Meat pie wani abinci ne da ake yin shi da fulawa.
Abubuwan Da Ake Buƙata wajen haɗa Meat Pie
Flour (350g)
Margarine (150g)
Maggi guda 4
Ruwa yadda zai isa
Hodar (cin–cin ) cokali 2
Nama nuƙaƙƙin nama (170g)
Kwai 3 / Albasa biyu, Attaruhu biyu (a daka su)
Kayan ƙanshi kaɗan.
Kayan Aiki
Murhu/Risho/Gas/Oven
Kasko
Mazubi (mai tsafta)
Injin murji/katako na murji/kwalba
Fefe
Kofi (mai gida-gida)
Cokali mai yatsu
Yadda Ake Haɗawa
A samu fulawa a tankaɗe ta. A zuba a mazubi mai tsafta, a juye margarine a gurgutsira shi a cikin fulawa, sai a cakuɗa ta, a barbaɗa hoda da maggi a cikin fulawa ko ina ya ji.
A fasa ƙwai a zuba, a cakuɗa gabaki ɗaya ta haɗu, sannan a kawo ruwa a dinga zubawa da kaɗan da kaɗan; har ta haɗe jikinta, sai a rufeta tayi minti 30. Sai a ɗauko niƙaƙƙen naman a zuba mai a kasko kamar rabin lita.
Mu zuba a kasko ya ɗan yi zafi kaɗan, kafin a sa nama, sai a kawo albasa da attaruhu da aka daka, a kawo maggi da kayan ƙanshi kaɗan a juya naman, har sai ya soyu.
Sai a sauke, a ajiye a gefe, sai a ɗauko fulawar a bubbuga ta, ta ɗan tashi, sai a samu katako na murji da abin murzawa; a guggutsura fulawar sai mummurza ta kamar fefe, mutara a gefe sai a ɗauko fefe ɗaya, mu samu ƙaramin kofi, mu yi gida-gida da ita.
Sannan a ɗebi naman a dunga zubawa cokali, biyu ana zubawa a tsakiyar kowace fulawar, har sai ya ƙare; daga nan sai mu kama bakin kowane ɗaya murufe, bayan mun shafa ruwa a gefansa;
Mu samu cokali mai yatsu, mu daddanne, mu sa cokali mai yatsu mu haɗa samansa kaɗan, za a iya soyawa ko gasawa, in ana son gasawa sai a samu farantin gashin, mu shafe shi, mu jera meat-pie ɗin a kai.
A kunna oven a rage wutar, a saka shi a ciki, a gasa har sai ya yi ruwan ƙasa ko kuma a soya a mai me zafi.
Domin karanta cikakken bayani a kan Yadda Ake Fish Cake danna nan
