da jini fiye da kima a gida,  kafin  ayi shawarar  kawo ta asibiti, sannan nemo abin hawa da tsahon tafiya zuwa asibitin, sai kuma nemon wanda zasu bada jini, sannan a dauka,wannan bata lokacin ya isa mace tsa rasa ran ta kafin akai ga kara mata jinin.

    Wannan misalai sun isa mu fahimci amfanin zuwa asibiti don haihuwa da tasirin lokaci wajen kaucewa matsala.

    A karshe ku sani, kusan 90% na matsalolin dake haddasa mutuwar mata masu ciki, abubuwa ne da za a iya kare faruwar su cikin sauki.

    Bai kamata mace ta rasa ran ta ba a kokarin ta na kawo wata rayuwar duniya

    Domin karanta bayani akan Warin Baki (Mouth Odour) Danna nan

  • Allurar Tsarin Iyali Ta Maza (Male Family Planning)

    Allurar Tsarin Iyali Ta Maza (Male Family Planning)

    Wannan itace alluran danafadamuku ansamu ta maza kwanaki kuma cikin ikon Allah allurar ta samu amincewar hukumar kula da lafiya ta duniya (WHO,wanda allurar an gama dukkan wani gwaje gwaje da za’a yi a kanta na ingancin ta da lafiyar ta.

    Bincike ya nuna cewa allurar tana da kashi 97.3 cikin 100 na nasara wajen cimma burin da ake so.

    A lokaci guda, tanada ingancin 99.02 wajen hana haihuwa,azoospermia shi ne toshewar fitar maniyyi daga da namiji.yayin saduwa.

    Da zarar an yi wa mutuma allurar, tasirinsa zai kasance har na kusan shekaru 13.

    Domin karanta Yadda Zaka Bada Agajin Gaggawa Ga Wanda Ya Sha Kananzir (Kerosene) Danna nan 

  • Yadda Zaka Bada Agajin Gaggawa Ga Wanda Ya Sha Kananzir (Kerosene)

    Yadda Zaka Bada Agajin Gaggawa Ga Wanda Ya Sha Kananzir (Kerosene)

    Kananzir, petir da sauran dangogin su duk irin agajin gaggawa su iri daya ne. Bayan tambayar da muka yi a wannan shafi, mafi yawancin sakonnin da muka samu ya nuna mutane suna bawa Wanda yasha kananzir wasu abubuwa kamar manja da madara ko a sa yaro yayi amai Wanda duk hakan babban KUSKURE NE!!! 

    Me Ya Kamata Ayi?
    • Na farko wanke inda kananzir ya taba da sabulu.
    • Kar ayi kokarin sa yaro yayi amai, saboda kananzir abune mai naso wanda idan aka sa yaro yayi amai zai iya wuce bututun iska ba tafi hunhu (lung) wanda hakan kan haddasa ciwon da ake kira Chemical Pneumonitis, illar sa takan iya fin ta kananzir din da aka sha.
    • Kar a bawa yaro wani abu kamar madara ko manaja, domin basu ta tasiri wajen rage karfin kananzir da aka sha.
    • A kai yaro asibiti

    Don haka a gida ba a bawa wanda yasha kananzir komai,wancin abinda mutane keyi shine  ke ta’azzara lamarin.

    Jan Hankali Ga Ma’akatan Lafiya Matakin Farko.(for health personnel only)

    Lokacin da aka kawo yaro ya  sha kananzir, ya kamata ku sani cewa

    • Ba a bayar da activated charcoal, sai dai idan an hada kananzir din da maganin kwari.
    • Ba a bayar da antibiotics, sai dai idan akwai evidence of infection!
    • A bawa mara lafiya O2 sannan ayi 8observing symptoms (treat the symptoms)

    Domin karanta bayani akan Warin Baki (Mouth Odour) Danna nan

  • Warin Baki (Mouth Odour)

    Warin Baki (Mouth Odour)

    Warin baki, abu ne me wuyar faɗi ga aboki ko wani da ake jin nauyinsa, to sai dai dole a kwana a tashi mutum zai san yana da shi. Akwai lokutan da dole akan ɗan ji baki ya canza wanda canjin ka iya zama normal musamman in ana azumi ko an jima ba a sa komai a baki ba.

    Toh sai dai in warin ya zamto kodayaushe a kai-a kai da har ya kai yana hana mutum sakewa, toh mahimmin abu shi ne a yi ƙokarin gano abinda ke haddasa hakan sai a magance shi domin ta haka ne za a iya rabuwa da matsalar.

    Wasu lokutan ba rashin brush ba ne ko rashin tsafta ba ne kurum kamar yadda mutane kan ɗauka.

    Abubuwan Da Suke Kawo Warin Baki

    (1) Daɗaɗɗiyar cutar ulcer, in mutum ya jima ɗauke da ulcer ba tare da magance ta ba, hakan na sa warin baki ko numfashi wanda ke tasowa daga can cikin uwar hanji tunda gyambo ne dama, shi yasa akan kira ta da gyambon ciki tunda ko gyambon da ke waje yakan yi wari ballantana na can ciki,  wurin da iska ba ta ratsawa.

    Domin sanin menene Cutar Dundumi Ko Ganin Hazo-Hazo Danna nan

    (2) Haka nan toshewar ƙofofin salivary gland wato bututun sashin da ke samar da miyau a baki sakamakon tsakuwa da ta toshe (salivary stones) hakan yana sa warin baki sosai.

    (3) Haka ma samuwar tsakuwoyin tonsils wato tonsils stones da ke faruwa sanadiyyar abincin dakan maƙale a baki da haƙoran mu bayan gama cin abinci, inda a hankali yakan haɗu da ƙwayoyin cutar bacteria a bakin ya haddasa wannan tsakuwar da ke haddasa warin bakin mara daɗi wanda har numfashi haka za a ji yana ɗoyi.

    (4) Haka ma matsalar shigar ƙwayoyin cuta ramuka ko kogunan ƙashin fuska (sinuses) da ke ƙasan hanci suna haddasa (sinusitis) wato rauni a gun, ka ji hatta hancin mutum wari yake gami da ciwon kai ko ciwon fuska. 

    (5) Haka yanayin abincin da mutum ke ci a kai a kai irinsu albasa ko tafarnuwa ba tare da tsaftar baki me kyau ba. 

    (6) Ɗabi’ar shan ababen zaƙi kamar tea empty ko yaushe, chocolates, candy, coke da lemukan gwangwani da na roba. In ba a tsaftace baki da kyau tare da amfani da “tongue scraper” ana karce saman harshen wanke shi bayan an yi brush to ana iya wayar gari da warin baki a kwana a tashi.

    Domin karanta matsala da maganin Saurin Inzali (Premature Ejaculation) Danna nan

    (7) Ko kuma idan mutum na da kogon haƙori sakamakon abincin da ke shiga ciki ya maƙale nan ma yana iya haddasa warin baki

    (8) Haka zalika rashin iya wanke baki koda ana yi kullum, shi ma brush ɗin iyawa ne, don haka in ba a sakuce ko ina da kyau ana iya wayar gari da matsalar.

    (9) Haka ma idan mutum na kwanciya bacci ba tare da wanke baki ba bayan ya ci wani abu komai ƙanƙantarsa koda kuwa biscuits ne kada a raina, wannan bama warin baki ba hatta miyawun bacci na daga abinda ke kawo shi  wato kwanciya batare da cikakken tsaftar baki ba.

    Matakan  Ɗauka

    (1) Idan tsakuwoyin stones ne dole sai an huda an cire su, sai dai wannan aikin likita ne domin ba ganinsu ake ido da ido ba likita ne ya san mazauninsu a bakin, warin bakinsu ya fi hamami in su ne kamar an buɗe irin tukunyar gas ɗin nan haka za ka ji bakin mutum.

    (2) Idan rashin yin brush da kyau ne toh ya dace a gyara.

    (3) Idan haƙori me kogo mutum garehia ya je a wanke a cike kogon ko a cire haƙorin in ba zai ciku ba, shikenan an rabu.

    (4) In wani abu mutum yake ci toh sai ya ƙaurace masa musamman lokacin kwanciya bacci, kar ka ci komi awa 2 kafin yin bacci in ba ruwa ba. 

    (5) Wanke baki da ruwan sinadarin hydrogen peroxide irin wanda ake sayarwa don wankin ciwo, bayan an tsiyaya an ɗan ƙara masa ruwa kaɗan an kashe zafinsa sai ai amfani da shi ya zamto ana kurkure baki da shi sau 2 ko 3 a yini, yakan taimaka wajen rage matsalar idan har dalilin ƙwayoyin cuta ne.

    (6) Tauna kanumfari kamar kwaya 3 yana sa a ji saukin abin musamman wanda hakan ke hana su sukuni.

    (7)  Ko kuma tafasa kanumfarin ƙwaya 7 zusa sama a wadace da ruwa daidai misali a riƙa kurkure baki da ruwan ana zubarwa a hankali, ake yi safe da yamma zuwa wani ɗan lokaci, musamman a ce ana ƙarawa da gishiri a cikin ruwan, ya danganta da tsananin warin da ake ji. 

    (8) In ulcer ce ai maganinta ita ma, sannan ake brush kullum kafin a kwanta.

    (9) Haka in “SINUSITIS” ne da hatta mutum shi kansa yana jin inya buso iskar hancinsa ya shaƙa tana warin ga ciwon kai toh shi ma ya je ga likita a ba shi magani a warkar da abin.

    (10) Ko amfani da apple cider vinegar wajen kurkure baki safe da yamma in ba kanumfari duk yakan taimaka.

    (11) Haka ma amfani man olive a zuba a riƙa kurkurawa tsawon minti 20 a baki kafin a zubar, hakan a jere a kai-a kai zai tallafa .

    (12) Haka ma amfani da baking soda wajen wanke baki safe da yamma ko duk bayan sanda aka gama cin abinci a madadin amfani da man goge baki.

    (13) Sai canza brush a kai a kai kada ya ke wuce wata 3 ana amfani da brush guda.

    (14) Koyon halayyar zuwa a riƙa wankin haƙora a clinics na dentist duk bayan wata 6 kimanin sau 2 a shekara zai taimaka, har lafiyar idanu da kunne sai ta ƙaru, ba sai me ciwon haƙori ba wannan zuwa flossing abu ne da ake so ga kowa.

    Domin karanta Menene Amfanin Motsa Jiki Danna nan